Mae Trac yn falch o bweru recriwtio ar gyfer
Bwrdd Iechyd Prifysgol Hywel Dda
![Bwrdd Iechyd Prifysgol Hywel Dda logo](https://static.trac.jobs/employer-logos/369.png)
Gwybodaeth
Mae Bwrdd Iechyd Prifysgol Hywel Dda yn darparu gwasanaethau gofal iechyd i boblogaeth o tua 372,320 ar draws Sir Gaerfyrddin, Ceredigion a Sir Benfro. Mae'n darparu gwasanaethau Acìwt, Sylfaenol, Cymunedol, Iechyd Meddwl ac Anableddau Dysgu trwy Ysbytai Cyffredinol a Chymunedol, Canolfannau Iechyd, Meddygfeydd Teulu, Deintyddion, Fferyllfeydd, Optometryddion a safleoedd eraill.
Seicolegydd Clinigol Anableddau Dysgu
Accepting applications until: 15-Jul-2024 23:59
Statws y swydd wag: Open
Accepting applications until: 15-Jul-2024 23:59
Manylion allweddol
Lleoliad
- Gwefan
- Tŷ Llanion, Sir Benfro neu Phen-lan, Caerfyrddin
- Cyfeiriad
- Tŷ Llanion, Parc Llanion, Doc Penfro neu 1 Heol Pen-lan, Caerfyrddin
- Tref
- Doc Penfro neu Caerfyrddin
- Cod post
- SA72 6DY
- Major / Minor Region
- Sir Gaerfyrddin
Math o gontract a phatrwm gwaith
- Contract
- Parhaol: Dydd Llun - Dydd Gwener
- Oriau
- Llawnamser
- Rhan-amser
Cyflog
- Cyflog
- £44,398 - £50,807 y flwyddyn (pro rata os yn rhan amser)
- Cyfnod cyflog
- Yn flynyddol
- Gradd
- (Gradd 7)
Arbenigedd
- Prif leoliad
- Seicolegydd Clinigol Anableddau Dysgu
- Dyddiad y cyfweliad
- 25/07/2024
Mae gwerthoedd Hywel Dda yn adlewyrchu pwy ydym ni a sut yr ydym yn ymddwyn. Rydym yn cyd-weithio’n barhaus i fod y gorau allwn fod wrth i ni ymdrechu i ddatblygu a darparu gwasanaethau rhagorol, gan roi pobl wrth galon popeth a wnawn. Trwy gydol ein proses recriwtio bydd gofyn i chi feddwl am sut y byddech chi’n byw y gwerthoedd hyn tra’n gweithio gyda ni.
Os ydych yn weithiwr Gofal Iechyd proffesiynol cofrestredig sy'n ystyried adleoli i ardal Hywel Dda yng Ngorllewin Cymru, mae croeso i chi gysylltu â'n tim ymgyrchoedd recriwtio yn uniongyrchol drwy [email protected]
I gael gwybod am ein gweithgarwch recriwtio diweddaraf, dilynwch ni ar Facebook (Swyddi Hywel Dda Jobs), LinkedIn neu ar Twitter @SwyddiHDdaJobs
Sylwer bod ychwanegiad dros dro ar gyfer Bandiau 1,2 a 3 i adlewyrchu ymgorffori'r ychwanegiad i’r cyflog byw, sef £12 yr awr - £23,465 y flwyddyn. Bydd yr ychwanegiad dros dro hwn yn weithredol hyd nes y bydd y codiad cyflog blynyddol ar gyfer 2024/25 wedi’i gadarnhau.
Mae Bwrdd Iechyd Prifysgol Hywel Dda yn cadw'r hawl i gau swyddi gwag ar ôl 24 awr os derbynir nifer fawr o geisiadau addas. Rydym yn annog ceisiadau cynnar i sicrhau ystyriaeth am swydd.
Trosolwg o'r swydd
Mae gennym ddatblygiad cyffrous yng Ngorllewin Cymru.
Rydym yn chwilio am ddau unigolyn i weithio yn ein Gwasanaeth Anableddau Dysgu ar lefel Band 7. Bydd un deiliad swydd wedi'i leoli yn Nhŷ Llanion yn Noc Penfro, a'r llall yn 1 Heol Penlan yng Nghaerfyrddin.
Mae gennym dîm o bobl ag anableddau dysgu sy'n cyd-gadeirio ein Grŵp Partneriaeth Rhanbarthol ac yn helpu i arwain ein gwasanaethau. Mae'r tîm wedi datblygu siarter sy'n tynnu sylw at hawliau'r aelodau, ac y gall sefydliadau a grwpiau o staff ymuno â hi. Mae Bwrdd Iechyd Prifysgol Hywel Dda wedi ymuno â'r siarter hon https://www.ldcharter.com
Mae'r Gwasanaeth Seicoleg ac Ymddygiad yn credu mewn rhoi pobl ag anableddau dysgu wrth wraidd popeth a wnawn. Rydym yn credu'n gryf mewn Hawliau Dynol ac eirioli dros bobl ag anabledd dysgu. Heb Seicolegwyr, sut y bydd pobl ag anableddau dysgu yn gallu cyfranogi a dweud eu dweud?
