Mae Trac yn falch o bweru recriwtio ar gyfer
Bwrdd Iechyd Prifysgol Hywel Dda
![Bwrdd Iechyd Prifysgol Hywel Dda logo](https://static.trac.jobs/employer-logos/369.png)
Gwybodaeth
Mae Bwrdd Iechyd Prifysgol Hywel Dda yn darparu gwasanaethau gofal iechyd i boblogaeth o tua 372,320 ar draws Sir Gaerfyrddin, Ceredigion a Sir Benfro. Mae'n darparu gwasanaethau Acìwt, Sylfaenol, Cymunedol, Iechyd Meddwl ac Anableddau Dysgu trwy Ysbytai Cyffredinol a Chymunedol, Canolfannau Iechyd, Meddygfeydd Teulu, Deintyddion, Fferyllfeydd, Optometryddion a safleoedd eraill.
Seicolegydd Clinigol (S-CAMHS)
Accepting applications until: 28-Jul-2024 23:59
Statws y swydd wag: Open
Accepting applications until: 28-Jul-2024 23:59
Manylion allweddol
Lleoliad
- Gwefan
- Canolfan Preseli, Ysbyty Cyffredinol Llwynhelyg
- Tref
- Hwlffordd
- Cod post
- SA61 2PZ
- Major / Minor Region
- Sir Gaerfyrddin
Math o gontract a phatrwm gwaith
- Contract
- Parhaol
- Oriau
- Llawnamser
- Rhan-amser
Cyflog
- Cyflog
- £51,706 - £58,210 y flwyddyn (pro rata os rhan-amser)
- Cyfnod cyflog
- Yn flynyddol
- Gradd
- (Gradd 8a/ Atodiad 21)
Arbenigedd
- Prif leoliad
- Gwasanaethau Iechyd Meddwl Plant a Phobl Ifanc Arbenigol
- Dyddiad y cyfweliad
- 06/08/2024
Mae gwerthoedd Hywel Dda yn adlewyrchu pwy ydym ni a sut yr ydym yn ymddwyn. Rydym yn cyd-weithio’n barhaus i fod y gorau allwn fod wrth i ni ymdrechu i ddatblygu a darparu gwasanaethau rhagorol, gan roi pobl wrth galon popeth a wnawn. Trwy gydol ein proses recriwtio bydd gofyn i chi feddwl am sut y byddech chi’n byw y gwerthoedd hyn tra’n gweithio gyda ni.
Os ydych yn weithiwr Gofal Iechyd proffesiynol cofrestredig sy'n ystyried adleoli i ardal Hywel Dda yng Ngorllewin Cymru, mae croeso i chi gysylltu â'n tim ymgyrchoedd recriwtio yn uniongyrchol drwy [email protected]
I gael gwybod am ein gweithgarwch recriwtio diweddaraf, dilynwch ni ar Facebook (Swyddi Hywel Dda Jobs), LinkedIn neu ar Twitter @SwyddiHDdaJobs
Sylwer bod ychwanegiad dros dro ar gyfer Bandiau 1,2 a 3 i adlewyrchu ymgorffori'r ychwanegiad i’r cyflog byw, sef £12 yr awr - £23,465 y flwyddyn. Bydd yr ychwanegiad dros dro hwn yn weithredol hyd nes y bydd y codiad cyflog blynyddol ar gyfer 2024/25 wedi’i gadarnhau.
Mae Bwrdd Iechyd Prifysgol Hywel Dda yn cadw'r hawl i gau swyddi gwag ar ôl 24 awr os derbynir nifer fawr o geisiadau addas. Rydym yn annog ceisiadau cynnar i sicrhau ystyriaeth am swydd.
Trosolwg o'r swydd
Rydym yn awyddus i recriwtio Seicolegydd Clinigol Band 8a llawn-amser i un o'n timau ardal S-CAMHS prysur a chyfeillgar ym Mwrdd Iechyd Prifysgol Hywel Dda.
Mae'r tîm ardal y mae'r swydd hon yn rhan ohono yn gwasanaethu Sir Benfro, ac mae wedi'i leoli yn Hwlffordd.
Mae'r swydd yn cael ei hysbysebu ar Fand 8a; fodd bynnag, anogir ymgeiswyr nad ydynt ar hyn o bryd yn bodloni'r gofynion o ran y sgiliau a'r cymwyseddau, i wneud cais ac, os byddant yn llwyddiannus, fe'u penodir yn unol â Threfniadau'r Agenda ar gyfer Newid mewn perthynas â Thaliadau a Bandio Hyfforddeion – Atodiad 21 (mae rhagor o wybodaeth ar gael yn nes ymlaen yn yr hysbyseb).
Mae 90% o'r bobl sydd wedi dilyn y broses hon wedi cyrraedd Band 8a ar ôl 12 mis. Felly, dyma gyfle gwych i seicolegydd newydd gymhwyso sy'n dymuno datblygu ei yrfa.
