CT Lead Radiographer

Swydd ddisgrifiad a phrif gyfrifoldebau manwl

Rheoli

·       Rheoli tîm amlddisgyblaethol i gefnogi datblygu a darparu gwasanaethau. Datblygu'r gwasanaeth CT yn GUH gan gymryd i ystyriaeth galwadau cymhleth lluosog ac adnoddau a reolir yn briodol.

·       Sefydlu dulliau newydd o weithio yn GUH sy'n gofyn am lunio polisïau a gweithdrefnau a datblygu prosesau i ddiwallu'r angen clinigol.

·       Sicrhau bod y staff CT yn darparu awyrgylch croesawgar i gleifion, perthnasau ac aelodau eraill o staff.

·       Rheoli’r defnydd effeithiol o staff CT ar draws y Bwrdd Iechyd, gan reoli absenoldeb oherwydd salwch yn unol â pholisi’r Bwrdd Iechyd.

·       Rheoli pryderon staff CT a rheoli'r tîm yn effeithlon.

·       Cyfathrebu'n effeithiol gyda'r holl ddarparwyr gwasanaeth, gan ymdrin â gwybodaeth dechnegol gymhleth a meddu ar y gallu i gyfathrebu hyn yn effeithiol i aelodau eraill o staff.

·       Sicrhau bod deddfwriaeth Ymbelydredd ac Iechyd a Diogelwch yn cael ei rheoli'n effeithiol.

·       Gweithio'n effeithiol a chyflwyno gofynion y gwasanaeth i'r uwch reolwyr gan ystyried targedau ac argaeledd sganio er mwyn galluogi'r tîm rheoli i lunio a llywio'r cynllunio strategol ar gyfer gwasanaeth CT, gan gynnwys y gweithlu, hyfforddiant a chyfalaf.

·       Rheoli newid gyda'r staff CT yn unol â gofynion datblygiad gwasanaeth, gan alluogi rheolaeth weithredol dda a sicrhau bod targedau'n cael eu cyrraedd. Cymryd cyfrifoldeb am ddatrys meysydd sy’n gwrthdaro a all godi o ganlyniad.

·       Bod yn gyfrifol am ddatblygu ac ymarfer rhaglenni Safon Ansawdd a sicrhau bod cofnodion SA yn cael eu cynnal.

·       Cydymffurfio â monitro sy'n gysylltiedig â pherfformiad a chymryd rhan mewn archwiliadau ac adolygiadau rheolaidd a wneir o fewn CT.

·       Meddu ar y gallu i asesu’r ystod gyfan o alwadau ar y gwasanaethau CT a gwneud dyfarniadau a phenderfyniadau mewn perthynas â materion staffio a materion gweithredol cymhleth er mwyn sicrhau bod y ddarpariaeth yn bodloni’r galw am wasanaethau

·       Rheoli darpariaeth y sganwyr i sicrhau gofal rhagorol i gleifion

·       Sicrhau bod digwyddiadau a chamgymeriadau yn cael eu hadrodd, eu hymchwilio a sicrhau bod yr holl staff yn dysgu o ddigwyddiadau o'r fath.

·       Sicrhau bod yr offer yn cael gofal da a rhoi gwybod am unrhyw ddiffygion neu broblemau i'r asiantaeth briodol fel y gallant eu cywiro.

·       Darparu data perfformiad yn ôl yr angen a sicrhau lefel waith effeithiol.

·       Monitro defnydd diogel ac effeithiol o'r holl adnoddau.
Sicrhau yr ymdrinnir â phob digwyddiad, digwyddiad fu bron a digwydd, damwain a digwyddiad anffafriol arall yn unol â pholisi cyfredol.

·       Datrys unrhyw gwynion gan gleifion a staff ac adrodd am unrhyw ddigwyddiadau yn unol â pholisi BIPAB.

·       Rheoli, blaenoriaethu a dirprwyo'n effeithiol.

·       Gweithio'n glinigol o fewn Codau Ymarfer, safonau galwedigaethol, polisïau a gweithdrefnau.

·       Sicrhau bod rotas adrannol yn cael eu llunio yn ôl yr angen.