Advert
Darparu gwasanaeth seicolegol arbenigol cymwysedig i gleientiaid yr ardal, a hynny ar draws pob sector gofal.
Darparu asesiadau a therapi seicolegol arbenigol i gleientiaid a'u teuluoedd, a chynnig cyngor ac ymgyngoriadau ynghylch gofal seicolegol cleientiaid i gyd-weithwyr yn y tîm a'r rheiny mewn asiantaethau allanol perthnasol.
Darparu mewnbwn i wasanaethau arbenigol yn ôl y gofyn.
Gweithio'n annibynnol, a hynny'n unol â chanllawiau proffesiynol a fframwaith cyffredinol polisïau a gweithdrefnau Anableddau Dysgu. Bydd hyn yn cynnwys bod yn gyfrifol yn glinigol am waith therapiwtig a rheoli risgiau cymhleth gyda chleientiaid.
Defnyddio sgiliau ymchwil i archwilio, datblygu polisïau a gwasanaethau a gwneud gwaith ymchwil yn yr ardal a wasanaethir gan dîm yr ardal.
Gweithio i'n sefydliad
Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:
Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;
Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;
47 o bractisau cyffredinol (6 ohonynt yn bractisau a reolir), 45 practis deintyddol (gan gynnwys 4 orthodontig), 96 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;
Lleoliadau niferus yn darparu gwasanaethau iechyd meddwl ac anableddau dysgu;
Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.
Swydd ddisgrifiad a phrif gyfrifoldebau manwl
Gellir dod o hyd i ddisgrifiad swydd llawn a manyleb y person ynghlwm yn y dogfennau ategol ar y tudalen hon.
Mae'r Bwrdd Iechyd yn ymrwymedig i gefnogi ei staff i gofleidio'r angen am ddwyieithrwydd, gan felly wella profiadau cleifion a defnyddwyr gwasanaethau. Yn rhan o'n hymrwymiad i gynyddu nifer y staff sy'n gallu cyfathrebu yn Gymraeg â chleifion a gweithwyr proffesiynol, rydym yn croesawu ceisiadau gan siaradwyr Cymraeg.
Mae'r gallu i gyfathrebu yn Gymraeg yn ddymunol ar gyfer y swydd hon. Os nad ydych yn bodloni'r gofynion a nodir o ran y Gymraeg, mae'r Bwrdd Iechyd yn cynnig amrywiaeth o opsiynau dysgu a chymorth i staff i'ch helpu i fodloni'r gofynion dymunol hyn yn ystod eich cyflogaeth gyda ni.
Cynhelir y cyfweliadu ar 25.07.2024
Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.
Mae Bwrdd Iechyd Prifysgol Hywel Dda yn gweithredu polisi dwyieithog
‘Gwahoddir ymgeiswyr i wneud cais yn Gymraeg, ni fydd unrhyw gais a gyflwynir drwy gyfrwng y Gymraeg yn cael ei drin yn llai ffafriol na cheisiadau a wneir yn y Saesneg’.
Trwy gyflwyno eich cais i NHS Jobs/Trac, rydych yn gydsynio i elfennau o ddata eich cais gael eu trosglwyddo i Gofnod Staff Electronig (ESR) y GIG a systemau diogel, mewnol Gweithlu’r GIG er mwyn cefnogi a rheoli eich recriwtio a’ch cyflogaeth o fewn y sefydliad sy’n eich cyflogi; i’w defnyddio gan yr adran Recriwtio at ddibenion gwirio eich Cofrestriad Proffesiynol ar-lein (lle bo’n briodol).
Mae’r prosesau hyn yn unol â phrosesu Teg a Chyfreithlon yn unol â Deddfwriaeth Diogelu Data cyfredol yn enwedig y rhai hynny mewn perthynas â’ch data personol neu bersonol sensitif (diffinir data personol sensitif fel unrhyw gyflwr iechyd meddwl neu gorfforol, tarddiad hiliol neu ethnig, cyfeiriadedd rhywiol, aelodaeth undeb llafur, barn wleidyddol neu gred crefyddol datganedig). Fel sefydliad, rydym yn sicrhau bod y ddeddfwriaeth sy’n diffinio cyfrinachedd yn cael ei dilyn megis y defnydd o ddata at ddibenion penodol, diffiniedig, a defnydd o ddata sy’n berthnasol ac nid yn ormodol wrth ymarfer cywirdeb data a diogelwch yr holl wybodaeth bersonol adnabyddadwy a gedwir.
