Uwch Sgriniwr Clyw Babanod - MEWNOL

Swydd-ddisgrifiad a phrif gyfrifoldebau manwl

1.   Sgiliau Cyfathrebu a Pherthnasoedd

·       Darparu a derbyn gwybodaeth arferol sy'n gofyn am ddoethineb neu sgiliau darbwyllo neu gyda rhwystrau i ddealltwriaeth e.e. rhoi gwybod i rieni newydd yn fuan ar ôl geni am sgrinio clyw babanod mewn modd sensitif.

·       Efallai y bydd angen i'r wybodaeth a ddarperir gael ei chyfleu drwy gyfieithydd ar y pryd neu ddehonglydd os byddwch yn ymdrin ag ieithoedd tramor neu rieni byddar drwy ddefnyddio Iaith Arwyddion Prydain.

·       Addasu arddull cyfathrebu i sicrhau bod rhieni'n cael y wybodaeth ofynnol, ond cyflwyno hyn yn sensitif gan ystyried eu hanghenion unigol (e.e. credoau diwylliannol, achosion o eni plant ar ran pobl eraill).

·       Darparu canlyniadau i rieni am ganlyniad y sgrinio clyw a'r camau nesaf; gall hyn achosi i rieni fynd yn bryderus ac yn ofidus.

·       Gallu bod yn empathig wrth ymdrin â rhieni pryderus e.e. babanod mewn Unedau Gofal Arbennig Babanod (SCBU) neu fabanod sydd ag anghenion arbennig.

·       Cysylltu â phroffesiynau eraill i gael a chyfleu gwybodaeth yn yr ysbyty ac mewn lleoliad cymunedol; e.e. cadarnhau a yw'r babi'n addas ar gyfer sgrinio, nodi materion diogelu a allai effeithio ar y cynllun cyflawni, rhoi'r wybodaeth ddiweddaraf i feddygon teulu/ymwelwyr iechyd ar statws/canlyniadau sgrinio clyw os byddant yn gwneud cais am hynny.

·       Meithrin perthnasoedd rhyngbersonol effeithiol gyda chydweithwyr mewn unedau mamolaeth, Unedau Gofal Arbennig Babanod a lleoliadau clinigau cymunedol i gynorthwyo cyflawni amserol.

·       Bydd yn sicrhau bod cydweithwyr sgrinio'n ymwybodol o'r angen i fabwysiadu gweithdrefnau nyrsio ataliol wrth dderbyn gwybodaeth am gleifion sy'n risg o ran haint.

·       Gallu rhoi adborth adeiladol i sgrinwyr yn dilyn Adolygiad gan Gymheiriaid unigol mewn modd ysgogol sy'n rhoi sicrwydd.

·       Gallu cyfleu gwelliannau penodol i sgrinwyr y gellir eu gwneud i'w techneg sgrinio mewn ffordd sensitif nad yw'n ddadleuol a nodi unrhyw hyfforddiant y gallai fod ei angen.

·       Rhoi adborth i reolwyr lleol a Chydlynwyr Rhaglenni ar berfformiad sgrinwyr fel rhan o'r broses Adolygu gan Gymheiriaid, gan gynnal hyn mewn ffordd strwythuredig ac adeiladol, gan ddefnyddio amrywiaeth o ddulliau cyfathrebu gan gynnwys ar lafar a thrwy e-bost.

·       Darparu hyfforddiant uniongyrchol i sgrinwyr newydd fel rhan o'u sefydlu, gan gynnwys rhoi adborth uniongyrchol a chefnogol a dogfennu cynnydd yn y llyfr cofnod i hyfforddeion.

·       Rhoi cymorth ac anogaeth i sgrinwyr eraill sy'n ymgymryd â Diploma Lefel 3.

2.   Gwybodaeth, Hyfforddiant a Phrofiad

• Cwblhau cymhwyster Lefel 4 priodol yn llwyddiannus o fewn 18 mis yn y swydd.

·       Lefel 3 Hanfodion Sgrinio Iechyd a diplomâu penodol i wasanaeth NBHSW

·       Parodrwydd ac ymrwymiad i ymgymryd â rhagor o hyfforddiant mewnol neu allanol.

·       Sgiliau rhyngbersonol a chyfathrebu da ar gyfer cyfathrebu â rhieni ar adeg sensitif.

