Mae Trac yn falch o bweru recriwtio ar gyfer
Ymddiriedolaeth GIG Iechyd Cyhoeddus Cymru
Gwybodaeth
Croeso i Iechyd Cyhoeddus Cymru - asiantaeth iechyd cyhoeddus genedlaethol Cymru. Rydym yn bodoli i ddiogelu a gwella iechyd a llesiant a lleihau anghydraddoldebau iechyd i bobl yng Nghymru.
I gael gwybod mwy ewch i Iechyd Cyhoeddus Cymru a gwyliwch y fideo hwn am ein Cynllun Strategol
Dilynwch ni ar Twitter, Facebook, Linkedin a Instagram
Gweithio gyda'n gilydd, gydag ymddiriedaeth a pharch, i wneud gwahaniaeth
Ein diben yw ‘gweithio gyda'n gilydd ar gyfer Cymru iachach'. Rydym yn bodoli i helpu pawb yng Nghymru i fyw bywydau hirach, iachach. Gyda'n partneriaid, ein nod yw cynyddu disgwyliad oes iach, gwella iechyd a llesiant, a lleihau anghydraddoldebau i bawb yng Nghymru, nawr ac ar gyfer cenedlaethau'r dyfodol.
Gyda'i gilydd, mae ein timau'n gweithio i atal clefyd, diogelu iechyd, a darparu arweinyddiaeth, gwasanaethau arbenigol ac arbenigedd iechyd cyhoeddus. Ni yw'r brif ffynhonnell o wybodaeth, ymchwil ac arloesedd iechyd cyhoeddus yng Nghymru.
Pennaeth Rhaglen Staff Nyrsio Cymru Gyfan
Accepting applications until: 10-Jul-2024 23:59
Statws y swydd wag: Open
Accepting applications until: 10-Jul-2024 23:59
Manylion allweddol
Lleoliad
- Gwefan
- Unrhyw ganolfan Iechyd Cyhoeddus Cymru. I'w gytuno ar benodiad
- Tref
- Caerdydd/Wrecsam/Abertawe
- Cod post
- CF10 4BZ
- Major / Minor Region
- Caerdydd
Math o gontract a phatrwm gwaith
- Contract
- Parhaol
- Oriau
- Llawnamser
- Rhannu swydd
Cyflog
- Cyflog
- £71,473 - £82,355 Y flwyddyn
- Cyfnod cyflog
- Yn flynyddol
- Gradd
- (NHS AfC: Band 8c)
Arbenigedd
- Prif leoliad
- Gweithrediaeth y GIG
- Dyddiad y cyfweliad
- 19/07/2024
Croeso i Weithrediaeth GIG Cymru, swyddogaeth gymorth genedlaethol newydd, yn weithredol o 1 Ebrill 2023
Ein pwrpas allweddol yw...
Ysgogi gwelliannau yn ansawdd a diogelwch gofal - gan arwain at ganlyniadau gwell a thecach, mynediad a phrofiad y claf, llai o amrywiad, a gwelliannau yn iechyd y boblogaeth.
I gael gwybod mwy, ewch i Weithrediaeth GIG Cymru.
Ein Gwerthoedd
Gweithio gyda'n gilydd, gydag ymddiriedaeth a pharch, i wneud gwahaniaeth
Gwahoddir ymgeiswyr i wneud cais yn Gymraeg, ni fydd unrhyw gais a gyflwynir yn y Gymraeg yn cael ei drin yn llai ffafriol na cheisiadau Saesneg. I gefnogi ein gwasanaeth i Gymru gyfan, croesawn yn fawr ceisiadau gan siaradwyr Cymraeg.
Trosolwg o'r swydd
Mae cyfle unigryw a chyffrous wedi codi ar gyfer uwch nyrs frwdfrydig a phrofiadol, sydd â phrofiad o reoli prosiect neu raglen ar lefel strategol i arwain Rhaglen Staff Nyrsio Cymru Gyfan ar ran GIG Cymru.
