Mae Trac yn falch o bweru recriwtio ar gyfer
Bwrdd Iechyd Prifysgol Hywel Dda
Gwybodaeth
Mae Bwrdd Iechyd Prifysgol Hywel Dda yn darparu gwasanaethau gofal iechyd i boblogaeth o tua 372,320 ar draws Sir Gaerfyrddin, Ceredigion a Sir Benfro. Mae'n darparu gwasanaethau Acìwt, Sylfaenol, Cymunedol, Iechyd Meddwl ac Anableddau Dysgu trwy Ysbytai Cyffredinol a Chymunedol, Canolfannau Iechyd, Meddygfeydd Teulu, Deintyddion, Fferyllfeydd, Optometryddion a safleoedd eraill.
Uwch-reolwr Nyrsio (Gofal heb ei Drefnu)
Accepting applications until: 06-Aug-2024 23:59
Statws y swydd wag: Open
Accepting applications until: 06-Aug-2024 23:59
Manylion allweddol
Lleoliad
- Gwefan
- Ysbyty Cyffredinol Bronglais
- Tref
- Aberystwyth
- Cod post
- SY23 1ER
- Major / Minor Region
- Sir Gaerfyrddin
Math o gontract a phatrwm gwaith
- Contract
- Parhaol
- Oriau
- Llawnamser - 37.5 awr yr wythnos
Cyflog
- Cyflog
- £51,706 - £58,210 y flwyddyn
- Cyfnod cyflog
- Yn flynyddol
- Gradd
- (Gradd 8a)
Arbenigedd
- Prif leoliad
- Gofal heb ei Drefnu
- Dyddiad y cyfweliad
- 20/08/2024
Mae gwerthoedd Hywel Dda yn adlewyrchu pwy ydym ni a sut yr ydym yn ymddwyn. Rydym yn cyd-weithio’n barhaus i fod y gorau allwn fod wrth i ni ymdrechu i ddatblygu a darparu gwasanaethau rhagorol, gan roi pobl wrth galon popeth a wnawn. Trwy gydol ein proses recriwtio bydd gofyn i chi feddwl am sut y byddech chi’n byw y gwerthoedd hyn tra’n gweithio gyda ni.
Os ydych yn weithiwr Gofal Iechyd proffesiynol cofrestredig sy'n ystyried adleoli i ardal Hywel Dda yng Ngorllewin Cymru, mae croeso i chi gysylltu â'n tim ymgyrchoedd recriwtio yn uniongyrchol drwy [email protected]
I gael gwybod am ein gweithgarwch recriwtio diweddaraf, dilynwch ni ar Facebook (Swyddi Hywel Dda Jobs), LinkedIn neu ar Twitter @SwyddiHDdaJobs
Sylwer bod ychwanegiad dros dro ar gyfer Bandiau 1,2 a 3 i adlewyrchu ymgorffori'r ychwanegiad i’r cyflog byw, sef £12 yr awr - £23,465 y flwyddyn. Bydd yr ychwanegiad dros dro hwn yn weithredol hyd nes y bydd y codiad cyflog blynyddol ar gyfer 2024/25 wedi’i gadarnhau.
Mae Bwrdd Iechyd Prifysgol Hywel Dda yn cadw'r hawl i gau swyddi gwag ar ôl 24 awr os derbynir nifer fawr o geisiadau addas. Rydym yn annog ceisiadau cynnar i sicrhau ystyriaeth am swydd.
Trosolwg o'r swydd
Diben rôl yr Uwch-reolwr Nyrsio yw darparu arweinyddiaeth a rheolaeth
broffesiynol mewn perthynas â'r adnoddau nyrsio ledled yr arbenigeddau Gofal Heb ei Drefnu.