·       Gallu cysylltu â phroffesiynau iechyd wrth gyfleu gwybodaeth yn yr ysbyty ac mewn lleoliadau cymunedol.

·       Ymwybyddiaeth o faterion amddiffyn plant a chadw at weithdrefnau lleol.

·       Ymwybyddiaeth o bolisïau a gweithdrefnau rheoli heintiau.

·       Gallu cyfathrebu â rhieni i gael gwybodaeth.

·       Gallu trefnu a blaenoriaethu gwaith.

·       Gallu gweithio fel tîm a chyda dull hyblyg er mwyn addasu i ofynion y rhaglen sy'n newid yn gyson.

·       Sgiliau TG a chymhwysedd wrth ddefnyddio pecyn TG NBHSW.

·        Sgiliau trefnu er mwyn trefnu apwyntiadau clinig.

·       Gallu casglu a chofnodi data clinigol a phrofion sy'n berthnasol i'r broses sgrinio yn gywir.

·       Gallu dod o hyd i namau ar offer sgrinio a chymryd camau unioni, gan gynnwys ar gyfer offer lle mae Sgrinwyr wedi methu nodi a datrys nam yn unol â phrotocolau lleol.

·       Gweithredu protocolau sgrinio.

·       Barnu amser priodol y sgrinio e.e. i gyd-fynd ag ymwelwyr a gweithdrefnau eraill.

·       Gwybodaeth a phrofiad o brosesau ward ôl-enedigol/Uned Gofal Arbennig Babanod mewn safleoedd ysbyty eraill, er mwyn rhoi cymorth effeithiol i gydweithwyr mewn hyfforddiant.

·       Cynnal gwybodaeth gyfredol a chymhwyso polisi ac arferion atal a rheoli heintiau, drwy ddiweddariadau gorfodol blynyddol a hyfforddiant penodol i rôl sy'n cefnogi'r broses o gynnal amgylcheddau diogel, yn enwedig mewn ardaloedd lle y caiff gofal clinigol ei ddarparu.

·       Mynd ati'n rheolaidd i ymgymryd â hyfforddiant statudol a gorfodol ar amrywiaeth o bynciau, gan sicrhau bod eich cydymffurfiaeth eich hun yn cael ei chynnal.

·       Ymrwymiad i ddysgu gydol oes a chefnogi sgrinwyr i gyflawni eu dysgu

·       Mentora ac Asesu sgrinwyr NBHSW sy'n ymgymryd â'r Diploma Lefel 3 mewn Sgrinio

Profiad:

• Profiad o weithio fel Sgriniwr cwbl gymwys am o leiaf 6 mis. ac ymgymryd a profion sgrinio a thasgau gweinyddol cysylltiedig i lefel uchel o gymhwysedd, fel y dangosir gan wiriadau cymhwysedd arferol.
• Profiad o batrymau gwaith pob safle rhanbarthol.
• Profiad o weithio gyda rhieni.
• Profiad o weithio gyda babanod bach.
• Profiad o weithio fel rhan o dîm.
• Profiad o weithio ochr yn ochr â gweithwyr iechyd proffesiynol.
• Profiad o brofion sicrhau ansawdd rheolaidd ar offer sgrinio.

3.   Sgiliau Dadansoddol a Beirniadol

·       Wrth gynnal Adolygiad gan Gymheiriaid i sgrinwyr, bydd disgwyl i ddeiliad y swydd roi barn ar eu perfformiad a phan fo angen llunio awgrymiadau ar gyfer gwaith adfer ar y cyd â rheolwyr lleol a Chydlynydd y Rhaglen.

·       Wrth fonitro cynnydd sgrinwyr newydd eu penodi, bydd disgwyl i ddeiliad y swydd roi barn ar eu perfformiad, llunio awgrymiadau ar gyfer gwaith adfer neu atgyfnerthu dysgu a rhoi adborth i reolwyr lleol.

·       Bydd disgwyl i roi barn ynghylch namau o ran offer sgrinio a phenderfynu pryd i gysylltu â gweithgynhyrchwyr yr offer gan ddilyn gweithdrefnau rhoi gwybod am namau.

·       Cwblhau sicrhau ansawdd technegol ar gyfer offer sgrinio

·       Rhoi barn o amrywiaeth o opsiynau o fewn SOPPS wedi'u diffinio'n llym, e.e. nodi rhwystriannau ar offer sgrinio i benderfynu a ddylid oedi/rhoi'r gorau i'r prawf.

