Uwch-reolwr Cyfathrebu Digidol

Trosolwg o'r swydd

NODER MAI DIM OND CEISIADAU GAN STAFF A GYFLOGIR GAN IECHYD CYHOEDDUS CYMRU AR HYN O BRYD Y BYDDWN YN EU DERBYN

Cyfnod penodol am 18 mis tan Mawrth 2025 oherwydd cyllid

Diben swydd yr Uwch-reolwr Cyfathrebu Digidol yw cynorthwyo'r gwaith o ddatblygu a chyflawni strategaethau cyfathrebu sy'n cefnogi'r gwaith o gyflawni'r ymrwymiadau hyn yn gyhoeddus ac yn fewnol. Bydd y rôl yn canolbwyntio ar ddarparu cynnwys cyfathrebu digidol a chynlluniau datblygu cynllunio a rheoli eu cyflawniad.

Bydd deiliad y swydd yn gyfrifol am arwain ar ddatblygu strategol, gweithredu a gwerthuso  ymgyrchoedd iechyd cyhoeddus mewnol ar-lein.

Bydd yn dod â phrofiad ac arbenigedd cynhwysfawr ym maes datblygu ymgyrchoedd digidol, gan ddefnyddio'r syniadau cyfathrebu diweddaraf i sicrhau eu heffeithiolrwydd mwyaf posibl.

Bydd deiliad y swydd yn arwain ar newid sylweddol yn y ffordd rydym yn darparu gwasanaethau i'n cleientiaid mewnol; newid mewn ffyrdd o weithio sy'n gosod ein harbenigedd cyfathrebu digidol fel un credadwy, blaengar, effeithiol ac arloesol. 

Bydd yn arwain yn strategol wrth ddatblygu'r Tîm Digidol.

Bydd deiliad y swydd yn gyfrifol am adeiladu a chynnal cyfres o berthnasoedd cleientiaid mewnol. Bydd hyn yn cynnwys rhoi cymorth i gleientiaid ar gynllunio cyfathrebu ar gyfer eu cynllun gweithredol, wedi'i ddilyn gan gyflwyno ymgyrchoedd a gweithgarwch arall sy'n gysylltiedig â chyfathrebu fel y cytunwyd arno mewn modd effeithiol ac effeithlon. Mae'r Cyfarwyddiaethau hyn yn swyddogaethau mawr, cymhleth a phwysig sydd â'u rhwydweithiau a'u rhanddeiliaid unigryw eu hunain. Felly, mae ehangder sylweddol i'r gwaith cyfathrebu dan sylw.

Advert

• Datblygu gwaith ac ymgyrchoedd digidol cymhleth a mawr ar ymddygiad mewn perthynas ag amcanion strategol Iechyd Cyhoeddus Cymru. Bydd angen i ddeiliad y swydd ddangos gwybodaeth mewn damcaniaeth gyfathrebu er mwyn sicrhau canlyniadau llwyddiannus, gan ddarparu gwasanaethau arbenigol a digidol.
• Dangos sgiliau a galluoedd cynllunio strategol uwch wrth ddatblygu a chyflwyno ymgyrchoedd digidol – sicrhau bod rhanddeiliaid allweddol ac uwch arweinwyr yn cael eu hysbysu'n llawn am gynnydd, gan asesu effeithiolrwydd cynnydd yn barhaus a gwneud cywiriadau o ran cwrs pan fo angen. Bydd canolbwyntio ar fesur a gwerthuso canlyniadau'n gyson yn hanfodol ar gyfer gwneud gwaith yn effeithiol.
• Adeiladu cyfathrebu digidol yn rhan o'r holl gynllunio strategol hirdymor, gan gynghori, dylanwadu a darbwyllo uwch staff ynghylch dulliau priodol lle y bo angen.
• Arwain a noddi prosiectau cyfathrebu penodol yn ôl yr angen i ddatblygu ffyrdd newydd o weithio yn unol â strategaethau a chynlluniau busnes y sefydliad. 
• Defnyddio dadansoddeg a phriodoledd i ddeall cyrhaeddiad, effaith a chanlyniadau gwaith cyfathrebu digidol a datblygu dulliau o olrhain a gwerthuso ymgyrchoedd a gweithgareddau
• Bydd y rôl yn ei gwneud yn ofynnol gwerthuso a defnyddio technoleg newydd yn barhaus, fel apiau a sianeli digidol i gefnogi ymgyrchoedd ac arbenigedd wrth fesur a gwerthuso ymgyrchoedd.
• Mynd ati i fonitro pob math o gyfryngau cymdeithasol

Gweithio i'n sefydliad

Ni yw Iechyd Cyhoeddus Cymru - asiantaeth iechyd cyhoeddus genedlaethol Cymru. Ein diben yw ‘gweithio gyda'n gilydd ar gyfer Cymru iachach'. Rydym yn bodoli i helpu pawb yng Nghymru i fyw bywydau hirach, iachach. Gyda'n partneriaid, ein nod yw cynyddu disgwyliad oes iach, gwella iechyd a llesiant, a lleihau anghydraddoldebau i bawb yng Nghymru, nawr ac ar gyfer cenedlaethau'r dyfodol. 

Gyda'i gilydd, mae ein timau'n gweithio i atal clefyd, diogelu iechyd, a darparu arweinyddiaeth, gwasanaethau arbenigol ac arbenigedd iechyd cyhoeddus. Ni yw'r brif ffynhonnell o wybodaeth, ymchwil ac arloesedd iechyd cyhoeddus yng Nghymru. Nid yw iechyd cyhoeddus erioed wedi bod mor bwysig wrth i ni ddod drwy bandemig y Coronafeirws, wynebu heriau'r argyfwng costau byw a mynd i'r afael ac atal effeithiau niweidiol newid hinsawdd.

Caiff ein sefydliad ei arwain gan ein gwerthoedd 'Cydweithio, gydag ymddiriedaeth a pharch, i wneud gwahaniaeth'. Rydym wedi ymrwymo i greu gweithle cynhwysol sy'n rhoi gwerth ar gydraddoldeb, amrywiaeth a chynhwysiant.  Rydym yn croesawu ceisiadau sy'n cynrychioli amrywiaeth gyfoethog y cymunedau rydym yn eu gwasanaethu a chan y rhai sy'n dymuno gweithio'n rhan amser neu rannu swydd.
Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.
I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)

I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)