Mae Trac yn falch o bweru recriwtio ar gyfer
Bwrdd Iechyd Prifysgol Hywel Dda
Gwybodaeth
Mae Bwrdd Iechyd Prifysgol Hywel Dda yn darparu gwasanaethau gofal iechyd i boblogaeth o tua 372,320 ar draws Sir Gaerfyrddin, Ceredigion a Sir Benfro. Mae'n darparu gwasanaethau Acìwt, Sylfaenol, Cymunedol, Iechyd Meddwl ac Anableddau Dysgu trwy Ysbytai Cyffredinol a Chymunedol, Canolfannau Iechyd, Meddygfeydd Teulu, Deintyddion, Fferyllfeydd, Optometryddion a safleoedd eraill.
Uwch Nyrs - Strôc Acíwt/Adsefydlu ac Eiddilwch
Accepting applications until: 03-Oct-2024 23:59
Statws y swydd wag: Open
Accepting applications until: 03-Oct-2024 23:59
Manylion allweddol
Lleoliad
- Gwefan
- Ysbyty Gyffredinol Bronglais
- Tref
- Aberystwyth
- Cod post
- SY23 1ER
- Major / Minor Region
- Sir Gaerfyrddin
Math o gontract a phatrwm gwaith
- Contract
- Parhaol
- Oriau
- Llawnamser - 37.5 awr yr wythnos
Cyflog
- Cyflog
- £44,398 - £50,807 y flwyddyn
- Cyfnod cyflog
- Yn flynyddol
- Gradd
- (Gradd 7)
Arbenigedd
- Prif leoliad
- Stroc
Mae gwerthoedd Hywel Dda yn adlewyrchu pwy ydym ni a sut yr ydym yn ymddwyn. Rydym yn cyd-weithio’n barhaus i fod y gorau allwn fod wrth i ni ymdrechu i ddatblygu a darparu gwasanaethau rhagorol, gan roi pobl wrth galon popeth a wnawn. Trwy gydol ein proses recriwtio bydd gofyn i chi feddwl am sut y byddech chi’n byw y gwerthoedd hyn tra’n gweithio gyda ni.
Os ydych yn weithiwr Gofal Iechyd proffesiynol cofrestredig sy'n ystyried adleoli i ardal Hywel Dda yng Ngorllewin Cymru, mae croeso i chi gysylltu â'n tim ymgyrchoedd recriwtio yn uniongyrchol drwy [email protected]
I gael gwybod am ein gweithgarwch recriwtio diweddaraf, dilynwch ni ar Facebook (Swyddi Hywel Dda Jobs), LinkedIn neu ar Twitter @SwyddiHDdaJobs
Sylwer bod ychwanegiad dros dro ar gyfer Bandiau 1,2 a 3 i adlewyrchu ymgorffori'r ychwanegiad i’r cyflog byw, sef £12 yr awr - £23,465 y flwyddyn. Bydd yr ychwanegiad dros dro hwn yn weithredol hyd nes y bydd y codiad cyflog blynyddol ar gyfer 2024/25 wedi’i gadarnhau.
Mae Bwrdd Iechyd Prifysgol Hywel Dda yn cadw'r hawl i gau swyddi gwag ar ôl 24 awr os derbynir nifer fawr o geisiadau addas. Rydym yn annog ceisiadau cynnar i sicrhau ystyriaeth am swydd.
Trosolwg o'r swydd
Mae ward Ystwyth, Ysbyty Bronglais yn ward Strôc Acíwt/Adsefydlu ac Eiddilwch 18 gwely sy'n recriwtio Uwch-brif Nyrs Band 7 uchel ei chymhelliant ac ysgogol i arwain a rheoli ei thîm.
Mae hwn yn gyfle cyffrous i Nyrs Gofrestredig sy'n meddu ar brofiad addas, sy'n llawn cymhelliant ac yn frwdfrydig, ac sydd â diddordeb brwd mewn gofalu am gleifion ag anghenion sy'n ymwneud â Strôc Acíwt.