·       Defnyddio barn i flaenoriaethu darparu sgrinio, e.e. penderfynu ar drefn babanod sy'n cael eu sgrinio a phryd i oedi sgrinio oherwydd dynamig teulu/pan na fydd y babi'n setlo neu'n sâl/pan fydd y fam yn sâl.

·       Defnyddio crebwyll i gadarnhau pwy sydd â chyfrifoldeb rhiant wrth geisio cydsyniad ar gyfer sgrinio.  Yn ogystal, asesu a yw'r person sy'n rhoi caniatâd wedi dangos dealltwriaeth lawn o'r broses sgrinio fel y gall sgrinio barhau neu a oes angen uwchgyfeirio (e.e. ar gyfer asesiad galluedd meddyliol/budd pennaf).

·       Bydd yn cysylltu ag Ymwelwyr Iechyd, Gwasanaethau Cymdeithasol ac unigolion ac asiantaethau perthnasol eraill ar faterion sensitif a chyfrinachol sy'n ymwneud, er enghraifft, ag amddiffyn plant a threfniadau mabwysiadu a maethu

·       Bydd yn cysylltu â'r Uned Gofal Arbennig Babanod i ddatrys problemau o ddydd i ddydd a bydd yn rhoi gwybod i'r Rheolwr Gweithrediadau Sgrinio Babanod pan fydd angen mewnbwn mwy strategol ar y rhain.

4.   Sgiliau Cynllunio a Threfnu

·       Cynllunio a blaenoriaethu'r drefn ddyddiol o sawl rhestr sgrinio i sicrhau bod yr holl fabanod cymwys yn cael eu cyfrif, a monitro/gohirio sgrinio i fabanod sy'n anaddas (e.e. babanod cynamserol iawn ar Uned Gofal Arbennig Babanod).

·       Cynllunio trefniadau teithio dyddiol er mwyn mynychu ymweliadau cymunedol ar amser, gyda'r offer, y deunyddiau a'r cofnodion cywir sydd eu hangen.

·       Cynllunio clinigau - anfon llythyrau apwyntiad a sicrhau bod ystafelloedd ar gael.

·       Cynllunio ymweliadau cymunedol ar gyfer cydweithwyr sgrinio i famau yn y gymuned.  Addasu cynlluniau/trefniadau apwyntiadau os bydd apwyntiadau'n cael eu canslo ar fyr rybudd.

·       Cynllunio hyfforddiant cysgodol i sgrinwyr newydd eu penodi.

·       Cynllunio'r rota i sicrhau bod darpariaeth cyflenwi sgrinwyr ar wardiau a chlinigau mewn safleoedd lleol a/neu safleoedd rhanbarthol. Sicrhau bod 1 diwrnod yr wythnos o amser wedi'i neilltuo yn cael ei gynnwys i gwblhau dyletswyddau Uwch-sgriniwr (heb fod yn darparu sgrinio).

·       Cynllunio amserlenni adolygu gan gymheiriaid ar y cyd ag NSOM/ANSM/PC

·       Efallai y bydd yn angenrheidiol cynnal adolygiadau cymheiriaid mewn safleoedd eraill ledled Cymru.  Felly, bydd teithio i safleoedd eraill ledled Cymru yn hanfodol a bydd angen i ddeiliad y swydd, ar y cyd â'r Rheolwr Gweithrediadau Sgrinio Babanod, sicrhau/cynllunio darpariaeth cyflenwi sgrinio ddigonol ar eu safle yn ystod y cyfnodau hyn.

·       Arwain ar dasgau penodol fel y cyfarwyddwir gan Gydlynydd y Rhaglen, Rheolwr Gweithrediadau Sgrinio Babanod a/neu'r Rheolwr Sgrinio Babanod Cynorthwyol.

5.   Sgiliau Corfforol

·       Sgiliau bysellfwrdd safonol ar gyfer cofnod data a llunio llythyrau apwyntiad.

·       Gallu gyrru i ymweliadau cymunedol yn ddyddiol, gan gludo offer.

·       Defnyddio offer bach sy'n gofyn am lefel o fedrusrwydd llaw yn ddyddiol (e.e. gosod blaenau bydiau clust ar offer profi clyw ar gyfer babanod).

·       Gallu gyrru i safleoedd rhanbarthol lleol eraill a gweithio yno a darparu traws-gyflenwi ledled Cymru yn ôl yr angen.