Mae Trac yn falch o bweru recriwtio ar gyfer
Bwrdd Iechyd Prifysgol Hywel Dda
![Bwrdd Iechyd Prifysgol Hywel Dda logo](https://static.trac.jobs/employer-logos/369.png)
Gwybodaeth
Mae Bwrdd Iechyd Prifysgol Hywel Dda yn darparu gwasanaethau gofal iechyd i boblogaeth o tua 372,320 ar draws Sir Gaerfyrddin, Ceredigion a Sir Benfro. Mae'n darparu gwasanaethau Acìwt, Sylfaenol, Cymunedol, Iechyd Meddwl ac Anableddau Dysgu trwy Ysbytai Cyffredinol a Chymunedol, Canolfannau Iechyd, Meddygfeydd Teulu, Deintyddion, Fferyllfeydd, Optometryddion a safleoedd eraill.
Uwch-seicolegydd
Accepting applications until: 05-Aug-2024 23:59
Statws y swydd wag: Open
Accepting applications until: 05-Aug-2024 23:59
Manylion allweddol
Lleoliad
- Gwefan
- Canolfan Adnoddau Wellfield
- Cyfeiriad
- 22 Heol Wellfield
- Tref
- Caerfyrddin
- Cod post
- SA31 1DS
- Major / Minor Region
- Sir Gaerfyrddin
Math o gontract a phatrwm gwaith
- Contract
- Parhaol
- Oriau
- Llawnamser
- Rhan-amser
Cyflog
- Cyflog
- £51,706 - £58,210 y flwyddyn, pro rata
- Cyfnod cyflog
- Yn flynyddol
- Gradd
- (Gradd 8a/Atodiad 21)
Arbenigedd
- Prif leoliad
- Ymarferydd Seicoleg
Mae gwerthoedd Hywel Dda yn adlewyrchu pwy ydym ni a sut yr ydym yn ymddwyn. Rydym yn cyd-weithio’n barhaus i fod y gorau allwn fod wrth i ni ymdrechu i ddatblygu a darparu gwasanaethau rhagorol, gan roi pobl wrth galon popeth a wnawn. Trwy gydol ein proses recriwtio bydd gofyn i chi feddwl am sut y byddech chi’n byw y gwerthoedd hyn tra’n gweithio gyda ni.
Os ydych yn weithiwr Gofal Iechyd proffesiynol cofrestredig sy'n ystyried adleoli i ardal Hywel Dda yng Ngorllewin Cymru, mae croeso i chi gysylltu â'n tim ymgyrchoedd recriwtio yn uniongyrchol drwy [email protected]
I gael gwybod am ein gweithgarwch recriwtio diweddaraf, dilynwch ni ar Facebook (Swyddi Hywel Dda Jobs), LinkedIn neu ar Twitter @SwyddiHDdaJobs
Sylwer bod ychwanegiad dros dro ar gyfer Bandiau 1,2 a 3 i adlewyrchu ymgorffori'r ychwanegiad i’r cyflog byw, sef £12 yr awr - £23,465 y flwyddyn. Bydd yr ychwanegiad dros dro hwn yn weithredol hyd nes y bydd y codiad cyflog blynyddol ar gyfer 2024/25 wedi’i gadarnhau.
Mae Bwrdd Iechyd Prifysgol Hywel Dda yn cadw'r hawl i gau swyddi gwag ar ôl 24 awr os derbynir nifer fawr o geisiadau addas. Rydym yn annog ceisiadau cynnar i sicrhau ystyriaeth am swydd.
Trosolwg o'r swydd
Rydym wrth ein bodd o fod yn gallu cyflwyno cyfle gyrfaol cyffrous, sef swydd lawn-amser barhaol Band 8a/Atodiad 21 (*gweler isod) ym maes Iechyd Meddwl Oedolion i Seicolegwyr lefel Doethuriaeth, a honno'n swydd sy'n cwmpasu Sir Gaerfyrddin, De-orllewin Cymru.
Yn unol â Matrics Cymru (2017), byddai'r ymgeisydd llwyddiannus yn darparu ymyriadau seicolegol pwrpasol, arbenigol a chreadigol i unigolion, a'r ymyriadau hynny'n seiliedig ar ddatblygu fformwleiddiad amlddamcaniaethol, cymhleth sy'n cwmpasu prosesau hanesyddol, datblygiadol, systemig a niwroseicolegol.