Dylai ymgeiswyr amlygu sgiliau arwain a rheoli effeithiol er mwyn arwain y tîm i ddarparu gofal o ansawdd uchel sy'n canolbwyntio ar y claf.
Mae'r uned strôc yn gyfeillgar ac yn gefnogol ac wedi ymrwymo i ddarparu gofal nyrsio o ansawdd uchel.
Dylai deiliad y swydd weithio'n effeithiol mewn amgylchedd tîm, meddu ar sgiliau cyfathrebu da a menter, amlygu brwdfrydedd am y rôl, a rhannu ein hangerdd a'n gweledigaeth i ddarparu gofal o ansawdd uchel i gleifion.
Dylai deiliad y swydd allu gweithio'n annibynnol a chynllunio ei amserlenni gwaith ei hun, gan ystyried ei gyfrifoldebau rheoli dyddiol ac wythnosol, ynghyd ag agweddau arwain a goruchwylio y rôl.
Advert
Amlygu gwerthoedd y Bwrdd Iechyd, sef parch, tegwch, uniondeb, gonestrwydd, caredigrwydd a thosturi, gan fod yn agored ac yn ofalus, ym mhob peth a wnewch yn yr amgylchedd gwaith, a sicrhau bod eraill yn amlygu'r un gwerthoedd.
Arddel atebolrwydd 24 awr ar gyfer rheoli'r ward, a darparu gofal nyrsio tosturiol, effeithiol o ansawdd uchel, sy'n canolbwyntio ar y claf; a rheoli pobl mewn modd teg, gonest a mesuradwy.
Darparu arweinyddiaeth, cymorth, goruchwyliaeth ac arweiniad nyrsio gweladwy a phroffesiynol (yn unol â safonau'r Cyngor Nyrsio a Bydwreigiaeth), ynghyd â chyngor clinigol arbenigol, ac ymgymryd â gweithgareddau rheoli a monitro yn unol â gofynion cyfreithiol a phroffesiynol, rheolau statudol a pholisïau'r Bwrdd Iechyd sy'n ymwneud ag ymarfer seiliedig ar dystiolaeth.
Bod yn gyfrifol am reoli cyllideb y ward yn effeithlon, gan ddefnyddio'r tîm nyrsio mewn modd effeithiol, defnyddio'r adnoddau a ddyrennir a mynegi unrhyw bryderon ynghylch gwariant i'r personél priodol mewn modd amserol.
Gweithio a chyfathrebu’n effeithiol fel aelod o’r uwch-dîm arweinyddiaeth glinigol a nyrsio ar gyfer y gyfarwyddiaeth, gan gynnwys dirprwyo ar gyfer yr Uwch-reolwr Nyrsio lle bo angen mewn cyfarfodydd llif cleifion, cyfarfodydd y Bwrdd Iechyd a chyfarfodydd ar y safle.
Creu a hyrwyddo diwylliant dysgu yn y maes clinigol i gefnogi twf a datblygiad proffesiynol yr holl staff nyrsio, myfyrwyr ac (fel y bo'n briodol) aelodau o'r tîm amlddisgyblaethol.
Gweithio i'n sefydliad
Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:
Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;
Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;
48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;
Lleoliadau niferus yn darparu gwasanaethau iechyd meddwl ac anableddau dysgu;
Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.
Swydd ddisgrifiad a phrif gyfrifoldebau manwl
https://youtu.be/vuSmBejIyNY |
https://youtu.be/v5HCZuYR42w |
https://youtu.be/OgnuYER_XlA |
https://youtu.be/9wTeZD4cQOw |
Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.
Cynhelir y cyfweliadau ar 4/10/2024
Gellir dod o hyd i ddisgrifiad swydd llawn a manyleb y person ynghlwm yn y dogfennau ategol ar y tudalen hon.
