Dirprwy Bennaeth Gwasanaethau Trafodion

Swydd-ddisgrifiad a phrif gyfrifoldebau manwl

  Bydd yn arwain ar ddatblygu cynlluniau cymhleth i foderneiddio systemau, prosesau busnes a gweithdrefnau o fewn y ddisgyblaeth gwasanaethau Trafodion.  Bydd y cynlluniau hyn yn ategu amcanion strategol PCGC yn ehangach, yn ogystal â chynnal y gwaith o ddarparu gwasanaethau o safon uchel i randdeiliaid yn ystod cyfnod o newid a phontio.

Darparu cyfeiriad a strategaeth ar gyfer y timau hawliadau contractwyr, sganio a chofrestru cleifion a thimau Moderneiddio a Thechnegol o fewn adran Gwasanaethau Gweithredol y Gwasanaethau Gofal Sylfaenol. Arwain yn strategol wrth lunio a datblygu gwasanaethau a amlinellir yng nghynllun tymor canolig integredig (IMTP) y Gwasanaethau Gofal Sylfaenol, gan sicrhau bod yr holl dimau a gwasanaethau gweithredu a moderneiddio a thechnegol yn addas i’r diben ac yn darparu gwasanaethau effeithlon ac effeithiol.

Cydweithio ag arweinwyr gwasanaethau i ddatblygu gweithio mewn partneriaeth ac i integreiddio gwasanaethau ar draws Gwasanaethau Gofal Sylfaenol a PCGC yn ehangach.  Darparu arweiniad busnes ar ailgynllunio gwasanaethau, wrth ddatblygu achosion busnes i drafod a dylanwadu ar ddarparwyr gwasanaeth ynghylch gwella a newid gwasanaethau.

Monitro ac addasu cynlluniau a gwasanaethau yn weithredol er mwyn ymateb i newidiadau i gyfeiriad strategol rhanddeiliaid a PCGC.

Bydd yn cydweithio â'r Pennaeth Gwasanaethau Trafodion ac arweinwyr eraill i herio eu meddwl a'u harfer cyfredol yn gadarnhaol ac yn greadigol er mwyn sicrhau gwelliannau a buddion wrth gyflenwi gwasanaethau a chydbwysedd ariannol.

I gael dealltwriaeth glir o ystod o reoliadau a phrotocolau sy’n dylanwadu ar daliadau Contractwyr a hawlio, sganio, a chofrestru cleifion ac yn gallu cymhwyso’r rheoliadau fel sy’n briodol.

Arwain ar unrhyw ddiwygiadau polisi/Rheoleiddio Proffesiynol, yn ogystal â nodi a sefydlu prosesau er mwyn sicrhau cydymffurfiad â’r newidiadau hyn. Sicrhau bod yr holl newidiadau ac effaith y newidiadau hyn yn cael eu cyfleu ledled y sefydliadau iechyd yng Nghymru. Manylu ar unrhyw newidiadau cymhleth a allai effeithio ar ofal cleifion a’r ddarpariaeth gwasanaethau gofal sylfaenol.

Bydd gan ddeiliad y swydd ddealltwriaeth a phrofiad o ddehongli polisi Llywodraeth Cymru mewn perthynas â’r pedwar Contractwr Gofal Sylfaenol.

Dangos sgiliau beirniadol wrth lunio atebion i sefyllfaoedd cymhleth a gwrthgyferbyniol yn y gweithle.

Fel arbenigwr yn ei faes, bydd deiliad y swydd yn defnyddio sgiliau dadansoddi datblygedig wrth ddadansoddi gwybodaeth gymhleth iawn ac yn gweithio gyda gweithwyr gofal iechyd proffesiynol eraill i ymchwilio i amheuon o dwyll.

Dadansoddi gwybodaeth a gafwyd trwy'r rhaglen rheoli perfformiad o fewn Gwasanaethau Trafodion (gan gynnwys timau Moderneiddio a Thechnegol), i nodi anghenion hyfforddi a materion perfformiad.

Cyfarfod â Swyddfa Archwilio Cymru ac Archwilio Mewnol i adolygu systemau a phrosesau, gan gytuno a gweithredu ar unrhyw ganlyniadau.

Datblygu a monitro Dangosyddion Perfformiad Allweddol; meincnodi; perfformiad a rheolaeth ddarbodus ar draws yr adran a chysylltu ag arweinwyr gwasanaethau eraill.

