Therapydd Galwedigaethol Cylchdro

Trosolwg o'r swydd

Mae cyfle cyffrous wedi dod ar gael yn ein patrwm cylch Band 6 ar gyfer Therapi Galwedigaethol yn Sir Gaerfyrddin. Mae Sir Gaerfyrddin yn elwa o'r cefn gwlad cyfagos a'r awyr agored.

Mae ein patrwm cylch Band 6 yn 9 mis ac yn cynnwys: 

• blaen y tŷ,
• y gymuned,
• meddygol/eiddilwch, 
• trawma/orthopede

Mae ein timau yn gefnogol a chyfeillgar ac yn darparu gofal adsefydlu gwerthfawr sy'n canolbwyntio ar anghenion yr unigolyn, gan gefnogi model gofal integredig sy'n hyrwyddo adferiad cyflymach o salwch a phrosesau rhyddhau cleifion yn amserol o'r ysbyty. Yn rhan o dîm integredig, byddwch yn gweithio'n agos gyda chyd-weithwyr gofal canolraddol a gofal cymunedol.

Rydym yn mynd ati'n rhagweithiol i gefnogi hyfforddiant a datblygiad.

Rydym yn bwriadu penodi unigolyn rhagweithiol, llawn cymhelliant a thosturiol, sydd â phrofiad amlwg ac y mae ei werthoedd yn cyd-fynd â gwerthoedd Bwrdd Iechyd Prifysgol Hywel Dda:
- rhoi pobl wrth wraidd popeth a wnawn
- cydweithio hyd eithaf ein gallu i roi o'n gorau
- ymdrechu i ddatblygu a darparu gwasanaethau gwell

Mae yna opsiwn i hawlio costau milltiredd a defnyddio ceir cronfa.

Cliciwch yma i weld pam mae ymgeiswyr yn dewis wrdd Iechyd Prifysogl Hywel Dda fel cyflogwr Proffesiynau Perthynol i Iechyd – Therapydd Galwedigaethol

Advert

Gweithredu yn rôl ymarferydd annibynnol, gyda llwyth achosion amrywiol sy'n aml yn gymhleth, gan ddefnyddio gwybodaeth arbenigol am therapi galwedigaethol ac effaith weithredol cyflyrau iechyd i ddewis, cynllunio, addasu, gweithredu a gwerthuso asesiadau ac ymyriadau mewn modd priodol, a chan addasu'r ymarfer yn seiliedig ar amgylchiadau ac ymgyflwyniad y cleient.

Gweithio mewn tîm, a all fod yn amlbroffesiynol a/neu'n amlasiantaethol, i ddarparu gwasanaeth darbodus, cydlynol sy'n canolbwyntio ar yr unigolyn.

Fformiwleiddio penderfyniadau ac argymhellion clinigol, a datblygu cynlluniau sy'n canolbwyntio ar yr unigolyn, ac sy'n seiliedig ar dystiolaeth o'r broses asesu, gwybodaeth arbenigol am therapi galwedigaethol, a chanllawiau a llwybrau clinigol perthnasol sy'n seiliedig ar dystiolaeth.

Gweithio'n annibynnol neu ochr yn ochr ag aelodau eraill o'r tîm, lle bo hynny'n berthnasol, i drefnu a chyflawni ymyriadau therapiwtig gydag unigolion neu grwpiau yn yr ysbyty ac mewn cartrefi. 

Cynghori/addysgu ac arddangos technegau/strategaethau penodol i'r unigolyn a'i deulu/ofalwyr, os yw hynny'n berthnasol, i gefnogi'r broses barhaus o reoli adferiad yr unigolyn.

Dirprwyo gwaith clinigol i eraill yn y tîm, e.e. Gweithwyr Cymorth a myfyrwyr, gan ddilyn polisïau/canllawiau perthnasol. 

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion). 
Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.