Bydd y deiliad swydd yn chwarae rôl arweinyddiaeth strategol wrth ddatblygu ymhellach a chefnogi gweithrediad Rhaglen Staff Nyrsio Cymru Gyfan ar gyfer GIG Cymru. Mae'r rhaglen waith genedlaethol yn adlewyrchu'r nod strategol o hyrwyddo darpariaeth effeithiol o ofal o safon drwy ddarparu lefelau o staff nyrsio yn seiliedig ar dystiolaeth glinigol ac anghenion cleifion.
Mae hon yn swydd arweiniol allweddol o fewn GIG Cymru ac mae ganddi gylch gwaith clir o ddiffinio, llunio a datblygu’r rhaglen staff nyrsio yng Nghymru o fewn cyd-destun y gweithlu amlbroffesiynol ehangach. Gan weithredu fel arloeswr, ysgogydd, asiant newid allweddol a model rôl bydd y deiliad swydd yn chwarae rhan ganolog wrth gefnogi a dylanwadu ar staff nyrsio yng Nghymru gan gynnwys gwella ansawdd, mentrau cenedlaethol, ad-drefnu gwasanaethau a modelau gofal digidol newydd.
Advert
Rydym yn chwilio am berson eithriadol sydd â'r sgiliau i reoli ac arwain prosiectau cymhleth, cynllunio a monitro cynlluniau ffrwd waith, cyflwyno adroddiadau lefel uchel a chyfathrebu'n effeithiol ag ystod o gynulleidfaoedd. Gan fod y rôl yn cynnwys gweithio gyda thimau nyrsio a rheoli, mae'r gallu i ymgysylltu â thimau nyrsio rheng flaen a dangos digon o fewnwelediad a phrofiad wrth ymdrin â'r materion a'r heriau sy'n codi, yn hanfodol.
Bydd yr ymgeisydd llwyddiannus yn rhan o dîm cyfeillgar, cefnogol ac arloesol o fewn y Weithrediaeth GIG newydd a bydd yn derbyn rhaglen sefydlu gynhwysfawr, yn cael mynediad i ystod o fecanweithiau cefnogol a chyfoeth o gyfleoedd i ddatblygu eu gwybodaeth a'u sgiliau.
Mae’r Weithrediaeth GIG yn cefnogi trefniadau gweithio hyblyg ac ystwyth gyda phresenoldeb rhan-amser yn eu prif swyddfa (Capital Quarter, Caerdydd). Mae’r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg ymgeisio.
Mae hwn yn gyfle unigryw a chyffrous i chi ymuno â'n tîm cynyddol o fewn sefydliad newydd ac arloesol sy'n gwerthfawrogi cyfraniad eu holl staff. Os ydych chi’n barod am her newydd a chyffrous ac os hoffech chi ddatblygu eich gwybodaeth a’ch sgiliau drwy weithio ar lefel strategol o fewn GIG Cymru i ddylanwadu a chyflwyno rhaglen waith arloesol a phroffil uchel, yna hoffem glywed gennych.
Dyddiad cyfweliad: 19/07/2024
Gweithio i'n sefydliad
Mae Gweithrediaeth y GIG yn gweithio mewn partneriaeth ar gyfer Llywodraeth Cymru yn a chyda GIG Cymru ac mae’n cael ei lletya gan Iechyd Cyhoeddus Cymru.
Ein prif bwrpas yw ysgogi gwelliannau o ran ansawdd a diogelwch gofal - gan arwain at ganlyniadau, mynediad a phrofiad gwell a thecach i’r claf gyda llai o amrywiad, a gwelliannau o ran iechyd y boblogaeth.
Gwnawn hyn drwy ddarparu arweinyddiaeth a chyfeiriad strategol cryf – gan alluogi, cefnogi a chyfarwyddo GIG Cymru i drawsnewid gwasanaethau clinigol yn unol â blaenoriaethau a safonau cenedlaethol.
I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)
I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)
Swydd ddisgrifiad a phrif gyfrifoldebau manwl
Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac.
Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.
