Uwch-technegydd Fferyllfa Rheoli Meddyginiaethau

Trosolwg o'r swydd

Mae cyfle cyffrous wedi dod ar gael i Dechnegydd Cofrestredig (GPhC) cymwys ymuno â'n Tîm Fferyllol yn yr Uned Aseptig yn Ysbyty Cyffredinol Llwynhelyg.

Byddwch yn gweithio gyda thîm medrus iawn sy'n darparu meddyginiaethau a baratowyd yn aseptig i nifer o feysydd clinigol ledled pob un o'r pedwar safle ysbyty yn Hywel Dda.

Rydym yn chwilio am unigolyn cydwybodol sy'n gweithio'n dda mewn tîm ac sy'n meddu ar agwedd hyblyg at anghenion y gwasanaeth. Rhaid i’r ymgeisydd hefyd fod yn gryf ei gymhelliant, gallu amlygu proffesiynoldeb a bod â sgiliau trefnu a chyfathrebu rhagorol. Mae'r swydd yn llawnamser ac yn barhaol. Bydd gofyn i ymgeiswyr gymryd rhan yn y rota penwythnosau a gwyliau banc. 

Bydd deiliad y swydd yn gweithio gyda'r Uwch-dechnegydd Fferyllol Sicrhau Ansawdd i reoli System Ansawdd Fferyllol yr uned. Mae hyn yn cynnwys cynnal ymchwiliadau, rhoi newidiadau ar waith a chasglu data ar gyfer cyfarfodydd ansawdd. 

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Advert

Bydd y dyletswyddau'n cynnwys paratoi cynhyrchion meddyginiaethol, cynnal gwiriadau yn ystod y broses, dosbarthu a gwirio cynhyrchion meddyginiaethol o'r tu allan, a chynnal y gwiriad terfynol a rhyddhau cynhyrchion a baratowyd yn aseptig. 

Rhaid i'r ymgeiswyr fod yn dechnegwyr fferyllol cofrestredig gyda'r GPhC, a rhaid eu bod wedi cyflawni'r Achrediad Technegydd Gwirio Cywirdeb (ACPT) ym maes Gwasanaethau Technegol a'r Rhaglen Achredu Cymeradwyo Cynnyrch (PAAP). Fodd bynnag, anogir ymgeiswyr nad ydynt wedi cwblhau'r Rhaglen Achredu Cymeradwyo Cynnyrch i wneud cais ac, os byddant yn llwyddiannus, bydd angen iddynt ennill y cymwysterau cyn pen dwy flynedd ar y mwyaf a chânt eu penodi o dan reolau Atodiad 21. Mae hyn yn golygu y byddant yn cael eu cefnogi gan gynllun datblygu. (Yn 
ystod y flwyddyn gyntaf bydd y taliad yn 70% o'r gyfradd cyflog uchaf ym mand 6, a'r ail flwyddyn yn 75%). Ar ôl llwyddo yn y cymwysterau, bydd deiliad y swydd yn cael ei dalu ar Fand 6 (pwynt isaf y raddfa). Darperir cymorth a goruchwyliaeth i ddatblygu'r ymgeisydd llwyddiannus i'r rôl 
Band 6. Gallai methu â chyflawni'r cymhwyster yn unol â'r amserlen ddynodedig arwain at adleoli.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.