Mae Trac yn falch o bweru recriwtio ar gyfer
Gwasanaeth Gwaed Cumru Gyfan
Gwybodaeth
Mae Gwasanaeth Gwaed Cymru yn rhan o Ymddiriedolaeth GIG Prifysgol Felindre ac yn gwasanaethu Cymru. Rydym yn casglu rhoddion gwaed gwirfoddol a heb dâl gan y cyhoedd ledled Cymru. Mae’r rhoddion hyn yn cael eu prosesu a’u profi cyn cael eu dosbarthu i ysbytai lle maent yn helpu gyda gofal cleifion. Mae hefyd gennym gynhyrchion sy’n deillio o waed (y GIG a Masnachol) i’w prynu gan ein hysbytai sy’n gwsmeriaid.
Rydym yn darparu gwasanaeth sgrinio cyn-geni i sawl ysbyty ac yn cynnig gwasanaethau cyfeirio labordai i’r holl ysbytai sy’n gwsmeriaid i ni er mwyn cynorthwyo gydag ymchwilio i broblemau serolegol cymhleth. Mae Labordy Trawsblannu ac Imiwnogenetig Cymru yn rhan o Wasanaeth Gwaed Cymru ac yn darparu cefnogaeth uniongyrchol i ddarparwyr lleol o Wasanaethau Trawsblannu Arennol a Bôn-gelloedd. Mae hefyd yn cynnal Cofrestr Rhoddwyr Mêr Esgyrn Cymru, sef panel cenedlaethol o roddwyr bôn-gelloedd gwaed posibl, nad ydynt yn perthyn. Darperir cymorth Ymgynghorydd Meddygol i Bwyllgorau Trallwyso Gwaed Ysbytai sy'n cynnwys cymorth i gyflawni amcanion Cylchlythyr Iechyd Cymru (2002) 137 Trallwysiad Gwaed Gwell. Darperir cyngor clinigol i ysbytai sy’n gwsmeriaid yn ôl yr angen.
Rydym yn cyfrannu at gynnal safonau ansawdd yn y gymuned trallwyso a thrawsblannu trwy gynnal cynllun asesu ansawdd allanol UK NEQAS ar gyfer Histogydnawsedd ac Imiwnogeneteg a'r Cynllun Asesiad Hyfedredd Serolegol Cymru (WASPS)
Cefnogir Cyfarwyddwr Isadrannol Gwasanaeth Gwaed Cymru gan Uwch Dîm Rheoli. Mae Bwrdd yr Ymddiriedolaeth yn cytuno ar amcanion strategol ac yn monitro perfformiad gweithredol ac ariannol. Mae Llywodraeth Cymru yn goruchwylio’r hyn y mae Ymddiriedolaeth GIG Prifysgol Felindre yn ei wneud. Rydym wedi ymrwymo i gynnal y safonau uchaf o ran ansawdd ac effeithlonrwydd ac mae gennym Achrediad Patholeg Glinigol (CPA). Mae Gwasanaeth Gwaed Cymru wedi’i awdurdodi a’i drwyddedu gan yr Asiantaeth Rheoleiddio Meddyginiaethau a Chynhyrchion Gofal Iechyd, sy'n archwilio'r sefydliad ar gyfnodau penodol.
Gwyddonydd Clinigol
Accepting applications until: 07-Nov-2024 23:59
Statws y swydd wag: Open
Accepting applications until: 07-Nov-2024 23:59
Manylion allweddol
Lleoliad
- Gwefan
- Gwasanaeth Gwaed Cymru
- Cyfeiriad
- Heol Cwm Ely
- Tref
- Pontyclun
- Cod post
- CF72 9WB
- Major / Minor Region
- Rhondda Cynon Taf
Math o gontract a phatrwm gwaith
- Contract
- Parhaol
- Oriau
- Llawnamser - 37.5 awr yr wythnos
Cyflog
- Cyflog
- £46,840 - £53,602 y flywddyn
- Cyfnod cyflog
- Yn flynyddol
- Gradd
- (Band 7)
Arbenigedd
- Prif leoliad
- Histocompatibility and Immunogenetics
Diolch am eich diddordeb mewn gweithio i Wasanaeth Gwaed Cymru (GGC) sy'n gyflogwr cyfle cyfartal ymroddedig. Mae GGC yn croesawu ceisiadau gan bobl sy'n rhannu ein gweledigaeth;
Bydd Ymddiriediolaeth GIG Prifysgol Felindre yn cael ei chydnabod yn lleol, yn genedlaethol ac yn rhyngwladol fel sefydliad enwog o ragoriaeth mewn perthynas â gofal rhoddwyr a chleifion, addysg ac ymchwil.