Cliciwch ar y ddolen i glywed gan ein staff seicoleg ein hunain am weithio gyda ni: Ymgyrch Recriwtio y Gwasanaeth Seicoleg (youtube.com)
Mae'r sir yn lle prydferth i fyw ynddo, yn enwedig ar gyfer y rheiny sy'n mwynhau gweithgareddau awyr agored. Ystyrir ceisiadau gan ymgeiswyr sy'n dymuno gweithio oriau llawn-amser neu ran-amser. Os oes gennych unrhyw ymholiadau, cysylltwch â Dr Andrea Mowthorpe, yr Arweinydd Seicoleg yn S-CAMHS: Rhif Ffôn: 01437 773774 neu e-bost: [email protected]
Advert
Bydd yr ymgeisydd llwyddiannus yn gyfrifol am ddarparu Seicoleg yn y tîm amlddisgyblaethol, yn ogystal â goruchwylio Seicolegwyr Cynorthwyol. Bydd yn rhan o dîm amlddisgyblaethol egnïol sy'n rhoi gwerth ar ei gyd-weithwyr sy'n gweithio ym maes Seicoleg. Bydd y dyletswyddau clinigol yn cynnwys cyflawni gwaith sy'n ymwneud â Dewis a Phartneriaeth, a gwaith Penodol, o fewn fframwaith Mesur Iechyd Meddwl (2010). Anogir diddordebau arbennig pan fo hynny'n bosibl, ac mae yna gyfleoedd rheolaidd i fod yn rhan o ddatblygiadau newydd o ran y gwasanaeth a hyfforddiant.
Mae ein gwasanaeth wedi bod yn ffodus dros y blynyddoedd, a chafwyd llawer o gyfleoedd i hyfforddi mewn dulliau therapiwtig gwahanol e.e. Dadsensiteiddio ac Ailbrosesu Symudiadau'r Llygaid (EMDR). Mae yna gysylltiadau cryf â'n gwasanaethau arbenigol o fewn S-CAMHS, e.e. y Gwasanaeth Therapi Ymddygiad Dialectig (DBT), y Gwasanaeth Anhwylderau Bwyta, a'r Gwasanaeth Seicoleg Fforensig. Mae gan ein Hadran Seicoleg nifer dda o staff ac mae'n gefnogol. Mae’n cynnwys seicolegwyr ym meysydd S-CAMHS, Iechyd Meddwl Amenedigol, Ymyriad Cynnar ar gyfer Seicosis, a’r Tîm Niwroddatblygiadol.
Ar hyn o bryd rydym yn cyflawni camau gweithredu yn dilyn y gwaith diweddar a wnaed gennym ar ein Gwerthoedd Seicoleg fel bod ein hadran yn symud ymlaen yn barhaus yn unol â'n gwerthoedd.
Mae gennym gysylltiadau cryf â chwrs hyfforddi Doethuriaeth mewn Seicoleg Glinigol De Cymru, ac rydym yn croesawu hyfforddeion ar leoliad.
Gweithio i'n sefydliad
Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:
- Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;
- Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;
- 48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;
- Lleoliadau niferus yn darparu gwasanaethau iechyd meddwl ac anableddau dysgu;
• Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.
Swydd ddisgrifiad a phrif gyfrifoldebau manwl
Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac.
Cynhelir y cyfweliadu ar 06/08/24
Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.
Mae Bwrdd Iechyd Prifysgol Hywel Dda yn gweithredu polisi dwyieithog
‘Gwahoddir ymgeiswyr i wneud cais yn Gymraeg, ni fydd unrhyw gais a gyflwynir drwy gyfrwng y Gymraeg yn cael ei drin yn llai ffafriol na cheisiadau a wneir yn y Saesneg’.
Trwy gyflwyno eich cais i NHS Jobs/Trac, rydych yn gydsynio i elfennau o ddata eich cais gael eu trosglwyddo i Gofnod Staff Electronig (ESR) y GIG a systemau diogel, mewnol Gweithlu’r GIG er mwyn cefnogi a rheoli eich recriwtio a’ch cyflogaeth o fewn y sefydliad sy’n eich cyflogi; i’w defnyddio gan yr adran Recriwtio at ddibenion gwirio eich Cofrestriad Proffesiynol ar-lein (lle bo’n briodol).
Mae’r prosesau hyn yn unol â phrosesu Teg a Chyfreithlon yn unol â Deddfwriaeth Diogelu Data cyfredol yn enwedig y rhai hynny mewn perthynas â’ch data personol neu bersonol sensitif (diffinir data personol sensitif fel unrhyw gyflwr iechyd meddwl neu gorfforol, tarddiad hiliol neu ethnig, cyfeiriadedd rhywiol, aelodaeth undeb llafur, barn wleidyddol neu gred crefyddol datganedig). Fel sefydliad, rydym yn sicrhau bod y ddeddfwriaeth sy’n diffinio cyfrinachedd yn cael ei dilyn megis y defnydd o ddata at ddibenion penodol, diffiniedig, a defnydd o ddata sy’n berthnasol ac nid yn ormodol wrth ymarfer cywirdeb data a diogelwch yr holl wybodaeth bersonol adnabyddadwy a gedwir.