Bydd hyn yn cynnwys:
Sicrhau arweinyddiaeth broffesiynol effeithiol i reolwyr adrannau a staff yn yr arbenigeddau hynny er mwyn sicrhau'r safonau uchaf o ofal clinigol;
Darparu arweiniad a chyfarwyddyd i'r holl nyrsys cofrestredig ac anghofrestredig sy'n gweithio ym maes darparu arbenigeddau Gofal Heb ei Drefnu;
Gofalu bod y gwasanaethau cymorth priodol ar gael;
Sicrhau gwasanaeth o ansawdd, a chynnal safon uchel o ran rheoli heintiau;
Darparu presenoldeb hygyrch a chefnogol y gall cleifion a'u teuluoedd fynd ato am gymorth, cyngor a chefnogaeth ac i ddatrys pryderon yn gynnar.
Bydd deiliad y swydd yn arweinydd hygred ac yn meddu ar y gallu i rymuso a meithrin nyrsys sy'n gweithio yn yr amgylchedd clinigol, a bydd yn atebol am safonau nyrsio proffesiynol.
Ar y lefel hon, disgwylir i ddeiliad y swydd weithio'n annibynnol a darparu cyngor tra arbenigol i gyd-weithwyr er mwyn sicrhau bod amcanion y gwasanaeth, ynghyd â'r amcanion o ran ansawdd a pherfformiad, yn cael eu cyflawni. Mae hyn yn cynnwys cefnogi systemau ar gyfer proses ailddilysu y Cyngor Nyrsio a Bydwreigiaeth, a rheoli perfformiad unigolion a thimau nyrsio o ran eu hatebolrwydd am safon a diogelwch y gofal cleifion.
Advert
Cyfarwyddo, arwain ac ysgogi nyrsys a staff eraill, gan weithio yn y timau a reolir er mwyn sicrhau safon uchel o broffesiynoldeb, effeithlonrwydd ac effeithiolrwydd o ran darparu gwasanaeth, a sicrhau bod y gweithgarwch yn cyd-fynd â chynlluniau a strategaethau'r Bwrdd Iechyd;
Bod yn ffocws cychwynnol ar gyfer yr holl bryderon sy'n codi mewn arbenigeddau Gofal Heb ei Drefnu, yn ogystal ag ar gyfer materion proffesiynol/gweithredol sy'n codi o ddydd i ddydd, a bod yn gyfrifol am reoli'r staff nyrsio a'r adnoddau yn y timau dynodedig;
Ymgymryd â'r gwaith o hyfforddi, mentora, cynllunio adnoddau, gosod safonau, rheoli perfformiad a datblygu timau ac unigolion, a hynny er mwyn sicrhau bod diwylliant o welliant parhaus a rhagoriaeth broffesiynol yn amlwg yn yr ysbyty;
Gweithio gyda chyd-weithwyr uwch i baratoi dogfennaeth gais ar gyfer unrhyw gynlluniau i ddatblygu'r ystad a gofynion o ran cyfarpar a ariennir gan gyfalaf yn ôl disgresiwn;
Paratoi adroddiadau dadansoddol clir a chryno ar amrywiaeth eang o faterion cymhleth, gan lunio dadleuon cymhellol a rhesymegol yn aml, yn seiliedig ar eich asesiad eich hun o'r opsiynau, a chynnig argymhellion cryf i'r achos, fel y bo'n briodol;
Gweithio yn unol â'r strategaeth a pholisi cenedlaethol/lleol ac o fewn canllawiau proffesiynol, gan eu dehongli i lywio'r gwaith o ddatblygu polisi lleol a gwella arfer.
Gweithio i'n sefydliad
Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:
Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;
Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;
48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;
Lleoliadau niferus yn darparu gwasanaethau iechyd meddwl ac anableddau dysgu;
Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.
Swydd ddisgrifiad a phrif gyfrifoldebau manwl
Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.
