Mae Trac yn falch o bweru recriwtio ar gyfer
Bwrdd Iechyd Prifysgol Hywel Dda
Gwybodaeth
Mae Bwrdd Iechyd Prifysgol Hywel Dda yn darparu gwasanaethau gofal iechyd i boblogaeth o tua 372,320 ar draws Sir Gaerfyrddin, Ceredigion a Sir Benfro. Mae'n darparu gwasanaethau Acìwt, Sylfaenol, Cymunedol, Iechyd Meddwl ac Anableddau Dysgu trwy Ysbytai Cyffredinol a Chymunedol, Canolfannau Iechyd, Meddygfeydd Teulu, Deintyddion, Fferyllfeydd, Optometryddion a safleoedd eraill.
Hwylusydd Gwella Ansawdd a Thrawsnewid y Gwasanaeth
Accepting applications until: 31-Jul-2024 23:59
Statws y swydd wag: Open
Accepting applications until: 31-Jul-2024 23:59
Manylion allweddol
Lleoliad
- Gwefan
- I'w Gadarnhau
- Tref
- I'w Gadarnhau
- Cod post
- SA31 3BB
- Major / Minor Region
- Sir Gaerfyrddin
Math o gontract a phatrwm gwaith
- Contract
- Parhaol
- Oriau
- Llawnamser - 37.5 awr yr wythnos
Cyflog
- Cyflog
- £28,834 - £35,099 y flwyddyn
- Cyfnod cyflog
- Yn flynyddol
- Gradd
- (Gradd 5)
Arbenigedd
- Prif leoliad
- Tîm Gwella Ansawdd a Thrawsnewid y Gwasanaeth
- Dyddiad y cyfweliad
- 09/08/2024
Mae gwerthoedd Hywel Dda yn adlewyrchu pwy ydym ni a sut yr ydym yn ymddwyn. Rydym yn cyd-weithio’n barhaus i fod y gorau allwn fod wrth i ni ymdrechu i ddatblygu a darparu gwasanaethau rhagorol, gan roi pobl wrth galon popeth a wnawn. Trwy gydol ein proses recriwtio bydd gofyn i chi feddwl am sut y byddech chi’n byw y gwerthoedd hyn tra’n gweithio gyda ni.
Os ydych yn weithiwr Gofal Iechyd proffesiynol cofrestredig sy'n ystyried adleoli i ardal Hywel Dda yng Ngorllewin Cymru, mae croeso i chi gysylltu â'n tim ymgyrchoedd recriwtio yn uniongyrchol drwy [email protected]
I gael gwybod am ein gweithgarwch recriwtio diweddaraf, dilynwch ni ar Facebook (Swyddi Hywel Dda Jobs), LinkedIn neu ar Twitter @SwyddiHDdaJobs
Sylwer bod ychwanegiad dros dro ar gyfer Bandiau 1,2 a 3 i adlewyrchu ymgorffori'r ychwanegiad i’r cyflog byw, sef £12 yr awr - £23,465 y flwyddyn. Bydd yr ychwanegiad dros dro hwn yn weithredol hyd nes y bydd y codiad cyflog blynyddol ar gyfer 2024/25 wedi’i gadarnhau.
Mae Bwrdd Iechyd Prifysgol Hywel Dda yn cadw'r hawl i gau swyddi gwag ar ôl 24 awr os derbynir nifer fawr o geisiadau addas. Rydym yn annog ceisiadau cynnar i sicrhau ystyriaeth am swydd.
Trosolwg o'r swydd
Mae gennym gyfle cyffrous yn ein Tîm Gwella Ansawdd a Thrawsnewid y Gwasanaeth, ac rydym yn chwilio am unigolion sydd â phrofiad o weithio ym maes gwella ansawdd yn barhaus.
Byddwch yn gweithio'n rhan o dîm dynamig ledled y pedwar safle acíwt yn Hywel Dda (gyda'r rhan fwyaf o'r amser yn cael ei dreulio yn Ysbyty Cyffredinol Glangwili ac Ysbyty Tywysog Philip), a hynny ar brosiectau penodol a bennir gan y Tîm Gwella Ansawdd a Thrawsnewid y Gwasanaeth.
Crynodeb Swydd/Pwrpas:
Cynorthwyo i ddatblygu a chyflawni prosiectau gwella a newid trawsnewidol gyda'r nod o sicrhau gofal o ansawdd uchel.
Cynorthwyo i ddatblygu cynlluniau prosiect/gwella fel y bo'n briodol, a chefnogi'r broses o weithredu tasgau penodol ar gyfer y Tîm Gwella Ansawdd a Thrawsnewid Gwasanaethau fel y'u dirprwyir.
Arwain y broses o brofi newidiadau trwy fethodoleg PDSA fel y bo'n briodol.
Y gallu i ddangos effaith fesuradwy prawf newid ac i gyfathrebu'r effaith hon.
Bydd y rôl hon yn cynnwys gweithredu ffyrdd newydd o weithio a fydd yn gofyn am ddealltwriaeth o broses newid ac o'r rolau sy'n ymwneud â'r broses hon.
