Therapiaidd Galwedigaethol Arbenigol Clinigol

Swydd ddisgrifiad a phrif gyfrifoldebau manwl

Arfer Clinigol

Darparu gwasanaeth o ansawdd trwy ymarfer fel ymarferydd annibynnol hynod arbenigol ar draws y Llwybrau Rheoli Poen a Blinder a Rheoli Pwysau.

Ymgymryd ag agweddau cymhleth a chynhwysfawr ar asesiad, diagnosis ac 
ymyrraeth, gan ddefnyddio sgiliau rhesymu clinigol ymchwiliol, dadansoddol ac uwch i lunio rhaglenni rheoli unigol gyda’r unigolyn ei hun. Bydd hyn yn cynnwys nodi a chynghori cydweithwyr meddygol ar yr angen am ymyrraeth bellach.

Gwneud cais am archwiliadau e.e. delweddu meddygol, gweithredu mewn 
ymateb i’r canlyniadau ac atgyfeirio at wasanaethau eraill yn ôl y galw e.e. 
Ymgynghorydd Rheoli Poen, llawdriniaeth Bariatrig.

Llunio a chyflwyno adroddiadau manwl gywir am gleientiaid i eraill. Bydd hyn yn cynnwys crynodebau rhyddhau i’r asiant a atgyfeiriodd y cleient, gan gynnwys cynghori ar sut i’w reoli yn y dyfodol.

Ymgymryd ag ymyriadau triniaeth arbenigol, gan ddefnyddio sgiliau trin â llaw tra ddatblygedig, gwybodaeth drylwyr o boen a gwyddorau seicolegol, a ffisioleg ymarfer corff a sgiliau Therapydd Galwedigaethol uwch. 

Cyfathrebu’n effeithiol ar lefel uchel. Bydd hyn yn cynnwys gwybodaeth glinigol a rheolaethol gymhleth a sensitif ac efallai bydd gofyn cynghori gweithwyr proffesiynol eraill.

Cynnwys defnyddwyr gwasanaeth, perthnasau a gofalwyr mewn cynllunio 
rhaglenni triniaeth, gan gynnwys goresgyn rhwystrau rhag cyfathrebu, cael eu cydsyniad i asesiad ac ymyriadau a rhoi cyngor ac addysg. 

Ymgymryd ag archwiliadau seiliedig ar dystiolaeth i gynorthwyo â chyflenwi gwasanaeth ac â’ch arfer clinigol eich hun.

Cymryd rhan mewn dadansoddiad beirniadol o ddeilliannau ymchwil a/ neu 
lenyddiaeth berthnasol er mwyn cynnal gwybodaeth am arfer clinigol ar lefelau arbenigol. 

Darparu rhaglenni triniaeth a allai gynnwys rhagnodi meddyginiaeth lle bo 
angen a lle bo hynny’n unol â pholisïau’r Bwrdd Iechyd.

Cyfathrebu gwybodaeth gymhleth i weithwyr iechyd a gofal cymdeithasol 
proffesiynol eraill a/ neu’r Trydydd Sector i gefnogi’r llwybr gofal. 

Bod yn adnodd arbenigol yn ôl y galw, gan gynnwys adolygu a gweithredu 
modelau gwasanaeth clinigol newydd.

Cymryd rhan yn y tîm amlddisgyblaeth/ amlasiantaeth i ddarparu dull cydlynus o fynd ati i reoli gofal claf.

Rheoli risg glinigol o fewn eich llwyth achosion eich hun a, gan weithio gyda 
chydweithwyr, rheoli risg o fewn maes penodol e.e. gofal sylfaenol.

Ymarfer o fewn y rhwydwaith Cymru Gyfan ar gyfer eich arbenigedd. 
Cyflawni’r gofynion rheoliadol ar gyfer ymarfer, yn unol â’r hyn y mae’r Cyngor Proffesiynau Iechyd a Gofal wedi manylu arno.

Rheolaeth ac Arweinyddiaeth 

Cyfrannu at ddatblygu safonau a’u rhoi ar waith ar gyfer ymarferwyr 
Therapydd Galwedigaethol yn y Bwrdd Iechyd. Bydd hyn yn cynnwys cyfrannu at ddatblygu canllawiau, protocolau a llwybrau gofal sy’n rhychwantu gofal sylfaenol, 
cymunedol ac eilaidd. 

Cymryd rhan yng ngwaith grwpiau arfer clinigol/ proffesiynol yn unol ag 
anghenion y gwasanaeth.

Dangos sgiliau arwain sy’n gallu rhychwantu gwahanol lwybrau e.e. gweithio fel rhan o dîm gofal sylfaenol mewn meddygfa, tîm amlddisgyblaeth fel y Tîm Rheoli Poen a Blinder, clinigau cleifion allanol gydag ymgynghorwyr gofal 
eilaidd a’r tîm rheoli pwysau lefel 3. 

Cefnogi cyfarfodydd yr adran a llwybrau gofal ac arwain cynlluniau gwaith sydd wedi’u dyrannu.

Cydweithio ag Ymarferwyr Therapydd Galwedigaethol o fewn y Bwrdd Iechyd ac mewn 
asiantaethau allanol, ym mhob maes arfer, gan gynnwys cymryd cyfrifoldeb 
gweithredol dirprwyedig am ddyletswyddau lle bo gofyn gwneud hynny.
Rhoi cyngor arbenigol ynglŷn â’ch maes arbenigol, o fewn y sefydliad a thu 
hwnt iddo. 

Rhoi barn arbenigol a chefnogi staff i reoli cleientiaid sydd â chyflyrau 
cymhleth.