Cynhelir y cyfweliadau ar 20/08/2024
Mellir dod o hyd i ddisgrifiad swydd llawn a manyleb y person ynghlwm yn y dogfennau ategol ar y tudalen hon.
https://youtu.be/9wTeZD4cQOw |
https://youtu.be/v5HCZuYR42w |
https://youtu.be/OgnuYER_XlA |
Mae'r Bwrdd Iechyd yn ymrwymedig i gefnogi ei staff i gofleidio'r angen am ddwyieithrwydd, gan felly wella profiadau cleifion a defnyddwyr gwasanaethau. Yn rhan o'n hymrwymiad i gynyddu nifer y staff sy'n gallu cyfathrebu yn Gymraeg â chleifion a gweithwyr proffesiynol, rydym yn croesawu ceisiadau gan siaradwyr Cymraeg.
Mae'r gallu i gyfathrebu yn Gymraeg yn ddymunol ar gyfer y swydd hon. Os nad ydych yn bodloni'r gofynion a nodir o ran y Gymraeg, mae'r Bwrdd Iechyd yn cynnig amrywiaeth o opsiynau dysgu a chymorth i staff i'ch helpu i fodloni'r gofynion dymunol hyn yn ystod eich cyflogaeth gyda ni.
Mynediad ar unwaith i’n budd llesiant ariannol – Wagestream. Mae Wagestream yn adnodd ar gyfer bywyd bob dydd sy’n eich caniatáu i gael eich talu eich ffordd eich hun, a olrain eich cyflog mewn amser real, ffrydio hyd at 50% o’r cyflog rydych wedi ennill yn barod, dysgu awgrymiadau hawdd i reoli eich arian yn well ac arbed eich tâl yn syth o’ch cyflog.
Mae Bwrdd Iechyd Prifysgol Hywel Dda yn gweithredu polisi dwyieithog
‘Gwahoddir ymgeiswyr i wneud cais yn Gymraeg, ni fydd unrhyw gais a gyflwynir drwy gyfrwng y Gymraeg yn cael ei drin yn llai ffafriol na cheisiadau a wneir yn y Saesneg’.
Trwy gyflwyno eich cais i NHS Jobs/Trac, rydych yn gydsynio i elfennau o ddata eich cais gael eu trosglwyddo i Gofnod Staff Electronig (ESR) y GIG a systemau diogel, mewnol Gweithlu’r GIG er mwyn cefnogi a rheoli eich recriwtio a’ch cyflogaeth o fewn y sefydliad sy’n eich cyflogi; i’w defnyddio gan yr adran Recriwtio at ddibenion gwirio eich Cofrestriad Proffesiynol ar-lein (lle bo’n briodol).
Mae’r prosesau hyn yn unol â phrosesu Teg a Chyfreithlon yn unol â Deddfwriaeth Diogelu Data cyfredol yn enwedig y rhai hynny mewn perthynas â’ch data personol neu bersonol sensitif (diffinir data personol sensitif fel unrhyw gyflwr iechyd meddwl neu gorfforol, tarddiad hiliol neu ethnig, cyfeiriadedd rhywiol, aelodaeth undeb llafur, barn wleidyddol neu gred crefyddol datganedig). Fel sefydliad, rydym yn sicrhau bod y ddeddfwriaeth sy’n diffinio cyfrinachedd yn cael ei dilyn megis y defnydd o ddata at ddibenion penodol, diffiniedig, a defnydd o ddata sy’n berthnasol ac nid yn ormodol wrth ymarfer cywirdeb data a diogelwch yr holl wybodaeth bersonol adnabyddadwy a gedwir.
Os cewch eich penodi’n llwyddiannus, trwy lenwi’r ffurflen gais rydych yn awdurdodi’r BIP i gael unrhyw fanylion gwasanaeth blaenorol i’r GIG yn cynnwys yr holl wybodaeth ar salwch a gedwir yn electronig, trwy’r broses Trosglwyddo Rhyng-awdurdod ar y Cofnod Staff Electronig.