Mae'r Bwrdd Iechyd yn ymrwymedig i gefnogi ei staff i gofleidio'r angen am ddwyieithrwydd, gan felly wella profiadau cleifion a defnyddwyr gwasanaethau. Yn rhan o'n hymrwymiad i gynyddu nifer y staff sy'n gallu cyfathrebu yn Gymraeg â chleifion a gweithwyr proffesiynol, rydym yn croesawu ceisiadau gan siaradwyr Cymraeg.
Mae'r gallu i gyfathrebu yn Gymraeg yn ddymunol ar gyfer y swydd hon. Os nad ydych yn bodloni'r gofynion a nodir o ran y Gymraeg, mae'r Bwrdd Iechyd yn cynnig amrywiaeth o opsiynau dysgu a chymorth i staff i'ch helpu i fodloni'r gofynion dymunol hyn yn ystod eich cyflogaeth gyda ni.
Mynediad ar unwaith i’n budd llesiant ariannol – Wagestream. Mae Wagestream yn adnodd ar gyfer bywyd bob dydd sy’n eich caniatáu i gael eich talu eich ffordd eich hun, a olrain eich cyflog mewn amser real, ffrydio hyd at 50% o’r cyflog rydych wedi ennill yn barod, dysgu awgrymiadau hawdd i reoli eich arian yn well ac arbed eich tâl yn syth o’ch cyflog.
Mae Bwrdd Iechyd Prifysgol Hywel Dda yn gweithredu polisi dwyieithog
‘Gwahoddir ymgeiswyr i wneud cais yn Gymraeg, ni fydd unrhyw gais a gyflwynir drwy gyfrwng y Gymraeg yn cael ei drin yn llai ffafriol na cheisiadau a wneir yn y Saesneg’.
Trwy gyflwyno eich cais i NHS Jobs/Trac, rydych yn gydsynio i elfennau o ddata eich cais gael eu trosglwyddo i Gofnod Staff Electronig (ESR) y GIG a systemau diogel, mewnol Gweithlu’r GIG er mwyn cefnogi a rheoli eich recriwtio a’ch cyflogaeth o fewn y sefydliad sy’n eich cyflogi; i’w defnyddio gan yr adran Recriwtio at ddibenion gwirio eich Cofrestriad Proffesiynol ar-lein (lle bo’n briodol).
Mae’r prosesau hyn yn unol â phrosesu Teg a Chyfreithlon yn unol â Deddfwriaeth Diogelu Data cyfredol yn enwedig y rhai hynny mewn perthynas â’ch data personol neu bersonol sensitif (diffinir data personol sensitif fel unrhyw gyflwr iechyd meddwl neu gorfforol, tarddiad hiliol neu ethnig, cyfeiriadedd rhywiol, aelodaeth undeb llafur, barn wleidyddol neu gred crefyddol datganedig). Fel sefydliad, rydym yn sicrhau bod y ddeddfwriaeth sy’n diffinio cyfrinachedd yn cael ei dilyn megis y defnydd o ddata at ddibenion penodol, diffiniedig, a defnydd o ddata sy’n berthnasol ac nid yn ormodol wrth ymarfer cywirdeb data a diogelwch yr holl wybodaeth bersonol adnabyddadwy a gedwir.
Os cewch eich penodi’n llwyddiannus, trwy lenwi’r ffurflen gais rydych yn awdurdodi’r BIP i gael unrhyw fanylion gwasanaeth blaenorol i’r GIG yn cynnwys yr holl wybodaeth ar salwch a gedwir yn electronig, trwy’r broses Trosglwyddo Rhyng-awdurdod ar y Cofnod Staff Electronig.