Os cewch eich penodi’n llwyddiannus, trwy lenwi’r ffurflen gais rydych yn awdurdodi’r BIP i gael unrhyw fanylion gwasanaeth blaenorol i’r GIG yn cynnwys yr holl wybodaeth ar salwch a gedwir yn electronig, trwy’r broses Trosglwyddo Rhyng-awdurdod ar y Cofnod Staff Electronig.
I weithio yn y DU, mae angen nawdd ar bob ymgeisydd nad yw'n wladolyn o'r DU neu Weriniaeth Iwerddon i gael naill ai fisa Gweithiwr Iechyd a Gofal neu fisa Gweithiwr Medrus, oni bai bod gennych ganiatâd i weithio trwy lwybr arall. Dylai ymgeiswyr nad ydynt yn rhan o'r DU/Gweriniaeth Iwerddon sy'n dymuno gwneud cais hunanasesu'u tebygolrwydd o gael Tystysgrif Nawdd trwy ymweld â gwefan Fisâu a Mewnfudo'r DU. Os ydych chi'n gymwys i gael y fisa Iechyd a Gofal, mae'r costau ymgeisio yn is ac nid oes angen i chi dalu Gordal Iechyd Mewnfudo blynyddol.
Gofynion yr ymgeisydd
Rhaid bod gennych gofrestriad proffesiynol priodol yn y DU.
Mae'r swydd hon yn ddarostyngedig i Orchymyn Deddf Adsefydlu Troseddwyr 1974 (Eithriadau) 1975 (Diwygio) (Cymru a Lloegr) 2020 a bydd angen cyflwyno Datgeliad i'r Gwasanaeth Datgelu a Gwahardd.
Mae sgiliau iaith Gymraeg yn ddymunol
Manyleb y person
Cymwysterau a Gwybodaeth
Meini prawf hanfodol
- Ymarferydd Seicoleg Cofrestredig gyda'r Cyngor Proffesiynau Iechyd a Gofal
- Hyfforddiant ar lefel doethuriaeth mewn seicoleg glinigol, gan gynnwys seicopatholeg, dau neu ragor o therapïau seicolegol gwahanol, a seicoleg ddatblygiadol hyd oes fel y'u hachredir gan Gymdeithas Seicolegol Prydain
- Gwybodaeth ymarferol da am Seicometreg ac asesiadau gwybyddol, ac yn gallu eu defnyddio, ynghyd â gwybodaeth am eu cyfyngiadau a sut i'w gweinyddu
- Gwybodaeth a phrofiad mewn perthynas â chymhwyso seicoleg ledled yr hyd oes datblygiadol, ynghyd â phrofiad o weithio mewn arbenigeddau craidd o ran iechyd meddwl oedolion, plant a'r glasoed, oedolion hŷn ac anableddau dysgu, ac yn amlygu gwybodaeth am wybyddiaeth, seicoleg ymddygiadol a modelau a dulliau eraill
- Gwybodaeth am fodelau seicoleg, yn cynnwys gwybyddiaeth, seicoleg ymddygiadol a dulliau systemig
- Gwybodaeth ddoethurol am ymchwil
Meini prawf dymunol
- Hyfforddiant a chymwysterau mewn methodoleg ymchwil, hyfforddiant staff a/neu feysydd eraill seicoleg gymhwysol
Profiad
Meini prawf hanfodol
- Profiad o asesiadau seicolegol arbenigol ac o drin cleientiaid ledled yr amrywiaeth lawn o leoliadau gofal, gan gynnwys cleifion allanol, cleifion yn y gymuned, cleifion ym maes gofal sylfaenol, a chleifion mewnol
- Profiad o asesiadau seicolegol arbenigol sy'n ymgorffori seicometreg ac asesu gwybyddol
- Profiad o weithio gyda phobl ag anableddau dysgu
- Profiad o weithio gydag amrywiaeth eang o grwpiau cleientiaid ar hyd llwybr bywyd, gyda'r bobl hyn yn amlygu problemau sy'n adlewyrchu'r ystod lawn o ddifrifoldeb clinigol
Meini prawf dymunol
- Profiad o addysgu, hyfforddi a goruchwylio
- Profiad o gymhwyso seicoleg mewn cyd - destunau diwylliannol gwahanol
Sgiliau Iaith
Meini prawf dymunol
- Siaradwr Cymraeg (Lefel 1)
Rhagor o fanylion / cyswllt ar gyfer ymweliadau anffurfiol
- Enw
- Dr Anwen Harry
- Teitl y swydd
- Counselling Psychologist
- Cyfeiriad ebost
- [email protected]
- Rhif ffôn
- 01267 244410
- Gwybodaeth i gefnogi eich cais
Neu cysylltwch â Dr Karin Lewis – [email protected] neu ffoniwch 01437 772829
Dechrau eich cais
Rhaid ichi fewngofnodi i gyfrif Trac cyn y gallwch wneud cais am y swydd hon.
Mewngofnodi
Creu cyfrif
Creu eich cyfrif a gwneud cais am eich swydd newydd!