Cyfieithydd

Trosolwg o'r swydd

Rydym yn dymuno recriwtio cyfieithwyr i ymuno â Thîm Cyfieithu o fewn yr Uned Iaith Gymraeg ym Mhartneriaeth Cydwasanaethau GIG Cymru. Rydym yn dîm o ieithyddion a chyfieithwyr sy’n tyfu, er mwyn cefnogi Partneriaeth Cydwasanaethau GIG Cymru a sefydliadau eraill GIG Cymru gyda gwasanaethau cyfieithu.

Bydd y gwaith yn amrywiol ac yn ddiddorol, wrth i ni gyfieithu ystod eang o gynnwys yn amrywio o gynnwys tudalennau gwe, taflenni gwybodaeth i gleifion, ymgyrchoedd cyhoeddusrwydd, swydd-ddisgrifiadau, polisïau, rhyngwynebau ar gyfer systemau a chymwysiadau a llawer mwy.

Rhaid bod gennych brofiad sylweddol mewn cyfieithu a phrawfddarllen o'r Saesneg i'r Gymraeg ac i'r gwrthwyneb, yn ddelfrydol yn y sector iechyd a gofal cymdeithasol.

Rhaid bod gennych feistrolaeth ardderchog ar ramadeg yn y ddwy iaith a gradd yn y Gymraeg neu debyg.

Rydym yn cynnig cyfraddau cyflog rhagorol, ac i’r ymgeisydd iawn sy’n gallu dangos bod ganddo’r cymwysterau, sgiliau a phrofiad perthnasol rydym yn gallu cynnig cyflog teg i adlewyrchu’r cymwysterau, y sgiliau a’r profiad hynny.

Bydd gennych wybodaeth a dealltwriaeth o ddefnyddio meddalwedd cof cyfieithu a chronfeydd termau, a byddwch yn gallu cyfieithu rhwng 2,500 a 3,500 o eiriau o leiaf mewn diwrnod gwaith, yn dibynnu ar gymhlethdod y dogfennau hynny.

 Mae gennym swyddfeydd ym Mhont-y-pŵl, Caerdydd, Nantgarw, Abertawe, Caerfyrddin, Dinbych a Llanelwy. Rydym hefyd yn cynnig gweithio hybrid a'r cyfle i weithio gartref. 

Ystod cyflog y rôl yw £28,834 hyd at £35,099 – Band 5. Gallwn ystyried penodi uwchben gwaelod yr ystod cyflog ar gyfer ymgeisydd sydd â’r cymwysterau a’r profiad angenrheidiol.

Advert

Darparu cyfieithiadau ar ffurf ysgrifenedig o wahanol ddogfennau o'r Saesneg i'r Gymraeg a'r Gymraeg i'r Saesneg, gan ddefnyddio amrywiaeth o offer TG, gan gynnwys, ond heb fod yn gyfyngedig i Microsoft Word, PowerPoint, Excel, Outlook, In-design, gan ddefnyddio meddalwedd cof cyfieithu fel Phrase (Memsource). 

Fel aelod o'r tîm, bydd y cyfieithydd yn cyfieithu ystod eang o ddogfennau diddorol, cymhleth, technegol, cyfrinachol a sensitif. Bydd y cyfieithydd hefyd yn gyfrifol am gyfieithu cyhoeddiadau, adroddiadau, polisïau, agendâu, cofnodion, papurau bwrdd, datganiadau i'r wasg, llythyrau, ffurflenni, papurau recriwtio a chynnwys gwe/cynnwys cyfryngau cymdeithasol.

Cyfieithu gwybodaeth, dogfennau a ffurflenni ar gyfer cleifion, defnyddwyr gwasanaethau a'r cyhoedd yn gyffredinol sy'n gofyn am gywirdeb a'r defnydd o'r iaith, terminoleg, arddull a chystrawen fwyaf priodol ar gyfer y pwnc a'r derbynwyr.

Prawf-ddarllen eich gwaith eich hun a gwaith aelodau eraill o'r tîm.  Sicrhau bod cyfieithiadau'n bodloni ansawdd golygyddol.

Dilyn y protocolau a'r gweithdrefnau sydd ar waith yn Uned y Gymraeg i ddarparu gwasanaethau cyfieithu prydlon a chywir o ansawdd uchel i'n cleientiaid o fewn GIG Cymru.

Paratoi pob dogfen cyn ei chyfieithu, gan sicrhau bod y ddogfen yn ramadegol gywir. Bydd hyn yn golygu cyfathrebu ag awdur y ddogfen er mwyn cael gwell dealltwriaeth o'r pwnc, e.e. polisïau a gweithdrefnau.

Gweithio i'n sefydliad

Mae gennym safonau uchel ym Mhartneriaeth Cydwasanaethau GIG Cymru ac rydym yn disgwyl i bawb ymgorffori ein gwerthoedd Gwrando a Dysgu, Gweithio Gyda'n Gilydd, Cymryd Cyfrifoldeb ac Arloesi, tra'n sicrhau bod ymddiriedaeth, gonestrwydd a thosturi yn rhan annatod o bopeth a wnawn.

Rydym yn hyblyg, yn ystwyth ac yn ymfalchïo ein bod yn sefydliad sy’n dysgu, lle mae’n ddiogel gwneud camgymeriadau, lle caiff bai ei ddisodli gan gyfleoedd i ddysgu a gwella. Mae arloesi yn rhan o bopeth a wnawn.

Cydnabyddwn ein pobl yn rheolaidd trwy'r Orsaf Werthfawrogi, i annog staff i ganmol ymddygiad rhagorol ymysg ei gilydd ac fe gynhelir seremoni Gwobrau Cydnabyddiaeth Staff Blynyddol sy'n cyd-fynd â'n gwerthoedd.

Rydym yn parchu ac yn gwerthfawrogi ein pobl ac yn ymdrechu i greu diwylliant o dosturi a chynwysoldeb. Rydym yn sefydliad dwyieithog sydd â thîm o Hyrwyddwyr Newid sy’n hyrwyddo ‘Dyma Ein PCGC’ ein prif raglen newid. Yn yr un modd, BALCH yw ein rhwydwaith staff newydd sy’n croesawu cydweithwyr a chynghreiriaid LHDT+ i ddod ynghyd mewn man diogel i gael trafodaethau, i gynllunio digwyddiadau ac i gael y cyfle i adeiladu rhwydweithiau cefnogol.

Mae gennym becyn buddion cynhwysfawr lle mae rhywbeth at ddant pawb. Mae’n cefnogi iechyd, ymgysylltiad a lles ac mae’n cynnwys Rhaglen Cymorth i Weithwyr. Mae gennym dros 30 o Swyddogion Cymorth Cyntaf Iechyd Meddwl ac rydym yn gweithio mewn partneriaeth â sefydliadau lleol a chenedlaethol i sicrhau llesiant a gwydnwch ein pobl.