I weithio yn y DU, mae angen nawdd ar bob ymgeisydd nad yw'n wladolyn o'r DU neu Weriniaeth Iwerddon i gael naill ai fisa Gweithiwr Iechyd a Gofal neu fisa Gweithiwr Medrus, oni bai bod gennych ganiatâd i weithio trwy lwybr arall. Dylai ymgeiswyr nad ydynt yn rhan o'r DU/Gweriniaeth Iwerddon sy'n dymuno gwneud cais hunanasesu'u tebygolrwydd o gael Tystysgrif Nawdd trwy ymweld â gwefan Fisâu a Mewnfudo'r DU. Os ydych chi'n gymwys i gael y fisa Iechyd a Gofal, mae'r costau ymgeisio yn is ac nid oes angen i chi dalu Gordal Iechyd Mewnfudo blynyddol.
Gofynion yr ymgeisydd
Rhaid bod gennych gofrestriad proffesiynol priodol yn y DU.
Mae'r swydd hon yn ddarostyngedig i Orchymyn Deddf Adsefydlu Troseddwyr 1974 (Eithriadau) 1975 (Diwygio) (Cymru a Lloegr) 2020 a bydd angen cyflwyno Datgeliad i'r Gwasanaeth Datgelu a Gwahardd.
Mae sgiliau iaith Gymraeg yn ddymunol
Manyleb y person
Cymwysterau a Gwybodaeth
Meini prawf hanfodol
- Nyrs Gofrestredig (Rhan 1)
- Cofrestriad Cyfredol gyda'r Cyngor Nyrsio a Bydwreigiaeth
- Gradd Baglor (neu profiad cyfatebol)
- Diploma ol-raddedig perthnasol (neu ddatblygiad/ profiad cyfwerth A pharodrwydd i ymgymryd ag astudiaeth ol-raddedig briodol pan yn y swydd)
- IQT Efydd
- Cymhwyster Dysgu/Hyfforddi (neu profiad cyfatebol)
- Gwybodaeth am ddeddfwriaeth sy'n berthnasol i'r rol
Meini prawf dymunol
- Cymhwyster rheoli cydnabyddedig
- Cymhwyster arweinyddiaeth cydnabyddedig
- Profiad o arwain tim
- Gradd Meistr mewn pwnc perthnasol
Profiad
Meini prawf hanfodol
- Prawf o'ch profiad perthnasol ym Mand 6
- Profiad priodol o fewn arbenigedd ac yn gallu dangos gwybodaeth gadarn am yr arbenigedd perthnasol
- Gallu dangos gwybodaeth gadarn o Cod y Cyngor Nyrsio a Bydwreigiaeth (2018)
- Profiad ol-gofrestru a thystiolaeth o gydlynu a rheoli tim o staff
- Gallu dangos ymwybyddiaeth o faterion a datblygiadau proffesiynol
- Profiad o weithio mewn amgylchedd amlbroffesiynol
- Profiad o reoli cyllideb
- Profiad o reoli staff yn effeithiol
- Profiad o rhedeg ward/ardal/adran
- Profiad o fentora myfyrwyr nyrsio/bydwreigiaeth cyn-gofrestru
- Sgiliau TG
- Gallu cysylltu theori ac ymarfer drwy sgiliau myfyriol
- Gwybodaeth dda o ofynion llywodraethu gwybodaeth/diogelu data
Meini prawf dymunol
- Profiad o weithio mewn rol Band 7
- Dealltwriaeth o brosesau ariannol a rheoli adnoddau
Sgiliau Iaith
Meini prawf dymunol
- Siaradwr Cymraeg (Lefel 1)
Rhagor o fanylion / cyswllt ar gyfer ymweliadau anffurfiol
- Enw
- Dawn Jones
- Teitl y swydd
- Head of Nursing
- Cyfeiriad ebost
- [email protected]
Dechrau eich cais
Rhaid ichi fewngofnodi i gyfrif Trac cyn y gallwch wneud cais am y swydd hon.
Mewngofnodi
Creu cyfrif
Creu eich cyfrif a gwneud cais am eich swydd newydd!