·       Cymryd y brif rôl wrth lunio ac addasu a chadw at brotocolau a pholisïau adrannol ar gyfer CT er mwyn sicrhau arferion gwaith effeithlon.

·       Cymryd rhan fel aelod o banel cyfweld ar gyfer swydd a gweithredu fel swyddog penodi yn ôl y gofyn.

·       Cynnal Arfarniad o Berfformiad ac Adolygiad o Ddatblygiad Personol gydag aelodau o staff fel sy'n ofynnol gan yr adran.

·       Asesu a sganio cleifion i sicrhau y darperir delweddau diagnostig o ansawdd uchel. Sicrhau safonau uchel o ofal cleifion yn ystod eu harchwiliad. Cofnodi'r holl wybodaeth briodol ar gyfer yr archwiliadau yn unol â deddfwriaeth gyfredol.

·       Bod yn gyfrifol am ddatblygiad, hyfforddiant ac addysg tîm amlddisgyblaethol.
Cynorthwyo gyda monitro rhestrau aros a pherfformiad.

·       Sicrhau bod strategaethau rheoli risg effeithiol yn cael eu defnyddio a bod asesiadau risg yn cael eu cynnal.

·       Cymryd cyfrifoldeb am lofnodi taflenni amser a threuliau teithio a dogfennau tebyg eraill fel sy'n ofynnol gan y bwrdd iechyd

·       Rheoli'r broses o ddethol a phrynu offer CT arbenigol a rheoli'r gyllideb ar gyfer offer CT yn ôl yr angen.

·       Bod yn ymwybodol o arferion a thechnegau CT cyfredol.

·       Mynychu cyrsiau perthnasol a gymeradwyir gan y Rheolwr Radioleg a/neu’r Pwyllgor Absenoldeb Astudio.

·       Cynnal ffeil DPP a chefnogi datblygiad staff CT yn y gyfarwyddiaeth.

·       Cychwyn a rheoli prosiectau archwilio.

·       Cynnal a gwella gwybodaeth ac arbenigedd mewn datblygiadau cyfredol a thueddiadau yn y dyfodol mewn perthynas â rheoli ac ymarfer CT, yn enwedig gan fod y rhain yn effeithio ar y Bwrdd Iechyd.

·       Cynnal cofrestriad cyfredol gyda'r HCPC a chydymffurfio â'i safonau.

Proffesiynol

·       Darparu arweiniad proffesiynol, cyngor a chefnogaeth i staff CT ar faterion Radiograffeg er mwyn eu datblygu’n effeithiol a sicrhau bod penderfyniadau rheoli effeithiol yn cael eu gwneud o fewn y Bwrdd Iechyd.

·       Meddu ar wybodaeth, sgiliau a phrofiad arbenigol mewn perthynas â CT.

·       Cyfathrebu â chleifion a rhoi sicrwydd iddynt gan gynnwys y rhai a allai fod yn ofidus, yn anghydweithredol neu’r rheiny sydd ag anawsterau dysgu, er mwyn  
cael eu cydweithrediad.

·       Cyfathrebu'n uniongyrchol gyda staff meddygol ar bob graddfa, nyrsio a rheoli fel y bo'n briodol.

·       Fetio ceisiadau CT a sicrhau bod dull cyson o fetio yn cael ei ddefnyddio o fewn y gwasanaeth.

·       Sicrhau y darperir gwasanaeth CT effeithlon o ansawdd uchel i bob claf.

·       Meddu ar a chynnal gwybodaeth arbenigol o'r archwiliadau CT cyfredol sy'n cael eu cynnal a bod yn gyfrifol am yr holl offer a ddefnyddir yn y meysydd hyn.

·       Datblygu a gwerthuso technegau newydd mewn CT mewn ymgynghoriad â staff proffesiynol eraill a chydweithio â staff sy'n cymryd rhan mewn prosesau  
ymchwil moesegol.

·       Gwneud cyfraniad parhaus i addysg eraill a gweithredu mewn rôl addysgu a chynghori i gydweithwyr cymwys

·       Sicrhau lefel uchel o ofal cleifion a chynnal safonau proffesiynol.

