Ymarferydd Cynorthwyol - Nyrsio Cymunedol

Trosolwg o'r swydd

Mae cyfle cyffrous wedi dod ar gael i Ymarferydd Cynorthwyol (Nyrsio) Band 4 wedi' leoli yn Nhim Nyrsio Cymunedol Sir Benfro.

Bydd y rôl hon yn eich galluogi i gefnogi'r gwaith o reoli llwyth achosion dirprwyedig yn y Tîm Nyrsio Cymunedol sy'n darparu rheolaeth gofal cymhleth o ansawdd uchel i gleifion yn eu cartrefi eu hunain, a hynny dan gyfarwyddyd a gyda chymorth Arweinydd profiadol y Tîm Nyrsys Ardal.

Mae gan Dimau Nyrsio Cymunedol Sir Benfro ystod eang o sgiliau nyrsio, ac maent yn ymfalchïo mewn cefnogi datblygiad proffesiynol a gwella safonau uchel o ran ymarfer cymunedol yn unol â'r polisïau iechyd cyfredol.

Mae hwn yn swydd parhaol llawn-amser a fydd yn cael eu gweithio 37.5 awr dros gyfnod o saith niwrnod, gan gynnwys penwythnosau a gwyliau banc. Bydd angen i ddeiliaid y swyddi allu teithio rhwng safleoedd mewn modd amserol. 

Fel cyflogwr, mae Bwrdd Iechyd Prifysgol Hywel Dda yn cynnig y manteision canlynol: Llwybrau gyrfa pwrpasol a chyfleoedd gwych ar gyfer datblygiad proffesiynol parhaus; Rhaglen sefydlu a hyfforddiant cynhwysfawr a strwythuredig; Tâl misol ynghyd â thaliadau ychwanegol ar gyfer gweithio ar benwythnosau a gwyliau banc; cynllun pensiwn y GIG; Tâl gwyliau o hyd at 33 diwrnod, ynghyd â gwyliau banc pro rata, yn dibynnu ar wasanaeth y GIG; Gostyngiad y GIG a chynllun aberthu cyflog;

Yn ogystal, un o’n pwyntiau gwerthu unigryw yw ein harfordir enwog yn Sir Benfro, sy’n eich galluogi i wneud y gorau o gydbwysedd gwych rhwng bywyd a gwaith.

Advert

Bydd deiliad y swydd yn sicrhau bod safonau gofal uchel yn cael eu darparu i gleifion a'u teuluoedd/gofalwyr yn y cartref neu'r clinig.

Bydd y dyletswyddau'n cynnwys rheoli/gofalu am glwyfau, rhoi meddyginiaethau, tynnu gwaed, gosod cathetrau a hyrwyddo ymataliaeth, ailasesu holistaidd, cofnodi arsylwadau, a hyrwyddo iechyd. Mae'r gallu i adnabod claf nad yw'n iach a gwybod sut i uwchgyfeirio gofal yn unol â hynny yn hanfodol, yn ogystal â'r gallu i reoli eich llwyth achosion dyddiol mewn modd effeithiol.

Mae'r rôl yn cynnwys cysylltu â staff, cleifion/gofalwyr ac asiantaethau/sefydliadau eraill yn ôl yr angen i sicrhau bod dyletswyddau a rheoli risg yn cael eu dirprwyo'n briodol, tra'n sicrhau cyfathrebu effeithiol rhwng y rhai sy'n ymwneud â'r pecyn gofal.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.

Cynhelir y cyfweliadau ar 06/12/2024.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion). 
Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.