At hynny, yr ymgeisydd llwyddiannus fydd yr uwch-adnodd ar gyfer yr ardal ddaearyddol.
Bydd hwn yn gyfle rhagorol i seicolegydd newydd gymhwyso sy'n dymuno datblygu ei yrfa.
Advert
1. Darparu gwasanaeth seicolegol ar draws pob sector gofal i gleientiaid sydd yn y gwasanaeth, gan gyflawni asesiadau a therapi seicolegol hynod o arbenigol, yn ogystal ag asesiadau gwybyddol arbenigol o weithrediad.
2. Gweithio'n annibynnol o fewn canllawiau proffesiynol a fframwaith cyffredinol polisïau a gweithdrefnau'r gwasanaeth.
3. Gweithredu fel Adnodd Arbenigol, sef yr Uwch-seicolegydd yn yr ardal ddaearyddol, gan roi cyngor ac arweiniad ar asesu, triniaeth ac atgyfeiriadau i seiciatryddion, rheolwyr timau nyrsys seiciatrig cymunedol (CPN), ac asiantaethau a lleoliadau eraill.
4. Gweithredu fel Adnodd Arbenigol yn yr ardal ddaearyddol, sef pwynt cyswllt, cyngor ac arweiniad i staff gwasanaethau seicolegol eraill, h.y. therapyddion neu seicolegwyr Band 7, a seicolegwyr cynorthwyol, ac ati.
5. Ymgymryd ag unrhyw ddyletswyddau rheoli llinell arferol fel y'u dirprwyir gan Seicolegydd Clinigol Ymgynghorol Iechyd Meddwl Oedolion Bwrdd Iechyd y Brifysgol.
6. Darparu goruchwyliaeth i seicolegwyr cymwys, seicolegwyr dan hyfforddiant,cynorthwywyr/seicolegwyr graddedig a chyd-weithwyr nad ydynt yn seicolegwyr.
7. Cynnig cyngor ac ymgyngoriadau ar ofal seicolegol cleientiaid i gyd-weithwyr nad ydynt yn seicolegwyr a gofalwyr.
8. Defnyddio sgiliau ymchwil i archwilio, datblygu polisïau a gwasanaethau, a gwneud gwaith ymchwil yn yr ardal a wasanaethir gan y swydd.
Gweithio i'n sefydliad
Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:
Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;
Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;
48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;
Lleoliadau niferus yn darparu gwasanaethau iechyd meddwl ac anableddau dysgu;
Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.
Swydd ddisgrifiad a phrif gyfrifoldebau manwl
Gellir dod o hyd i ddisgrifiad swydd llawn a manyleb y person ynghlwm yn y dogfennau ategol ar y tudalen hon.
Bydd y swydd hon yn cael ei lleoli yn Sir Gaerfyrddin. Mae yna bosibilrwydd y caiff ei lleoli yng Nghaerfyrddin neu Lanelli.
Mae'r swydd yn cael ei hysbysebu ar Fand 8a. Fodd bynnag, anogir ymgeiswyr nad ydynt ar hyn o bryd yn bodloni'r gofynion o ran y sgiliau a'r cymwyseddau ar gyfer y rôl Band 8a, i wneud cais ac, os byddant yn llwyddiannus, fe'u penodir yn unol â Threfniadau'r Agenda ar gyfer Newid mewn perthynas â Thaliadau a Bandio Hyfforddeion (Atodiad 21), a'u cefnogi gan gynllun datblygu am ddwy flynedd. Gellir ystyried rhoi Atodiad 21 ar waith yn achos seicolegwyr newydd gymhwyso, ynghyd â threfniadau i ddiogelu'r cyflog ar Fand 7, hyd nes y bydd y cymwyseddau yn cael eu bodloni ar gyfer 8a, a disgwylir i hynny gael ei gyflawni cyn pen dwy flynedd. Ar ôl llwyddo i gwblhau'r cynllun datblygu, a meithrin y sgiliau a'r cymwyseddau ar gyfer y rôl mewn modd llwyddiannus, bydd deiliad y swydd yn cael ei dalu ar Fand 8a (pwynt isaf y raddfa). Darperir goruchwyliaeth a chymorth parhaus er mwyn datblygu'r ymarferydd i'r rôl Band 8a. Bydd hwn yn gyfle rhagorol i seicolegydd newydd gymhwyso sy'n dymuno datblygu ei yrfa.