ein gwerthoedd;
- Gofalgar
- Parchus
- Atebol
ac a fydd yn ategu’r gweithwyr profiadol ac arbenigol sydd gennym ar hyn o bryd, sydd yn frwdfrydig dros weithio mewn sefydliad sydd â’r uchelgais i ddarparu gwasanaethau a gofal o'r radd flaenaf i'n cleifion.
Mae GGC yn hynod falch o'r rôl hanfodol mae'n ei chwarae ym maes gofal iechyd modern trwy geisio achub a thrawsnewid bywydau drwy haelioni rhoddwyr. Mae GGC yn le anhygoel i weithio a datblygu eich gyrfa ynddo. Mae ein staff gofalgar ac ysgogol yn dylunio, datblygu a chyflwyno gwelliannau trwy gyfrwng menter Cadwyn Gyflenwi 2020 (BSC2020), a fydd yn galluogi GGC i weithio tuag at ei weledigaeth o weithio gyda'n staff a phobl Cymru i gyflwyno gwasanaeth rhoi gwaed a bôn-gelloedd hawdd ei ddefnyddio, diogel a chynaliadwy.
Gwahoddir ymgeiswyr i wneud cais yn Gymraeg, ni fydd unrhyw gais a gyflwynir drwy gyfrwng y Gymraeg yn cael ei drin yn llai ffafriol na cheisiadau a wneir yn y Saesneg
Mae’r raddfa gyflog uchod wedi’i chytuno fel rhan o ddyfarniad cyflog Agenda ar gyfer Newid y GIG ar gyfer 2024/2025. Bydd yn cael ei rhoi ar waith ym mis Tachwedd 2024 wedi’i hôl-ddyddio i 1 Ebrill 2024 lle bo’n berthnasol.
Trosolwg o'r swydd
Mae gennym DDWY swydd ar gael ar gyfer Gwyddonwyr Clinigol brwdfrydig, llawn cymhelliant mewn Histogydnawsedd ac Imiwnogeneteg, sydd wedi cofrestru â’r HCPC, i ymuno â'n tîm.
Rydym yn hapus i ystyried ceisiadau gan unigolion sy'n hyfforddi mewn H&I, ac y disgwylir iddynt fod wedi cofrestru gyda’r HCPC fel Gwyddonydd Clinigol yn y 6 mis nesaf. Yn y sefyllfa hon, buasent yn cael eu talu fel Gwyddonydd Clinigol band 6 dan Hyfforddiant, nes eu bod nhw wedi cofrestru.
Mae pecyn costau adleoli o hyd at £10,000 ar gael.
Bydd y rolau gwobrwyol hyn yn eich galluogi i weithio mewn cylchdro ar draws y gwahanol feysydd labordy, gan gymhwyso eich gwybodaeth a'ch sgiliau gwyddonol hynod arbenigol mewn gwaith labordy, a darparu cyngor clinigol i gefnogi gwasanaethau trawsblannu.
Mae cyfleoedd i gymryd rhan mewn ac arwain prosiectau datblygu gwasanaeth ac ymchwil ar gael, ac rydym yn annog yr ymgeiswyr llwyddiannus i gymryd rhan mewn DPP a gweithgareddau proffesiynol, i ddatblygu sgiliau a fydd yn eich cynorthwyo i ddilyn eich uchelgeisiau gyrfa.
Mae labordy Trawsblannu Cymru wedi’i leoli ym mhencadlys Gwasanaeth Gwaed Cymru yn Nhonysguboriau ger Caerdydd, ac mae’n darparu gwasanaeth arbenigol i gefnogi trawsblaniadau bôn-gelloedd arennol, pancreas a thrawsblaniadau bôn-gelloedd hematopoietig, imiwnoleg platennau, a phrofion cysylltiad â chlefydau.