Os cewch eich penodi’n llwyddiannus, trwy lenwi’r ffurflen gais rydych yn awdurdodi’r BIP i gael unrhyw fanylion gwasanaeth blaenorol i’r GIG yn cynnwys yr holl wybodaeth ar salwch a gedwir yn electronig, trwy’r broses Trosglwyddo Rhyng-awdurdod ar y Cofnod Staff Electronig.
I weithio yn y DU, mae angen nawdd ar bob ymgeisydd nad yw'n wladolyn o'r DU neu Weriniaeth Iwerddon i gael naill ai fisa Gweithiwr Iechyd a Gofal neu fisa Gweithiwr Medrus, oni bai bod gennych ganiatâd i weithio trwy lwybr arall. Dylai ymgeiswyr nad ydynt yn rhan o'r DU/Gweriniaeth Iwerddon sy'n dymuno gwneud cais hunanasesu'u tebygolrwydd o gael Tystysgrif Nawdd trwy ymweld â gwefan Fisâu a Mewnfudo'r DU. Os ydych chi'n gymwys i gael y fisa Iechyd a Gofal, mae'r costau ymgeisio yn is ac nid oes angen i chi dalu Gordal Iechyd Mewnfudo blynyddol.
Gofynion yr ymgeisydd
Rhaid bod gennych gofrestriad proffesiynol priodol yn y DU.
Mae'r swydd hon yn ddarostyngedig i Orchymyn Deddf Adsefydlu Troseddwyr 1974 (Eithriadau) 1975 (Diwygio) (Cymru a Lloegr) 2020 a bydd angen cyflwyno Datgeliad i'r Gwasanaeth Datgelu a Gwahardd.
Mae sgiliau iaith Gymraeg yn ddymunol
Manyleb y person
Cymwysterau a Gwybodaeth
Meini prawf hanfodol
- Ymarferydd Seicoleg Cofrestredig gyda'r Cyngor Proffesiynau Iechyd a Gofa
- Hyfforddiant ar lefel doethuriaeth mewn seicoleg glinigol neu gwnsela, gan gynnwys seicopatholeg, dau neu fwy o therapïau seicolegol gwahanol, a seicoleg ddatblygiadol hyd oes fel y'u hachredir gan Gymdeithas Seicolegol Prydain
- Gwybodaeth am seicometreg, gweinyddiaeth briodol a chyfyngiadau.
- Hyfforddiant ôl-gymhwyso mewn o leiaf un maes sy'n berthnasol i'r swydd
- Hyfforddiant a phrofiad arbenigol ychwanegol
Meini prawf dymunol
- Hyfforddiant ôl-gymhwyso a chymwysterau mewn methodoleg ymchwil, hyfforddiant staff a/neu feysydd eraill seicoleg gymhwyso
Profiad
Meini prawf hanfodol
- Profiad o asesiadau seicolegol arbenigol ac o drin cleientiaid ledled yr amrywiaeth lawn o leoliadau gofal, gan gynnwys cleifion allanol, y gymuned, gofal sylfaenol, a chleifion mewnol
- Profiad o asesiadau seicolegol arbenigol (ôl-gymhwyso) sy'n ymgorffori seicometreg ac asesu gwybyddol
- Profiad o weithio gyda phlant a phobl ifanc.
- Profiad o weithio gydag amrywiaeth eang o grwpiau cleientiaid ar hyd llwybr bywyd, gyda'r bobl hyn yn amlygu problemau sy'n adlewyrchu'r ystod lawn o ddifrifoldeb clinigol
- Profiad ôl-gymhwyso o weithio gyda phlant a phobl ifanc a/neu iechyd meddwl
Meini prawf dymunol
- Profiad ôl-gymhwyso o weithio gyda phlant a phobl ifanc.
- Profiad o addysgu, hyfforddi a goruchwylio
- Profiad o gymhwyso seicoleg glinigol mewn cyd-destunau diwylliannol gwahanol
Sgiliau Iaith
Meini prawf dymunol
- Siaradwr Cymraeg (Lefel 1)
Rhagor o fanylion / cyswllt ar gyfer ymweliadau anffurfiol
- Enw
- Andrea Mowthorpe
- Teitl y swydd
- Lead for Psychology - SCAMHS
- Cyfeiriad ebost
- [email protected]
- Rhif ffôn
- 01437 773774
- Gwybodaeth i gefnogi eich cais
Dechrau eich cais
Rhaid ichi fewngofnodi i gyfrif Trac cyn y gallwch wneud cais am y swydd hon.
Mewngofnodi
Creu cyfrif
Creu eich cyfrif a gwneud cais am eich swydd newydd!