Gofynion yr ymgeisydd
Rhaid bod gennych gofrestriad proffesiynol priodol yn y DU.
Mae sgiliau iaith Gymraeg yn ddymunol
Manyleb y person
Cymwysterau
Meini prawf hanfodol
- Nyrs Gofrestredig ar Gofrestr Broffesiynol NMC.
- Meddu ar Gymhwyster Lefel Gradd Meistr (e.e. Gradd Meistr mewn pwnc cysylltiedig ag Iechyd / gweithio tuag at ennill Cymhwyster MSc neu allu dangos profiad cyfatebol.
- Cymhwyster rheoli ôl-raddedig neu dystiolaeth gyfatebol o brofiad gwaith mewn meysydd rheoli allweddol, h.y. cyllid, adnoddau dynol, llywodraethu.
- Tystiolaeth o ddatblygiad proffesiynol parhaus.
Meini prawf dymunol
- Cwrs hwyluso.
- Rheoli portffolio prosiect
- Cymwysterau rheoli rhaglenni perthnasol (e.e.: Proffesiynol - PRINCE2 neu gyfwerth) neu brofiad priodol y gellir ei ddangos.
Profiad
Meini prawf hanfodol
- Profiad sylweddol o reoli mewn rôl uwch, yn y GIG yn ddelfrydol.
- Profiad mewn gwella ansawdd/gwybodaeth am brofiad y claf/cymhwyster NEU brofiad priodol y gellir ei ddangos.
- Gwybodaeth am y gweithlu/Staffio/dulliau ac offer aciwtedd cleifion.
- Profiad sylweddol o arwain a gweithredu prosiectau/rhaglenni yn llwyddiannus ar lefel ranbarthol neu genedlaethol.
- Tystiolaeth o gyflwyno mentrau rheoli newid a gwella ansawdd tra arbenigol.
- Arbenigedd mewn darparu gwasanaethau rheoli prosiectau a rhaglenni a theilwra methodolegau i weddu i'r amgylchedd lleol.
- Profiad o weithio gydag ystod eang o randdeiliaid mewnol ac asiantaethau allanol.
- Hanes o reolaeth ariannol gadarn a phrofiad o reoli cyllideb, ynghyd â phrofiad o ddatblygu achosion busnes effeithiol i sicrhau cyllid o ffynonellau allanol.
- Profiad y gellir ei ddangos o arwain, rheoli a datblygu tîm o bobl.
Meini prawf dymunol
- Profiad o weithio ar lefel genedlaethol ar brosiect/ rhaglenwaith gymhleth.
Sgiliau a Galluoedd
Meini prawf hanfodol
- Y gallu i ddeall a chynnal dadansoddiad ystadegol o ddata cymhleth gan gynnwys cyflwyno synthesis tystiolaeth ac adroddiadau data.
- Y gallu i gyfathrebu cysyniadau a dadansoddiadau technegol cymhleth iawn yn effeithiol i sefydliadau a chynulleidfaoedd gwahanol; gan gynnwys cyflwyniadau ffurfiol e.e. cynadleddau lefel Bwrdd a ledled y DU.
- Dangos gallu i ddarparu, derbyn a chofnodi cyfathrebiadau arferol a chymhleth iawn yn electronig, ar lafar ac yn ysgrifenedig.
- Y gallu i oresgyn rhwystrau sy’n gysylltiedig â chyfleu gwybodaeth dechnegol gymhleth iawn i gynulleidfa annhechnegol.
- Y gallu i drefnu, cynllunio a blaenoriaethu rhaglen strategol gymhleth i gwrdd ag amserlenni sy'n ymwneud â disgyblaethau/sefydliadau eraill.
- Y gallu i weithio'n agos, datblygu a chynnal perthnasoedd gwaith proffesiynol effeithiol gydag aelodau'r tîm ac aelodau o'r tîm amlddisgyblaethol a'r gallu i weithredu mewn amgylchedd o berthnasoedd cymhleth.
- Dangos gallu i ddadansoddi, dehongli a chymharu materion cymhleth sy’n ymwneud â staffio/rheoli newid a datblygu’r gweithlu proffesiynol, a gweithredu fel pwynt cyfeirio arbenigol.