Gweithredu fel rôl arweiniol yn y gwaith parhaus o gadw achrediad Rhagoriaeth mewn Gwasanaethau Cwsmeriaid (CSE) a datblygiad gwasanaethau yn unol ag achrediadau ISO, wrth edrych am fentrau ac achrediadau newydd er budd y sefydliad.

Bod yn rhagweithiol er mwyn osgoi sefyllfaoedd rhag codi sy’n galw am sylw ar unwaith, ond sicrhau bod camau’n cael eu cymryd yn brydlon i oresgyn materion, yn ôl yr angen.

Bydd yn cefnogi ac yn cyfrannu at waith y Pennaeth Gwasanaethau Trafodion yn datblygu a defnyddio rhaglen ddatblygu a hyfforddi’r Gwasanaethau Gofal Sylfaenol.

Bydd yn cefnogi ac yn cyfrannu at waith y Pennaeth Gwasanaethau Trafodion yn datblygu a defnyddio'r Cynllun Tymor Canolig Integredig ar ran y Gwasanaethau Gofal Sylfaenol.

Fel aelod o’r Uwch Dîm Rheoli, mae’r cyfrifoldeb yn ei le i arwain fel gweithredwr prosiect ar nifer o fentrau o dan y Cynllun Tymor Canolig Integredig.

Bydd yn cefnogi ac yn cyfrannu at waith y Pennaeth Gwasanaethau Trafodion gyda datblygu a defnyddio Cytundebau Lefel Gwasanaeth y Gwasanaethau Gofal Sylfaenol, gan gynnwys CLG gyda NHS Resolution a NHS Digital.

Cefnogi LlC â threfniadau diwygio contractau ar draws pedair disgyblaeth y contractwyr.

Adolygu ac adlinio gwasanaethau a systemau prosesu swmp trafodion cenedlaethol presennol er mwyn sicrhau’r effeithlonrwydd mwyaf tra hefyd yn chwilio a chefnogi mentrau newydd yn unol â gweledigaeth ac amcanion strategol SSP/GIG Cymru a nodir yn yr IMTP, e.e.

i)           darparu Gwasanaethau Presgripsiwn Electronig yng Nghymru – cyflawni’r trawsnewid o fodel cyflenwi gwasanaethau presennol i wasanaeth cwbl awtomataidd heb effaith ar y cwsmer 

ii)          Trawsnewid gwasanaeth i alluogi datgomisiynu’r Gwasanaeth Seilwaith Cymwysiadau Iechyd Gwladol wrth drosglwyddo i’r Datrysiad Rheoli Cofnodion Gofal Sylfaenol.  Mae angen i hyn gael ei wrthbwyso gan ddatblygiad ychwanegol a gwaith cynnal a chadw dilynol ar becyn meddalwedd pwrpasol i reoli symudiad cofnodion meddygol yng Nghymru tra'n aros am newid deddfwriaethol.

Bydd disgwyl i ddeiliad y swydd weithio fel aelod annatod o uwch dîm rheoli’r Gwasanaethau Gofal Sylfaenol a darparu’r rhyngwyneb allweddol gyda rhanddeiliaid o ran y cyfathrebu parhaus o ddatblygu gwasanaeth a rhaglenni newid trosiannol.

Arwain fel arbenigwr; rheoli perthnasoedd gwaith effeithiol â rhanddeiliaid perthnasol fel byrddau iechyd, contractwyr gofal sylfaenol a’r cyrff sy’n eu cynrychioli, gan roi cyngor arbenigol yn rheolaidd ar gymhlethdodau materion rheoleiddio ac offerynnau statudol sy’n llywodraethu’r ddarpariaeth o wasanaethau gofal sylfaenol a’r ffordd y maent yn cael eu rheoli a’u cymhwyso o fewn GIG Cymru.

Bydd gofyn i ddeiliad y swydd arwain y datblygiad a chynnal perthnasoedd gwaith rhagorol gydag ystod eang o randdeiliaid, gan ddatblygu cynlluniau busnes strategol i lywio ac annog derbyn y cyfeiriad strategol y mae’r Gwasanaethau Gofal Sylfaenol / PCGC yn ei ddilyn.