·       Tawelu meddwl cleifion.

·       Cyflawni'r holl ddyletswyddau mewn modd proffesiynol. 

·       Cymryd rhan frwd o ran cynnig a gweithredu datblygiadau newydd i wasanaethau.

·       Ymgymryd â phrosiectau ymchwil ac archwilio.

·       Cydgysylltu â'r goruchwylwyr amddiffyn rhag ymbelydredd a'r gwasanaeth amddiffyn rhag Ymbelydredd i sicrhau cydymffurfiaeth â deddfwriaeth ymbelydredd.

·       Cymryd camau priodol i atal croes-heintio.

·       Ymgymryd ag unrhyw ddyletswyddau o natur debyg sy'n gyson â chyfrifoldebau'r swydd er mwyn darparu gwasanaeth o safon.

·       Sicrhau lefel uchel o ofal cleifion a chynnal safonau proffesiynol.

Cyffredinol

·       Sicrhau bod staff yr adran yn darparu awyrgylch croesawgar i gleifion, perthnasau ac aelodau eraill o staff.

·       Cydgysylltu â staff PACS a bod yn gyfarwydd â system meddalwedd RADIS a Clinical Workstation yn ôl yr angen.

·       Efallai y bydd angen codi a chario cleifion ac offer.

·       Bod yn gyfarwydd â pholisïau gwaith, gweithdrefnau ac arferion y gyfarwyddiaeth radioleg.

·       Cynnal archwiliadau o fewn BIPAB a chymryd rhan mewn archwiliadau Cymru gyfan sy'n ymwneud â'r rôl yn ogystal ag unrhyw arolygon neu archwiliadau sy'n ymwneud â'r swydd.

·       Cydgysylltu ag aelodau eraill o’r gyfarwyddiaeth radioleg a’r cyfarwyddiaethau eraill yn ôl yr angen.

·       Cynorthwyo i gynnal lefel waith effeithiol a monitro defnydd diogel ac economaidd o'r holl adnoddau.

·       Ymgymryd ag unrhyw ddyletswyddau eraill o natur debyg sy'n gyson â chyfrifoldebau'r swydd er mwyn darparu gwasanaeth o safon.

·       Cyfathrebu'n effeithiol gyda chleifion a staff o bob gradd.
Ymgymryd â hyfforddiant mewnol gorfodol.

Addysgiadol

·       Helpu i greu a chynnal amgylchedd ddysgu rhagweithiol ar gyfer yr holl staff.

·       Parhau â datblygiad proffesiynol yn unol â strategaeth y gwasanaeth a bod yn rhagweithiol yn eich datblygiad personol eich hun a chynnal a diweddaru log DPP. 

·       Goruchwylio a chyfarwyddo Radiograffwyr, myfyrwyr radiograffeg, gweithwyr cymorth gofal iechyd ac unrhyw aelodau eraill o staff fel y bo'n briodol.

·       Gweithredu fel goruchwyliwr clinigol i Radiograffwyr dan hyfforddiant.

·       Ymgymryd â phrosiectau ymchwil a datblygu ac arwain ar archwilio clinigol, gan annog staff CT i gymryd rhan.

·       Datblygu system adrodd am gamgymeriadau sydd wedyn yn galluogi'r holl staff i ddysgu o ddigwyddiadau a gwallau.

Personol

·       Cynorthwyo i greu a chynnal awyrgylch waith dda.

·       Gallu gweithredu'r sganwyr CT cymhleth i sicrhau'r delweddau diagnostig cywir i gynorthwyo gofal cleifion

·       Darparu delwedd gadarnhaol o’r Bwrdd Iechyd a glynu wrth ei werthoedd a’i ymddygiad.

·       Bod yn gyfarwydd â holl reoliadau statudol a pholisïau’r Bwrdd Iechyd a chydymffurfio â hwy, gan gynnwys:
Ataliad y galon
Iechyd a Diogelwch yn y Gwaith
Rheoliadau tân
Gweithdrefnau brys digwyddiad mawr
Gweithdrefnau disgyblu
Rheoliadau diogelwch ymbelydredd cyfredol