Diben pwysicaf y rôl yw cefnogi'r gwaith o ddarparu gofal cleifion o'r ansawdd uchaf, trwy weithredoedd personol a gwelliant parhaus.
Advert
Yn gyfrifol am gefnogi'r broses o ddatblygu cynlluniau prosiect/gwella ar gyfer cyflawni prosiectau penodol yn y Tîm Gwella Ansawdd a Thrawsnewid y Gwasanaeth i'w gweithredu ledled y Bwrdd Iechyd.
Sicrhau bod prosiectau penodol a neilltuir yn bodloni cerrig milltir ac amserlenni allweddol.
Arwain, ysgogi, ymgysylltu ac arwain staff sy'n ymwneud â'r prosiect, gan sicrhau bod yna gyfathrebu rheolaidd, y ceir adborth, y cynhelir cyfarfodydd, y cedwir cofnodion, y cyflwynir adroddiadau priodol ac y rhoddir camau y cytunwyd arnynt ar waith.
Sicrhau bod yr holl randdeiliaid allweddol yn cael eu cynrychioli a’u cynnwys wrth i’r prosiect symud ymlaen, ac ystyried eu barn.
Dangos manteision prosiectau ar draws y Bwrdd Iechyd, ac adrodd yn rheolaidd ar y cynnydd trwy ddarparu adroddiadau a diweddariadau.
Canfod a chael dealltwriaeth lawn o gefndir y prosiect gan ddefnyddio amryw o strategaethau gwella.
Cefnogi unigolion a'r tîm i ymgymryd â phrosiectau gwella gan ddefnyddio methodolegau gwella cadarn.
Y gallu i flaenoriaethu a chynllunio llwyth gwaith yn annibynnol i fodloni terfynau amser, a hynny'n aml mewn amgylchedd dan bwysau.
Cynorthwyo i gynllunio a gweithredu allbwn y prosiect, gan sicrhau bod cyfathrebu effeithiol yn cael ei gynnal â staff clinigol a rheoli, a hynny er mwyn cynnal cydweithrediad llawn drwy gydol y prosiectau.
Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.
Gweithio i'n sefydliad
Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:
Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;
Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;
48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;
Lleoliadau niferus yn darparu gwasanaethau iechyd meddwl ac anableddau dysgu;
Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.
Swydd ddisgrifiad a phrif gyfrifoldebau manwl
Mae Bwrdd Iechyd Prifysgol Hywel Dda ar daith gyffrous iawn i wella ansawdd yn barhaus. Gydol y flwyddyn ddiwethaf, rydym wedi buddsoddi mewn datblygu ein set sgiliau a'n galluogrwydd i wneud gwahaniaeth gwirioneddol a chynaliadwy mewn ansawdd i ddefnyddwyr ein gwasanaethau, teuluoedd, gofalwyr a staff.
Mae cydweithredu â'r timau gweithredol a chlinigol, ynghyd â'r gallu i gyfathrebu'n effeithiol, yn hanfodol i'r rôl hon.
Bydd yr ymgeisydd llwyddiannus yn meddu ar sgiliau rhagorol o ran cyfathrebu, ysgogi a gwella ansawdd, a bydd hefyd yn gallu cefnogi'r timau i wella a sicrhau bod gofal cleifion wrth galon eu gwaith.
Mae hon yn swydd Bwrdd Iechyd led, sylfaen i'w gadarnhau yn dilyn apwyntiad.
Gellir dod o hyd i ddisgrifiad swydd llawn a manyleb y person ynghlwm yn y dogfennau ategol ar y tudalen hon.
Mae'r Bwrdd Iechyd yn ymrwymedig i gefnogi ei staff i gofleidio'r angen am ddwyieithrwydd, gan felly wella profiadau cleifion a defnyddwyr gwasanaethau. Yn rhan o'n hymrwymiad i gynyddu nifer y staff sy'n gallu cyfathrebu yn Gymraeg â chleifion a gweithwyr proffesiynol, rydym yn croesawu ceisiadau gan siaradwyr Cymraeg.
Mae'r gallu i gyfathrebu yn Gymraeg yn ddymunol ar gyfer y swydd hon. Os nad ydych yn bodloni'r gofynion a nodir o ran y Gymraeg, mae'r Bwrdd Iechyd yn cynnig amrywiaeth o opsiynau dysgu a chymorth i staff i'ch helpu i fodloni'r gofynion dymunol hyn yn ystod eich cyflogaeth gyda ni.
Cynhelir y cyfweliadu ar 09/08/2024.
Mae Bwrdd Iechyd Prifysgol Hywel Dda yn gweithredu polisi dwyieithog
‘Gwahoddir ymgeiswyr i wneud cais yn Gymraeg, ni fydd unrhyw gais a gyflwynir drwy gyfrwng y Gymraeg yn cael ei drin yn llai ffafriol na cheisiadau a wneir yn y Saesneg’.