Fel rhan o broses Atodiad 21, nid oes cosb ariannol i’r rhai sy’n gwneud cais am y rôl hon lle bydd y ganran yn achosi gostyngiad mewn cyflog, ac o ganlyniad byddai amddiffyniad lleol yn cael ei roi ar waith nes bod y cyflog wedi dal i fyny.
Mae'r Bwrdd Iechyd yn ymrwymedig i gefnogi ei staff i gofleidio'r angen am ddwyieithrwydd, gan felly wella profiadau cleifion a defnyddwyr gwasanaethau. Yn rhan o'n hymrwymiad i gynyddu nifer y staff sy'n gallu cyfathrebu yn Gymraeg â chleifion a gweithwyr proffesiynol, rydym yn croesawu ceisiadau gan siaradwyr Cymraeg.
Mae'r gallu i gyfathrebu yn Gymraeg yn ddymunol ar gyfer y swydd hon. Os nad ydych yn bodloni'r gofynion a nodir o ran y Gymraeg, mae'r Bwrdd Iechyd yn cynnig amrywiaeth o opsiynau dysgu a chymorth i staff i'ch helpu i fodloni'r gofynion dymunol hyn yn ystod eich cyflogaeth gyda ni.
Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.
Cynhelir y cyfweliadu ar 14/8/2024
Mae Bwrdd Iechyd Prifysgol Hywel Dda yn gweithredu polisi dwyieithog
‘Gwahoddir ymgeiswyr i wneud cais yn Gymraeg, ni fydd unrhyw gais a gyflwynir drwy gyfrwng y Gymraeg yn cael ei drin yn llai ffafriol na cheisiadau a wneir yn y Saesneg’.
Trwy gyflwyno eich cais i NHS Jobs/Trac, rydych yn gydsynio i elfennau o ddata eich cais gael eu trosglwyddo i Gofnod Staff Electronig (ESR) y GIG a systemau diogel, mewnol Gweithlu’r GIG er mwyn cefnogi a rheoli eich recriwtio a’ch cyflogaeth o fewn y sefydliad sy’n eich cyflogi; i’w defnyddio gan yr adran Recriwtio at ddibenion gwirio eich Cofrestriad Proffesiynol ar-lein (lle bo’n briodol).
Mae’r prosesau hyn yn unol â phrosesu Teg a Chyfreithlon yn unol â Deddfwriaeth Diogelu Data cyfredol yn enwedig y rhai hynny mewn perthynas â’ch data personol neu bersonol sensitif (diffinir data personol sensitif fel unrhyw gyflwr iechyd meddwl neu gorfforol, tarddiad hiliol neu ethnig, cyfeiriadedd rhywiol, aelodaeth undeb llafur, barn wleidyddol neu gred crefyddol datganedig). Fel sefydliad, rydym yn sicrhau bod y ddeddfwriaeth sy’n diffinio cyfrinachedd yn cael ei dilyn megis y defnydd o ddata at ddibenion penodol, diffiniedig, a defnydd o ddata sy’n berthnasol ac nid yn ormodol wrth ymarfer cywirdeb data a diogelwch yr holl wybodaeth bersonol adnabyddadwy a gedwir.
Os cewch eich penodi’n llwyddiannus, trwy lenwi’r ffurflen gais rydych yn awdurdodi’r BIP i gael unrhyw fanylion gwasanaeth blaenorol i’r GIG yn cynnwys yr holl wybodaeth ar salwch a gedwir yn electronig, trwy’r broses Trosglwyddo Rhyng-awdurdod ar y Cofnod Staff Electronig.
