Ffisiotherapydd Arweiniol Clinigol

Trosolwg o'r swydd

Mae swydd hon yn Cyfnod Penodol/ Secondiad tan 12.05.2027. Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

Mae Bwrdd Iechyd Hywel Dda yn cyflwyno cyfle cyffrous i unigolyn brwdfrydig, angerddol a phrofiadol. Bydd yn ymuno â thîm blaen y tŷ amlddisgyblaethol y Gwasanaeth Cyngor a Chyswllt ar gyfer Trosglwyddo Gofal (TOCALS), fel Ffisiotherapydd Arweiniol Clinigol. Mae TOCALS yn cefnogi ystod eang o gleifion, ymgyflwyniadau a phatholegau, gan gynnwys y rhai sy'n cwympo ac yn eiddil, cyflyrau niwrolegol, cyflyrau cardioresbiradol, trawma a phroblemau orthopedig (gan gynnwys cleifion trawma mawr).

Mae TOCALS yn cefnogi'r gwaith o atal derbyniadau diangen i ysbyty acíwt, er mwyn osgoi'r risgiau sy'n gysylltiedig â hyn. Y nod yw cyflawni gofal o ansawdd uchel sy'n canolbwyntio ar yr unigolyn ac sy'n ystyried y claf mewn modd cyfannol, gan hyrwyddo ei annibyniaeth a'i les. Mae gan TOCALS ran hanfodol yn y broses o hybu cysylltiadau 
rhagorol rhwng y gwasanaethau acíwt, canolraddol, cymunedol a thrydydd sector; mae hyn yn hanfodol i sicrhau parhad gofal, a hybu ffordd o weithio sy'n canolbwyntio ar y gofal iawn, yn y lle iawn, y tro cyntaf.

Advert

Bydd angen i'r ymgeisydd llwyddiannus feddu ar brofiad ôl-raddedig helaeth ar draws ystod eang o feysydd clinigol, y gall ei gymhwyso i'r poblogaethau amrywiol sy'n cyflwyno i'r gwasanaethau blaen y tŷ. Bydd angen iddo allu darparu asesiadau arbenigol iawn sy'n canolbwyntio ar gynllunio i ryddhau cleifion, a thrwy hynny gall ddatblygu a 
gweithredu cynlluniau personol o safon, sydd wedi'u cyd-gynhyrchu, ar gyfer cleifion. Bydd deiliad y swydd yn chwarae rhan allweddol wrth ddilyn teithiau'r cleifion trwy'r ysbyty, ac allan i'r gymuned.

Bydd deiliad y swydd yn gallu amlygu tystiolaeth o angerdd dros ofal o ansawdd uchel a phrofiad o wella gwasanaethau, yn enwedig lle mae hyn yn cysylltu ag ysgogwyr cenedlaethol. Mae sgiliau arwain, trefnu a rheoli tîm cryf yn hanfodol oherwydd yr angen i arwain tîm mewn amgylcheddau dan bwysau ac sy'n symud yn gyflym. Mae datblygiad personol a phroffesiynol parhaus yn hanfodol i sicrhau bod TOCALS yn ymatebol i arfer cyfredol sy'n seiliedig ar dystiolaeth ac anghenion y boblogaeth. Bydd y Ffisiotherapydd Arweiniol Clinigol yn cefnogi'r gwaith o ran arwain rhaglen hyfforddiant mewn swydd ar gyfer y tîm, gan hyrwyddo'r tîm i fod yn ddysgwyr gydol oes myfyriol. Bydd hefyd yn cefnogi goruchwyliaeth i staff ac adolygiadau blynyddol. Mae cefnogi myfyrwyr yn allweddol i gefnogi datblygiad gweithlu Ffisiotherapi y dyfodol, a bydd yr ymgeisydd llwyddiannus yn ymgymryd â dyletswyddau Goruchwyliwr Clinigol.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion). 
Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.