Swyddog Cefnogi y Rhaglen Datblygu Sefydliadol

Trosolwg o'r swydd

Mae'r Adran Datblygu Sefydliadol yn chwarae rhan amlwg wrth gefnogi a galluogi'r broses o gyflawni Strategaeth y Gweithlu, Datblygu Sefydliadol ac Addysg 2020-2030. Mae'r strategaeth yn gyson â Strategaeth Iechyd a Gofal Bwrdd Iechyd Prifysgol Hywel Dda (BIPHDd), ‘Canolbarth a Gorllewin Cymru Iachach’, ac mae'n amlinellu'r weledigaeth ar gyfer ein gweithlu yn ystod y 10 mlynedd nesaf.

Mae hwn yn gyfnod hynod o gyffrous i'n tîm wrth i ni barhau â'n hystod o fentrau arweinyddiaeth a datblygu sefydliadol, gan gynnwys: caffael talent ym maes arweinyddiaeth, rheoli talent a chynllunio ar gyfer olyniaeth, rhaglenni datblygu arweinyddiaeth, a thwf ein rhwydweithiau hyfforddi mewnol a rhanbarthol. 

Byddwch yn ymuno â thîm cyfeillgar, cefnogol, creadigol a dynamig, sydd â gwir ddiddordeb mewn gwneud gwahaniaeth i'n harweinwyr, eu timau a'r sefydliad, ac sydd wedi ymrwymo i hynny.

Rydym yn chwilio am unigolyn cynnes, cyfeillgar a byrlymus, sy'n meddu ar alluoedd trefnu cadarn a threfnus, sgiliau rhyngbersonol ardderchog, ac sy'n gallu meddwl a gweithio'n greadigol, gan amlygu egni a chwilfrydedd.

Mae'r rôl hon yn cynnig amgylchedd gwaith cyfoethog, amrywiol a phleserus i'r ymgeisydd llwyddiannus, a fydd yn cynnwys gweithio ledled y portffolio Arweinyddiaeth a Datblygu Sefydliadol.

Os yw hwn yn swnio fel yr amgylchedd gweithio delfrydol, byddem wrth ein bodd yn clywed gennych! 

Advert

A ydych yn gallu gwneud y canlynol..

• Arwain y gwaith o gynllunio, cydgysylltu a darparu canolfannau asesu sydd wedi'u cynllunio i gefnogi'r dasg o Gaffael Talent ym maes Uwch-arweinyddiaeth boed yn rhithwir neu wyneb yn wyneb, a hynny o ddechrau'r broses i'r diwedd 
• Creu a chynnal dogfennaeth fanwl gan gynnwys amserlenni, adnoddau ac adroddiadau adborth
• Cynorthwyo/cefnogi'n llawn y broses o ddatblygu, gweithredu a chynnal mentrau Rheoli Talent a Chynllunio ar gyfer Olyniaeth (TMSP)/Datblygu Arweinyddiaeth lleol
• Cefnogi ac ysgogi arloesedd ac effeithlonrwydd ar draws prosesau
• Cefnogi'n llawn/dirprwyo ar gyfer nifer o raglenni/ddigwyddiadau â sgiliau hwyluso a chyfathrebu arbennig

A ydych..

• Yn gweithio'n dda mewn tîm, ac yn meddu ar ethos gwaith da ac agwedd ymarferol, bragmatig a hyblyg
• Yn gallu neidio i'r adwy, gan fod yn barod i newid cynlluniau unrhyw bryd
• Yn gadarnhaol ac yn meddu ar ymagwedd frwdfrydig at fywyd/waith

A oes gennych y canlynol..

• Sgiliau rheoli prosiectau cadarn ynghyd â'r gallu amlwg i drin tasgau a llinellau amser lluosog
• Sgiliau creadigol a'r gallu i lunio deunyddiau gwych, o ansawdd uchel ar gyfer ein rhaglenni
• Y gallu i roi sylw rhagorol i fanylion, gan wneud hynny mewn modd manwl gywir a phroffesiynol, a chan fodloni terfynau amser
• Profiad o ddadansoddi setiau data mawr a chyflwyno gwybodaeth gredadwy
• Y gallu i gasglu, dadansoddi a dehongli data asesu gan ddarparu dirnadaethau ac argymhellion y gellid gweithredu arnynt

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.