Advert
Fel Gwyddonydd Clinigol cofrestredig y Cyngor Proffesiynau Iechyd a Gofal (HCPC) mewn Histogydnawsedd ac Imiwnogeneteg, bydd gofyn i chi berfformio, dadansoddi, dehongli, dilysu ac adrodd ar ganlyniadau profion labordy ac ymchwiliadau gwyddonol hynod gymhleth yn ymwneud â gwasanaethau histogydnawsedd ac imiwnogeneteg arbenigol.
· Perfformio, dadansoddi, dehongli ac adrodd ar ystod eang o brofion i ddarparu Gwasanaeth Histogydnawsedd ac Imiwnogeneteg cynhwysfawr
Cymhwyso sgiliau ac arbenigedd gwyddonol hynod arbenigol gan gynnwys datrys problemau profion a thechnegau presennol a rhai sy'n cael eu datblygu.
Cymhwyso barn a gwybodaeth broffesiynol i ddarparu cyngor clinigol yn unol â pholisïau cytunedig i glinigwyr mewnol ac allanol, cydweithwyr gofal iechyd a staff gwyddonol.
Cefnogi Pennaeth yr Adran yng ngwaith technegol a gwyddonol y labordy i sicrhau bod gwasanaethau o ansawdd uchel yn cael eu darparu’n effeithiol, effeithlon a diogel gan gynnwys cyflawni targedau perfformiad allweddol
Perfformio ymchwil, datblygu/gwelliant gwasanaeth yn unol â blaenoriaethau strategol yr Adran.
Fel Gwyddonydd Clinigol cofrestredig gyda’r Cyngor Proffesiynau Iechyd a Gofal (HCPC) mae’n gweithredu o fewn gweithdrefnau lleol a chenedlaethol a pholisïau neu ganllawiau proffesiynol.
Trefnu eich llwyth gwaith eich hun a gweithio heb oruchwyliaeth yn unol ag anghenion yr adran.
Cymryd rhan mewn rota ar alwad 24/7 i gefnogi trawsblannu organau solet.
Gweithio i'n sefydliad
Yma yn Ymddiriedolaeth GIG Prifysgol Felindre, rydym yn hynod falch o'r gwasanaethau arbenigol a ddarparwn ledled Cymru yn ein Canolfan Ganser Felindre arloesol ac ein Gwasanaeth Gwaed Cymru gwobrwyedig. Yn ogystal ag arbenigedd ein swyddogaethau corfforaethol sy'n dod â'r ddwy adran at ei gilydd. Rydym hefyd yn ffodus i gynnal Partneriaeth Cydwasanaethau GIG Cymru a Thechnoleg Iechyd Cymru ac rydym wedi datblygu gwaith partneriaeth cryf gyda'r gwasanaethau arbenigol hyn.
Wedi'i sefydlu ym 1999, mae gan yr Ymddiriedolaeth weithlu ymroddedig sy'n ymdrechu'n barhaus i ddarparu egwyddorion allweddol gofal iechyd sy'n seiliedig ar Werth drwy amrywiaeth eang o rolau. Rydym yn chwarae rhan hanfodol yn y cymunedau rydym yn eu cefnogi ac mae gennym gynlluniau uchelgeisiol ar gyfer y dyfodol i barhau i wella'r gwasanaethau a ddarparwn. Rydym yn ymdrechu i gynnal ein gwerthoedd craidd ym mhopeth a wnawn drwy fod yn; atebol, beiddgar, gofalgar a deinamig, a sicrhau'r gofal gorau posibl i'n cleifion a'n rhoddwyr.
Os ydych am weithio i sefydliad sy'n ymfalchïo mewn gwneud gwahaniaeth go iawn ac sy'n cynnig cyfleoedd gyrfa cyffrous, yna Ymddiriedolaeth GIG Prifysgol Felindre yw'r lle i chi.
Ewch i'n gwefan i gael rhagor o wybodaeth: https://velindre.nhs.wales/
Swydd ddisgrifiad a phrif gyfrifoldebau manwl
Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.
Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac.
Gofynion yr ymgeisydd
Rhaid bod gennych gofrestriad proffesiynol priodol yn y DU.