- Y gallu i hyfforddi grwpiau amlddisgyblaethol ar faterion yn ymwneud â lefelau staff nyrsio.
- Y gallu i gyfathrebu’n effeithiol ar draws gwahanol lefelau sefydliad.
- Y gallu i ddangos menter, creadigrwydd, a dull hyblyg o ddiwallu anghenion y rhaglen waith ar lefel genedlaethol a lleol.
- Y gallu i droi strategaeth yn weithred.
- Gwybodaeth ac arbenigedd arbenigol ychwanegol amlwg e.e. sgiliau cyflwyno a hwyluso uwch.
- Y gallu i ffocysu, canolbwyntio a chwblhau tasgau’n gywir o fewn amserlenni penodol wrth ymdrin ag ymyriadau heb eu trefnu e.e. blaenoriaethau sy’n newid.
- Y gallu i gyflwyno ac arddangos cyflawniadau a chynnydd yr agenda staff nyrsio i amrywiaeth o gynulleidfaoedd.
- Gwybodaeth am y GIG ac agenda a methodolegau proffesiynol, gan gynnwys gwybodaeth am strategaethau cyfredol gan gynnwys gweithlu GIG Cymru a strategaethau proffesiynol y DU.
- Arddangos sgiliau bysellfwrdd safonol a bod â gwybodaeth ymarferol o becynnau Microsoft Office. ECDL Lefel 2 neu gyfwerth.
Meini prawf dymunol
- Cyhoeddi erthyglau mewn cyfnodolyn/cyfnodolion proffesiynol.
Rhinweddau Personol
Meini prawf hanfodol
- Y gallu i fodloni gofynion teithio aml y swydd.
- Agwedd hyblyg at ddiwallu anghenion y gwasanaeth.
- Y gallu i weithredu’n annibynnol, yn bendant ac yn effeithiol wrth arwain rhaglen.
- Y gallu i wylio a gwrando ar negeseuon allweddol, a'u dehongli ac ymateb yn briodol.
- Y gallu i ymdrin â beirniadaeth a phobl a sefyllfaoedd heriol yn effeithiol ac yn briodol. Y gallu i herio’r farn gyffredinol yn gadarnhaol ac yn greadigol er mwyn datblygu polisïau ac arferion gwaith gweithredol newydd a gwell.
- Ymrwymiad i egwyddorion gwella profiad y claf a rheoli newid.
- Y gallu i addasu i sefyllfaoedd a gallu gweithio'n dda yn erbyn cefndir o newid ac ansicrwydd.
- Ymrwymiad personol cryf i weithio ar y cyd a'r gallu i adeiladu perthnasoedd effeithiol â phobl o bob gallu a meddylfryd.
- Ymrwymiad i weithio mewn tîm, a pharchu ac ystyried sgiliau pobl eraill. Agwedd gadarnhaol a chreadigol. Yn hunan-gymhellol, yn rhagweithiol ac yn angerddol am ddarparu gofal cleifion o ansawdd uchel.
- Safonau uchel o gywirdeb proffesiynol.
- Yn cymell ac yn annog pobl i ymdrechu i wella gwasanaethau a gwelliant personol.
- Y gallu i addasu i sefyllfaoedd, uniaethu â phobl o bob gallu a chefndir.
- Meddwl yn glir ac yn huawdl gyda’r gallu i ddelio â sefyllfaoedd anodd.
Meini prawf dymunol
- Siaradwr Cymraeg
Gwybodaeth
Meini prawf hanfodol
- Gwybodaeth am bolisïau datblygu'r gweithlu a'r sefydliad, gweithdrefnau gan gynnwys rheoli perfformiad, y broses ddisgyblu, cynllunio a datblygu'r sefydliad.
- Gwybodaeth a dealltwriaeth o egwyddorion rheoli rhaglenni a phrosiectau.