I weithio yn y DU, mae angen nawdd ar bob ymgeisydd nad yw'n wladolyn o'r DU neu Weriniaeth Iwerddon i gael naill ai fisa Gweithiwr Iechyd a Gofal neu fisa Gweithiwr Medrus, oni bai bod gennych ganiatâd i weithio trwy lwybr arall. Dylai ymgeiswyr nad ydynt yn rhan o'r DU/Gweriniaeth Iwerddon sy'n dymuno gwneud cais hunanasesu'u tebygolrwydd o gael Tystysgrif Nawdd trwy ymweld â gwefan Fisâu a Mewnfudo'r DU. Os ydych chi'n gymwys i gael y fisa Iechyd a Gofal, mae'r costau ymgeisio yn is ac nid oes angen i chi dalu Gordal Iechyd Mewnfudo blynyddol.
Gofynion yr ymgeisydd
Rhaid bod gennych gofrestriad proffesiynol priodol yn y DU.
Mae'r swydd hon yn ddarostyngedig i Orchymyn Deddf Adsefydlu Troseddwyr 1974 (Eithriadau) 1975 (Diwygio) (Cymru a Lloegr) 2020 a bydd angen cyflwyno Datgeliad i'r Gwasanaeth Datgelu a Gwahardd.
Mae sgiliau iaith Gymraeg yn ddymunol
Manyleb y person
Cymwysterau a Gwybodaeth
Meini prawf hanfodol
- Nyrs Gofrestredig Lefel 1 a chofrestriad cyfredol gyda'r Cyngor Nyrsio a Bydwreigiaeth
- MSc mewn Nyrsio neu brofiad cyfatebol
- Cyrsiau ol-raddedig perthnasol a/neu brofiad mewn arbenigeddau sy'n ymwneud a'r swydd
- Tystiolaeth o ddatblygu rheolaeth yn barhaus
- Yn meddu ar gymhwyster rheoli cydnabyddedig neu brofiad amlwg cyfatebol
- Yn meddu ar wybodaeth am fethodolegau gwella ansawdd
- Yn meddu ar wybodaeth am bolisiau a materion cyfredol o ran arfer proffesiynol, cydymffurfedd, safonau a'r GIG yn ehangach, ynghyd a dealltwriaeth ohonynt
- Yn meddu ar ddealltwriaeth drylwyr o'r rol a'i diben yn y sefydliad
Meini prawf dymunol
- Gwella Ansawdd Gyda'n Gilydd (IQT Efydd/Arian)
Profiad
Meini prawf hanfodol
- Profiad o ddatblygu ymarfer
- Rhaid meddu ar brofiad o rol rheolaeth ganol yn sector aciwt y GIG
- Rhaid meddu ar brofiad o reoli newid
- Rhaid meddu ar brofiad profedig o arweinyddiaeth glinigol ar lefel uwch-reolwr
- Y gallu i reoli gwariant yn unol a chyllideb a datblygu dulliau rheoli digonol i wneud hynny
- Rhaid meddu ar brofiad uniongyrchol o newid mawr i wasanaeth a sefydliad, ynghyd a gwybodaeth am sut i lywio gwasanaeth trwy raglen newid lwyddiannus
- Profiad o reoli staff a gweithio gydag Undebau Llafur/gyda chynrychiolwyr staff
Sgiliau Iaith
Meini prawf hanfodol
- Rhaid meddu ar empathi tuag at nodau Deddf yr Iaith Gymraeg, a'u cefnogi
Meini prawf dymunol
- Y gallu i siarad Cymraeg/dirnadaeth o'r Gymraeg
- Welsh Speaker (Level 1)
Rhagor o fanylion / cyswllt ar gyfer ymweliadau anffurfiol
- Enw
- Dawn Jones
- Teitl y swydd
- Head of Nursing
- Cyfeiriad ebost
- [email protected]
- Rhif ffôn
- 01970 635846
Dechrau eich cais
Rhaid ichi fewngofnodi i gyfrif Trac cyn y gallwch wneud cais am y swydd hon.
Mewngofnodi
Creu cyfrif
Creu eich cyfrif a gwneud cais am eich swydd newydd!