Bydd yn cyfleu gwybodaeth fanwl gymhleth/technegol mewn perthynas â thaliadau Contractwyr, prosesau hawlio a chofrestru; gydag ystod eang o randdeiliaid, gan gynnwys Llywodraeth Cymru; Cyrff Proffesiynol; Byrddau Iechyd ac Iechyd Cyhoeddus Cymru. 

Bydd yn cynrychioli’r Gwasanaethau Gofal Sylfaenol yn weithredol ac yn mynychu cyfarfodydd gyda chyrff proffesiynol eraill, fel y Grwpiau Comisiynu Clinigol, Fferylliaeth Gymunedol Cymru, GPC Cymru, Optometreg Cymru ac NHS Digital Lloegr, lle bydd yn hanfodol bod deiliad y swydd yn gallu cyfathrebu gan ddefnyddio dull amlochrog fel arbenigwr yn ei faes.

Bydd gan ddeiliad y swydd brofiad blaenorol o ddarparu gwasanaethau gweithredol a strategol, yn ogystal â phrofiad o ddod i gysylltiad â rhanddeiliaid allanol a chyrff cynrychioli contractau.

Bydd yn gallu gweithio ar lefel sy’n dangos hygrededd ac yn darparu cyngor ac arweiniad arbenigol i bobl nad ydynt yn arbenigwyr ar bob maes Gwasanaethau Trafodion, gan gynnwys yr holl brosesau a chymwysiadau. Bydd hefyd yn ofynnol iddynt ddehongli ac egluro rheoliadau sy'n ymwneud â Hawliadau Contractwyr a thaliadau, gwasanaethau Sganio a chofrestru cleifion.  

Bydd yn meddu ar ddealltwriaeth ragorol o arfer gofal iechyd yn y sector contractwyr gofal sylfaenol a bydd ganddo/ganddi brofiad o weithio gyda’r GIG a rhanddeiliaid sy’n gysylltiedig â’r GIG.

Wrth gyfathrebu â hyd at 6000 o gontractwyr annibynnol ledled Cymru, bydd gofyn i ddeiliad y swydd ddefnyddio sgiliau rhyngbersonol datblygedig yn aml i ddylanwadu a pherswadio eraill i newid arferion gwaith yn unol ag agenda esblygol y GIG.

Rhoi cyngor ac arweiniad arbenigol i staff neu randdeiliaid allanol yn ôl yr angen.

Cynghori ar drafodaethau gwybodaeth ariannol gymhleth iawn yn unol â rheoliadau perthnasol a gofynion byrddau iechyd e.e.,

i)          y goblygiadau ariannol, fesul senario, dehongliadau, sy’n cystadlu â’i gilydd, o ddeddfwriaeth gwasanaeth ychwanegol yn erbyn manylebau’r Bwrdd Iechyd yn erbyn patrymau hawlio.

ii)         Datblygu a thrafod gyda Fferylliaeth Gymunedol Cymru ynghylch datblygu pecynnau gwasanaeth newydd.

Bydd gofyniad rheolaidd i roi cyflwyniadau mewn lleoliadau ffurfiol megis digwyddiadau rhanddeiliaid, cwsmeriaid neu staff, i grwpiau mewnol/allanol amrywiol yn amrywio o 5 i 70 o gyfranogwyr i ddarparu a chyfleu gwybodaeth reoleiddiol, hynod sensitif a/neu ddadleuol, e.e. newid sefydliadol neu wasanaeth. Bydd deiliad y swydd yn ymgysylltu’n effeithiol â’r gynulleidfa ac yn gallu ymateb yn agored i gwestiynau a sicrhau ei fod/bod yn cyfleu dealltwriaeth lawn o’r pwnc.

Rheoli’r adnoddau adrannol ar gyfer yr elfennau staffio a di-staff. Bydd yn cefnogi’r Pennaeth Gwasanaethau Trafodion i reoli’r gyllideb hon er mwyn cyrraedd targedau’r Cynllun Gwella Costau yn flynyddol.

Bydd yn gweithredu fel llofnodwr awdurdodedig mewn perthynas â thaliadau BACS a gynhyrchir trwy'r systemau NHAIS (neu unrhyw system yn y dyfodol) ac a brosesir trwy Version1 (neu unrhyw weithredwr yn y dyfodol) (tua £20m y trafodiad.