Mae sgiliau iaith Gymraeg yn ddymunol
Manyleb y person
Profiad
Meini prawf hanfodol
- Profiad o weithio mewn labordy Histogydnawsedd ac Imiwnogeneteg, yn darparu gwasanaethau trawsblannu.
- Cyfranogiad blaenorol mewn prosiectau ymchwil a datblygu.
- Profiad o ystod o dechnegau ymarferol a ddefnyddir mewn histogydnawsedd ac imiwnogeneteg.
- Profiad o gyflwyno a chymhwyso technegau ymarferol i wasanaeth clinigol.
- Profiad o weithio mewn amgylchedd rheoledig.
- Profiad o weithio i systemau a safonau ansawdd ac achredu.
Meini prawf dymunol
- Profiad goruchwylio gan gynnwys hyfforddi a mentora staff.
- Cyhoeddiadau gwyddonol.
- Cyflwyniadau llafar.
- Profiad rhoi cymorth histogydnawsedd ac imiwnogeneteg mewn trallwysiad
Cymwysterau a Gwybodaeth
Meini prawf hanfodol
- Addysg hyd at lefel Meistr yn arbenigo mewn histogydnawsedd ac imiwnogeneteg neu bwnc cysylltiedig (er enghraifft, Diploma Cymdeithas Brydeinig Histogydnawsedd ac Imiwnogeneteg (BSHI))
- Gwybodaeth eang am agweddau technegol a gwyddonol ar waith labordy histogydnawsedd ac imiwnogeneteg.
- Dealltwriaeth o systemau rheoli ansawdd.
- Wedi cofrestru fel Gwyddonydd Clinigol gyda'r Cyngor Proffesiynau Iechyd a Gofal.
- Gwybodaeth a dealltwriaeth o ddeddfwriaeth, rheoliadau, safonau cenedlaethol perthnasol i gynnwys ISO 15189, EFI.
- Tystiolaeth o Gyfranogiad mewn Datblygiad Proffesiynol Parhaus
Meini prawf dymunol
- Siaradwr Cymraeg (Lefel 1) neu fod yn barod i weithio tuag ato.
Arall
Meini prawf hanfodol
- Bydd gofyn cymryd rhan mewn rota ar alwad 24/7, a byddwch yn gyfrifol am drefnu trafnidiaeth brydlon i bencadlys Gwasanaeth Gwaed Cymru.
Sgiliau a Phriodoleddau
Meini prawf hanfodol
- Sgiliau rheoli amser da gyda gallu profedig i flaenoriaethu galwadau sy'n gwrthdaro, gan weithio i derfynau amser tynn.
- Yn gallu meithrin perthnasoedd gwaith da gyda chydweithwyr ar bob lefel a defnyddwyr gwasanaeth allanol.
- Yn gallu defnyddio offer gwyddonol sy'n berthnasol i'r rôl.
- Sgiliau cyfathrebu, adrodd a chyflwyno rhagorol yn ysgrifenedig ac ar lafar.
- Yn gallu cyfleu gwybodaeth dechnegol a gwyddonol hynod gymhleth i amrywiaeth o weithwyr gofal iechyd proffesiynol ac unigolion lleyg.
- Yn gallu gweithio'n fanwl a chynnal cywirdeb
- Yn gallu gweithio'n annibynnol o fewn ffiniau cymhwysedd proffesiynol.
- Y gallu i ganolbwyntio am gyfnodau hir o amser.
- Gallu defnyddio barn arbenigol wrth ymdrin â materion gwyddonol, technegol a chlinigol cymhleth.
- Y gallu i gynnal dadansoddiad data gwyddonol cymhleth.
Rhagor o fanylion / cyswllt ar gyfer ymweliadau anffurfiol
- Enw
- Deborah Pritchard
- Teitl y swydd
- Head of Transplantation Services
- Cyfeiriad ebost
- [email protected]
- Rhif ffôn
- 01443 622175
Dechrau eich cais
Rhaid ichi fewngofnodi i gyfrif Trac cyn y gallwch wneud cais am y swydd hon.
Mewngofnodi
Creu cyfrif
Creu eich cyfrif a gwneud cais am eich swydd newydd!