Cyfathrebu
Meini prawf hanfodol
- Sgiliau rhyngbersonol datblygedig, gyda'r gallu i gyfleu cyfarwyddiadau, syniadau a barn mewn modd clir a chryno.
- Y gallu i baratoi a chyflwyno gwybodaeth, sy’n amrywio o ran cynnwys a chyd-destun (yn aml yn gymhleth), i wahanol gynulleidfaoedd mewn modd y gall staff ar bob lefel ei deall.
- Y gallu i gyfleu gwybodaeth mewn ffordd nad yw'n wrthdrawol, dangos empathi, tact, sensitifrwydd a dealltwriaeth.
- Sgiliau trafod a dylanwadu da.
- Y gallu i ymgysylltu â staff a'u cynnwys yn y Rhaglen waith i gyflawni'r canlyniad a ddymunir.
Cynllunio a Threfniadaeth
Meini prawf hanfodol
- Y gallu i ddatblygu cynlluniau strategol a gweithredol, a chofrestrau risg, nodi a gosod amcanion a chynlluniau gweithredu ar gyfer cyflawni.
- Y gallu i weithio'n ddibynadwy ac yn effeithlon ar eich liwt eich hun neu fel rhan o dîm ar wahanol lefelau o fewn y sefydliad.
- Sgiliau rheoli amser da a'r gallu i flaenoriaethu, cynllunio a rheoli eich amser eich hun ac eraill i gwrdd â therfynau amser ac amserlenni tynn. Agwedd systematig a threfnus at waith.
- Y gallu i ddadansoddi a gwerthuso sefyllfaoedd, tystiolaeth, data a gwybodaeth e.e: datrys problemau, gwneud penderfyniadau a thrafod.
- Yn arloesol ac yn gallu datblygu a gweithredu atebion creadigol i broblemau cymhleth.
- Y gallu i ddylunio a chyflwyno gwelliannau ac ysgogi newid.
Datblygu eich hun ac eraill
Meini prawf hanfodol
- Y gallu i gynnig a derbyn adborth adeiladol a defnyddio adborth i ddatblygu eich hun ac eraill a gwneud newidiadau cadarnhaol.
- Y gallu i greu amgylchedd sy'n annog datblygiad proffesiynol a phersonol, yn cefnogi arloesi, adeiladu tîm a phartneriaethau creadigol.
- Ymrwymiad i weithio mewn tîm, a pharchu a bod yn ystyriol o sgiliau pobl eraill. Hunanymwybyddiaeth dda, deall yr effaith a geir ar eraill.
Arweinyddiaeth
Meini prawf hanfodol
- Y gallu i roi cyfeiriad ac arwain y gwaith o reoli'r rhaglen a chyflwyno'r rhaglen.
- Y gallu i lunio, dylanwadu ar farn, gweithredoedd ac ysgogi pobl i gyflawni canlyniadau.
- Y gallu i reoli pobl yn effeithiol a'r gallu i reoli staff ar bob lefel.
Dogfennau
- Job Description and Person Specification - English (PDF, 280.4KB)
- Job Description and Person Specification - Cymraeg (PDF, 272.4KB)
- Occupational Health - FRF (PDF, 672.5KB)
- Hyderus o Ran Anabledd Arweinydd (PDF, 180.8KB)
- Canllawiau ar gyfer Ymgeiswyr (PDF, 278.7KB)
- Ein Rhwydweithiau Amrywiaeth (PDF, 330.6KB)
- Gwasanaethau Recriwtio Hysbysiad Preifatrwydd (PDF, 696.3KB)
Rhagor o fanylion / cyswllt ar gyfer ymweliadau anffurfiol
- Enw
- Jo Doyle
- Teitl y swydd
- Head of All Wales Nurse Staffing Programme
- Cyfeiriad ebost
- [email protected]
- Rhif ffôn
- 07901568365
Dechrau eich cais
Rhaid ichi fewngofnodi i gyfrif Trac cyn y gallwch wneud cais am y swydd hon.
Mewngofnodi
Creu cyfrif
Creu eich cyfrif a gwneud cais am eich swydd newydd!