I weithio yn y DU, mae angen nawdd ar bob ymgeisydd nad yw'n wladolyn o'r DU neu Weriniaeth Iwerddon i gael naill ai fisa Gweithiwr Iechyd a Gofal neu fisa Gweithiwr Medrus, oni bai bod gennych ganiatâd i weithio trwy lwybr arall. Dylai ymgeiswyr nad ydynt yn rhan o'r DU/Gweriniaeth Iwerddon sy'n dymuno gwneud cais hunanasesu'u tebygolrwydd o gael Tystysgrif Nawdd trwy ymweld â gwefan Fisâu a Mewnfudo'r DU. Os ydych chi'n gymwys i gael y fisa Iechyd a Gofal, mae'r costau ymgeisio yn is ac nid oes angen i chi dalu Gordal Iechyd Mewnfudo blynyddol.
Gofynion yr ymgeisydd
Rhaid bod gennych gofrestriad proffesiynol priodol yn y DU.
Mae'r swydd hon yn ddarostyngedig i Orchymyn Deddf Adsefydlu Troseddwyr 1974 (Eithriadau) 1975 (Diwygio) (Cymru a Lloegr) 2020 a bydd angen cyflwyno Datgeliad i'r Gwasanaeth Datgelu a Gwahardd.
Mae sgiliau iaith Gymraeg yn ddymunol
Manyleb y person
Cymwysterau a Gwybodaeth
Meini prawf hanfodol
- Hyfforddiant ar lefel doethuriaeth mewn seicoleg, gan gynnwys yn benodol fodelau seicopatholeg, hyfforddiant mewn dau neu ragor o therapïau seicolegol gwahanol, a seicoleg ddatblygiadol hyd oes, fel y'u hachredir gan Gymdeithas Seicolegol Prydain
- Mae hyfforddiant mewn seicometreg glinigol ac asesu gwybyddol/niwroseicolegol yn rhan o'r ddoethuriaeth mewn seicoleg (neu ers cymhwyso) yn hanfodol
- Bydd gan yr ymarferydd seicoleg gofrestriad cyfredol gyda'r Cyngor Proffesiynau Iechyd a Gofal
Meini prawf dymunol
- Hyfforddiant cyn-gymhwyso a chymwysterau mewn methodoleg ymchwil, hyfforddiant staff a/neu feysydd eraill yn ymwneud â seicoleg gymhwysol
Profiad
Meini prawf hanfodol
- Profiad o asesu seicolegol arbenigol ac o drin cleientiaid ledled yr amrywiaeth lawn o leoliadau gofal, gan gynnwys cleifion allanol, y gymuned, gofal sylfaenol, a chleifion mewnol
- Profiad o weithio gydag amrywiaeth eang o grwpiau cleientiaid, ar hyd oes gyfan, sy'n amlygu problemau sy'n adlewyrchu'r ystod lawn o ddifrifoldeb clinigol, gan gynnwys cynnal lefel uchel o broffesiynoldeb yn wyneb problemau emosiynol a thrallodus iawn, camdriniaeth eiriol a bygythiad o gamdriniaeth gorfforol
- Profiad mewn perthynas ag asesu gwybyddol/niwroseicolegol
Meini prawf dymunol
- Profiad o addysgu, hyfforddi a/neu oruchwylio
- Profiad o gymhwyso seicoleg glinigol mewn cyd-destunau diwylliannol gwahanol
- Yn amlygu hyfforddiant/profiad arbenigol pellach trwy fod wedi cael o leiaf 50 awr o oruchwyliaeth glinigol wrth weithio yn rôl seicolegydd arbenigol am fwy na 18 mis, neu mewn rôl amgen y cytunwyd arni â'r seicolegydd ymgynghorol
- Profiad o fod yn uwch-bwynt cyswllt i ddarparu cyngor ac arweiniad i seicolegwyr eraill a therapyddion
Sgiliau Iaith
Meini prawf dymunol
- Siaradwr Cymraeg (Lefel 1)
Rhagor o fanylion / cyswllt ar gyfer ymweliadau anffurfiol
- Enw
- Dr Nicola Thomas
- Teitl y swydd
- Consultant Clinical Psychologist
- Cyfeiriad ebost
- [email protected]
- Rhif ffôn
- 01437 773096
Dechrau eich cais
Rhaid ichi fewngofnodi i gyfrif Trac cyn y gallwch wneud cais am y swydd hon.
Mewngofnodi
Creu cyfrif
Creu eich cyfrif a gwneud cais am eich swydd newydd!