Swyddog Ymchwil a Datblygu Iechyd a Gofal Gwledig Cymru

Trosolwg o'r swydd

Mae unigolyn trefnus, brwdfrydig, llawn cymhelliant, sy'n meddu ar agwedd hyblyg at waith yn ofynnol i gefnogi gwaith ymchwil a datblygu Iechyd a Gofal Gwledig Cymru, gan symud y rhaglen waith yn ei blaen o'r cam cynllunio hyd at y cam gweithredu. 

Cynhelir Iechyd a Gofal Gwledig Cymru gan Fwrdd Iechyd Prifysgol Hywel Dda (BIPHDd), ond mae'n gydweithrediad a ariennir yn gyfartal gan BIPHDd, BIP Betsi Cadwaladr a Bwrdd Iechyd Addysgu Powys. Mae Iechyd a Gofal Gwledig Cymru yn adrodd i Gyd-bwyllgor Canolbarth Cymru ar gyfer Iechyd a Gofal Cymdeithasol, ac mae ganddo grŵp rhanddeiliaid cefnogol sy'n cynnwys cynrychiolwyr o Gyngor Sir Ceredigion, Cyngor Sir Gwynedd, y Coleg Cymraeg Cenedlaethol, Prifysgol Aberystwyth, Prifysgol 
Bangor, Prifysgol Caerdydd, Prifysgol Abertawe a Phrifysgol Cymru y Drindod Dewi Sant, yn ogystal â chynrychiolwyr o blith y cyhoedd a chleifion o Wynedd, Ceredigion a Phowys, a chynrychiolaeth meddygon teulu ac Ysbytai Cymunedol. 

Mae gan y tîm bach o staff yn Iechyd a Gofal Gwledig Cymru raglen waith amrywiol a chyffrous sy'n canolbwyntio ar faterion iechyd a gofal mewn ardaloedd gwledig, ac mae'n cynnal Cynhadledd flynyddol fawreddog a Gweminarau rheolaidd i ledaenu gwybodaeth. 

Mae'r swydd hon yn un lawn-amser (37.5 awr yr wythnos) ac yn benodiad parhaol. 

Advert

Gwneud gwaith ymchwil sy'n berthnasol i Raglen Iechyd a Gofal Gwledig Cymru, a chefnogi'r broses o ddatblygu a gweithredu ymchwil a phrosiectau eraill. 

Cynorthwyo â'r gwaith o lunio cynlluniau prosiect, cerrig milltir, ac ati a'u diweddaru'n rheolaidd.

Dilyn cynnydd dogfennau allweddol a mynd ar drywydd camau gweithredu sydd heb eu cwblhau lle y bo hynny'n berthnasol, sy'n cynnwys cysylltu â rhanddeiliaid mewnol ac allanol, fel ei gilydd. 

Cyfathrebu effeithiol, proffesiynol â'r holl randdeiliaid ar bob lefel, boed yn wyneb yn wyneb, trwy e-bost, dros y ffôn, ac ati. Byddai hyn yn cynnwys ateb ymholiadau, awgrymu atebion posibl, blaenoriaethu a chydnabod pryd i uwchgyfeirio i Bennaeth Iechyd a Gofal Gwledig Cymru. 

Darparu gwasanaethau gweinyddol, gan gynnwys trefniadau cyfarfodydd, paratoi agendâu, cymryd cofnodion, mynd ar drywydd camau gweithredu, ac ati.

Coladu a pharatoi adroddiadau a chyflwyniadau sy'n cynnwys graffeg/data a sicrhau eu bod yn cael eu dosbarthu'n briodol.

Ymgymryd â thasgau penodol i gefnogi'r gwaith o gynllunio a gweithredu prosiectau yn ôl y gofyn.

Cymryd rhan mewn nifer o weithgareddau ymchwil a datblygu yn ôl y cyfarwyddyd.

Hyrwyddo a chefnogi'r defnydd effeithiol o ddata, gwybodaeth a thechnoleg.

Meddu ar y gallu i weithio'n annibynnol ac ar eich liwt eich hun, gan rannu gwybodaeth ag aelodau o'r tîm ac eraill fel y bo'n briodol.

Y gallu i flaenoriaethu llwyth gwaith ac i osod/gyfathrebu terfynau amser realistig

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy: 
•    Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;
•    Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;
•    48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;
•    Lleoliadau niferus yn darparu gwasanaethau iechyd meddwl ac anableddau dysgu.