Ymarferydd Cynorthwyol Therapïau (Gofal Canolraddol)

Trosolwg o'r swydd

Mae Bwrdd Iechyd Hywel dda yn cyflwyno cyfle cyffrous i ymuno â'n tîm sydd wedi ennill Gwobr y GIG ac Iechyd y Cyhoedd, “Tîm Cartref yn Gyntaf” (Y Gwasanaethau Gofal Canolraddol) yn rôl ‘Ymarferydd Cynorthwyol Therapïau’.

Bwrdd Iechyd Prifysgol Hywel Dda – Cyflwyno Tîm Amlddisgyblaethol Gofal Canolraddol, Sir Gaerfyrddin – Iechyd Cyhoeddus Cymru (nhs.wales). 

Pwy ydym ni?

Rydym yn dîm arloesol, cynhwysfawr o Ffisiotherapyddion, Therapyddion Galwedigaethol, Ymarferwyr Cynorthwyol Therapïau, Deietegwyr, Nyrsys, Meddygon Teulu, Uwch-ymarferwyr Parafeddygol, Uwch-ymarferwyr Nyrsio, Cymdeithion Meddygol, Gweithwyr Cymdeithasol, Gweithwyr Ailalluogi ac Asiantau Trydydd Sector sy'n ymdrechu i ddarparu'r cymorth iawn, ar yr adeg iawn, yn y lle iawn mor agos i gartref â phosibl.

Bydd y rôl hon wedi'i lleoli yn Ysbyty Cymunedol Llanymddyfri, un o'n cyfleusterau Gofal Canolraddol adsefydlu yn y gwely. Byddwch yn darparu ymyriadau therapiwtig ar ran y timau Ffisiotherapi, Therapi Galwedigaethol a Deieteg i hwyluso a gwella adferiad a sicrhau'r annibyniaeth weithredol orau posibl. Byddwch hefyd yn darparu gwasanaeth allgymorth o'r ysbyty i gartref y cleifion.

A chithau'n ymarferydd sy'n meddu ar y gallu i ymaddasu ynghyd ag agwedd hyblyg at anghenion y gwasanaeth, mae disgwyl hefyd i chi weithio ar draws y safleoedd yn Sir Gaerfyrddin ac yn rhan o'n gwasanaethau yn y cartref, gan gefnogi'r rhai sydd eisoes yn eu cartrefi eu hunain. 

Advert

Yn rhan o'r gwasanaeth therapïau, byddwch yn gweithio'n uniongyrchol gyda'n Hymarferwyr Cynorthwyol Therapïau, ein Ffisiotherapyddion, ein Therapyddion Galwedigaethol a'n Deietegydd i ddarparu gofal o ansawdd, seiliedig ar dystiolaeth, i'r gymuned sy'n cael gofal canolraddol. 

Mae'r rôl yn cynnwys asesu, cynllunio, gweithredu, monitro a gwerthuso rhaglenni ymarfer corff ac addysg a chynlluniau gofal maeth, yn unol ag anghenion yr unigolion sy'n cael eu hatgyfeirio. Mae'r rolau yn y gymuned yn bennaf, a gallant gynnwys gweithio'n annibynnol a chydag aelodau 
eraill o'r tîm amlddisgyblaethol.

Bydd gennych brofiad o weithio gyda chleifion ag anghenion cymhleth o ran gofal iechyd neu adsefydlu, a byddwch yn gallu amlygu sgiliau rhesymu clinigol i'ch galluogi i asesu a thrin cleifion yn unol â phrotocolau'r gwasanaeth, a hynny heb oruchwyliaeth uniongyrchol.

Byddwch yn cael cymorth tîm ymroddedig sy'n ymdrechu i greu amgylchedd blaengar, cyfeillgar ac ystyriol. Sylweddolwn mai ein staff yw ein hased cryfaf, a bod buddsoddi mewn pobl fel unigolion yr un mor bwysig â buddsoddi yn eu datblygiad proffesiynol. Byddwch yn cael hyfforddiant anffurfiol a ffurfiol ynghyd â'r cyfle i gwblhau Diploma Adsefydlu Lefel 3 a Lefel 4.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion).

Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.