Trwy gyflwyno eich cais i NHS Jobs/Trac, rydych yn gydsynio i elfennau o ddata eich cais gael eu trosglwyddo i Gofnod Staff Electronig (ESR) y GIG a systemau diogel, mewnol Gweithlu’r GIG er mwyn cefnogi a rheoli eich recriwtio a’ch cyflogaeth o fewn y sefydliad sy’n eich cyflogi; i’w defnyddio gan yr adran Recriwtio at ddibenion gwirio eich Cofrestriad Proffesiynol ar-lein (lle bo’n briodol).
Mae’r prosesau hyn yn unol â phrosesu Teg a Chyfreithlon yn unol â Deddfwriaeth Diogelu Data cyfredol yn enwedig y rhai hynny mewn perthynas â’ch data personol neu bersonol sensitif (diffinir data personol sensitif fel unrhyw gyflwr iechyd meddwl neu gorfforol, tarddiad hiliol neu ethnig, cyfeiriadedd rhywiol, aelodaeth undeb llafur, barn wleidyddol neu gred crefyddol datganedig). Fel sefydliad, rydym yn sicrhau bod y ddeddfwriaeth sy’n diffinio cyfrinachedd yn cael ei dilyn megis y defnydd o ddata at ddibenion penodol, diffiniedig, a defnydd o ddata sy’n berthnasol ac nid yn ormodol wrth ymarfer cywirdeb data a diogelwch yr holl wybodaeth bersonol adnabyddadwy a gedwir.
Os cewch eich penodi’n llwyddiannus, trwy lenwi’r ffurflen gais rydych yn awdurdodi’r BIP i gael unrhyw fanylion gwasanaeth blaenorol i’r GIG yn cynnwys yr holl wybodaeth ar salwch a gedwir yn electronig, trwy’r broses Trosglwyddo Rhyng-awdurdod ar y Cofnod Staff Electronig.
I weithio yn y DU, mae angen nawdd ar bob ymgeisydd nad yw'n wladolyn o'r DU neu Weriniaeth Iwerddon i gael naill ai fisa Gweithiwr Iechyd a Gofal neu fisa Gweithiwr Medrus, oni bai bod gennych ganiatâd i weithio trwy lwybr arall. Dylai ymgeiswyr nad ydynt yn rhan o'r DU/Gweriniaeth Iwerddon sy'n dymuno gwneud cais hunanasesu'u tebygolrwydd o gael Tystysgrif Nawdd trwy ymweld â gwefan Fisâu a Mewnfudo'r DU. Os ydych chi'n gymwys i gael y fisa Iechyd a Gofal, mae'r costau ymgeisio yn is ac nid oes angen i chi dalu Gordal Iechyd Mewnfudo blynyddol.
Gofynion yr ymgeisydd
Mae sgiliau iaith Gymraeg yn ddymunol
Manyleb y person
Profiad
Meini prawf hanfodol
- Profiad o weithio yn y GIG
- Profiad o weithio mewn tîm amlddisgyblaeth
- Profiad o reoli newid
- Profiad o hyfforddi staff a rhoi cymorth iddynt ddatblygu
- Profiad o sicrhau bod staff yn mynd ati i gymryd rhan mewn mentrau trawsnewid/gwella
Meini prawf dymunol
- Profiad blaenorol o weithio mewn amgylchedd gwella prosiect, ac o werthuso prosiectau
- Profiad o arwain a rheoli mentrau/prosiectau gwella a chyflawni buddion a nodir
- Profiad o hyfforddi staff a rhoi cymorth iddynt ddatblygu
Sgiliau Iaith
Meini prawf dymunol
- Siaradwr Cymraeg (Lefel 1)
Qualifications & Knowledge
Meini prawf hanfodol
- Cymhwyster level gradd mewn maes cysylltiedig neu brofiad perthnasol
- Gwybodaeth am berfformiad presennol y GIG a mentrau a thargedau gwella gwasanaethau
- Deall y model ar gyfer gwella, ailgynllunio prosesau a rheoli newid
- IQT Efydd
- Tystiolaeth o ddatblygiad proffesiynol parhaus
- Gwybodaeth ymarferol o becynnau microsoft office
Meini prawf dymunol
- IQT Arian
- Gwybodaeth am fethodolegau rheoli prosiectau
Other
Meini prawf hanfodol
- Y gallu i deithio rhwng safleoedd mewn modd amserol
- Ymagwedd hyblyg at anghenion y gwasanaeth
Rhagor o fanylion / cyswllt ar gyfer ymweliadau anffurfiol
- Enw
- Claire Rawlinson
- Teitl y swydd
- Quality Improvement Practitioner
- Cyfeiriad ebost
- [email protected]
- Rhif ffôn
- 07484 887743
- Gwybodaeth i gefnogi eich cais
Sian Hopkins
07854 165777
Dechrau eich cais
Rhaid ichi fewngofnodi i gyfrif Trac cyn y gallwch wneud cais am y swydd hon.
Mewngofnodi
Creu cyfrif
Creu eich cyfrif a gwneud cais am eich swydd newydd!