Dylanwadu ar ofal y mae gweithwyr Iechyd a Gofal Cymdeithasol proffesiynol eraill yn ei ddarparu trwy roi cyfarwyddyd arbenigol a chymryd rhan mewn 
addysgu ffurfiol.

Cymryd rôl ragweithiol mewn arweinyddiaeth glinigol a goruchwyliaeth staff o fewn eich maes arbenigol. Gallai hyn gynnwys goruchwylio/ mentora aelodau o staff y tîm amlddisgyblaeth a bydd yn cynnwys cael eich goruchwylio eich hun.

Rhwydweithio/ meincnodi’n allanol (yn lleol, yn rhanbarthol ac yn genedlaethol) ynglŷn â gwasanaeth arbenigol.

Rheoli swyddogaethau gweinyddol sy’n ymwneud â’r prosesau atgyfeirio, trin a rhyddhau ar gyfer yr atgyfeiriad. Mae hyn yn cynnwys data ystadegol o’ch llwyth achosion eich hun a’r gwasanaeth ehangach i gynhyrchu dulliau mesur a monitro perfformiad. 

Rheoli patrymau gweithio yn unol â gofynion a chytundebau a geir ynglŷn â 
rheoli perfformiad, yn eich maes eich hun.

Cynorthwyo â’r broses recriwtio ar gyfer y gwasanaeth cyhyrysgerbydol 
ehangach. 

Cyfrannu at adeiladu tîm amlddisgyblaeth o fewn y feddygfa a datblygu polisi lle bo’n briodol, gan gynnwys trafod telerau trefniadau cydweithio.

Cynrychioli’r gwasanaeth Therapiaidd Galwedigaethol wrth gynllunio gwasanaeth, yn ôl y galw.

Sicrhau bod y maes clinigol yn cael ei gydlynu, gan gynnwys blaenoriaethu 
clinigol ar sail risg glinigol. 

Gweithio gyda chydweithwyr i nodi blaenoriaethau clinigol ac anghenion 
datblygu gwasanaeth.

Cynghori’r rheolwr llinell ar faterion yn ymwneud â darparu gwasanaeth, gan gynnwys diffygion, pwysau ar y gwasanaeth, yr amgylchedd gweithio a 
gofynion o ran cyfarpar.

Ar y cyd â chydweithwyr, sicrhau bod yr holl adnoddau’n cael eu defnyddio’n effeithiol.

Bod yn arweinydd dirprwyedig ar gyfer datblygu amcan neu brosiect penodol y tîm.

Dangos sgiliau trafod telerau a rheoli anghydfod, gan gynnwys ymchwilio i 
bryderon a sicrhau bod gwersi priodol yn cael eu dysgu.

Dangos ymwybyddiaeth o amcanion/ cynllun y gwasanaeth a glynu atyn nhw.

Cefnogi gwaith datblygu, gweithredu a dadansoddi mesurau deilliannau o fewn yr arbenigedd. 

Ymchwil a Datblygu 

Cychwyn ac ymgymryd â phrosiectau archwilio ac ymchwilio i feysydd penodol arfer clinigol, gan ddefnyddio amrywiaeth o fethodolegau i wella’r ffordd o ddarparu gwasanaeth. 

Datblygu a gweithredu polisïau, protocolau a chanllawiau clinigol yn yr 
arbenigedd o fewn y fframwaith llywodraethu clinigol, meddygaeth seiliedig ar dystiolaeth ac arfer gorau.

Cyfrannu at ddatblygu protocolau a llwybrau gofal cyhyrysgerbydol, gan 
gyfeirio at ganllawiau a strategaethau lleol, cenedlaethol a phroffesiynol.
Cefnogi gwaith datblygu, gweithredu a dadansoddi mesurau deilliannau a 
phrofiad ar gyfer y gwasanaeth a sicrhau bod darganfyddiadau’n cael eu 
lledaenu trwy gyfryngau amrywiol, fel cyhoeddi erthyglau a gwneud 
cyflwyniadau mewn cynadleddau.

Addysg

Bod yn gyfrifol am eich datblygiad proffesiynol parhaus eich hun trwy 
ddefnyddio cyfleoedd dysgu priodol a chynnal portffolio. Mae hyn yn cynnwys hunan-addysgu ac arfer myfyriol mewn digwyddiadau dysgu priodol, a allai gynnwys hyfforddiant mewn swydd, hyfforddiant ôl-raddedig, adolygu gan gymheiriaid er mwyn cynnal neu ddiweddaru gwybodaeth yn unol â’r hyn y cytunir arno yng nghynllun datblygu personol deiliad y swydd.

Cymryd rhan yn y system arfarnu fel rhywun sy’n arfarnu/ rhywun sy’n cael ei arfarnu a bod yn gyfrifol am gyflawni amcanion cytunedig a’ch cynllun datblygu personol.

Bod yn gyfrifol am gwblhau hyfforddiant gorfodol yn unol â gofynion y Bwrdd Iechyd a rôl y swydd.

Cymryd rhan mewn hyfforddiant amlddisgyblaeth, yn darparu hyfforddiant ac yn derbyn hyfforddiant, er mwyn datblygu’ch sgiliau eich hun a sgiliau aelodau’r tîm amlddisgyblaeth mewn darparu gofal darbodus sy’n canolbwyntio ar y claf.

Cymryd rôl allweddol mewn addysgu, goruchwylio ac asesu perfformiad staff dirprwyedig. Mae hyn yn cynnwys dysgu yn y gwaith a chyflwyniadau.
Mynd ati i gymryd rhan mewn hyfforddiant mewn swydd trwy ddatblygu a 
chyflenwi cyflwyniadau ac addysgu.

Sicrhau bod cofnodion hyfforddi’n cael eu cynnal, yn unol â gofynion y Bwrdd Iechyd.