Ymgynghorydd mewn Microbioleg (a / neu mewn Clefyd Heintus)

Swydd-ddisgrifiad a phrif gyfrifoldebau manwl

Rheoli Gweithredol

Ar y cyd â thîm rheoli Gwasanaeth Heintiau Abertawe, bydd y sawl a benodir yn gyfrifol am:

·      Sicrhau bod risgiau cyffredinol a chlinigol yn cael eu hasesu bob blwyddyn, a bod sicrwydd rheolaethau a safonau priodol yn cael eu gweithredu

·      Sicrhau bod amcanion llywodraethu clinigol yn cael eu cytuno gydag Arweinydd Clinigol Labordy Abertawe, a'u bod yn cael eu cyflawni/eu gweithredu ynghyd â chydweithwyr clinigol eraill, gan gynnwys:

·      sicrhau safonau sydd wedi'u gosod gan gyrff achredu perthnasol (e.e. Achrediad Patholeg Glinigol (UKAS) (UK) Ltd)

·      monitro perfformiad yn rheolaidd mewn cynlluniau sicrhau ansawdd mewnol ac allanol, gan gymryd camau ymchwilio ac unioni yn ôl yr angen

·      cydymffurfio â Fframweithiau Gwasanaethau Cenedlaethol, safonau clinigol, a chanllawiau cyrff proffesiynol perthnasol

·      cydgysylltu'r gwaith o adrodd, ymchwilio, a chymryd camau dilynol mewn perthynas â digwyddiadau niweidiol yn y gwasanaeth, fel y'i disgrifir gan bolisïau'r Ymddiriedolaeth/ysbyty a chynlluniau cenedlaethol

·      gwelliannau amlwg o ganlyniad i archwiliadau clinigol, prosiectau gwella ansawdd, arolygon boddhad cleifion neu gwynion

·      sicrhau bod polisïau a gweithdrefnau'r Ymddiriedolaeth/ysbyty ar gael i staff a'u bod yn cael eu gweithredu

·      system i staff ddysgu'r gwersi o ddigwyddiadau, ymgyfreitha, a chwynion

Darparu Gwasanaethau

Darparu gofal yn ôl Telerau ac Amodau Gwasanaeth - Contract Ymgynghorwyr Cymru

Cyflawni dyletswyddau yn ymwneud â darparu Gwasanaeth Heintiau Abertawe ac ar gyfer sefydliadau eraill sy'n cael eu gwasanaethu gan Ymddiriedolaeth Iechyd Cyhoeddus Cymru o dan gyfarwyddwyd Arweinydd Clinigol Labordy Microbioleg Abertawe. Gan ddibynnu ar brofiad, bydd y dyletswyddau hyn yn cynnwys gwaith sy'n gysylltiedig â'r gwasanaeth clefydau heintus (ymweld â wardiau, adolygiadau o gleifion erchwyn gwely, clinigau) a / neu'r gwasanaeth microbioleg (cyngor ar sbesimenau priodol, helpu i ddadansoddi sbesimenau, dilysu a dehongli canlyniadau, a chyfrannu at wasanaethau rheoli heintiau ar gyfer timau clinigol ledled Bwrdd Iechyd Prifysgol Bae Abertawe, ac ar gyfer Practisau Cyffredinol lleol). Bydd y gwaith o ddarparu'r gwasanaeth yn cael ei rannu gydag aelodau uwch staff clinigol eraill yn yr Adran.

Cymryd rhan, fel sy'n briodol ar sail profiad, yng ngwaith paratoi polisi'r Adran Ficrobioleg, Gweithdrefnau Gweithredu Safonol, llwybrau gofal ac ati.

Dyletswyddau rheoli yn unol â'r hyn a gytunwyd ag Arweinydd Clinigol Labordy Microbioleg Abertawe.

Fel rhan o wasanaeth rheoli heintiau, bydd angen helpu i gyflawni swyddogaethau a darparu gwasanaethau rheoli heintiau mewn cydweithrediad â chydweithwyr Microbiolegwyr Ymgynghorol a Chyfarwyddwr y Bwrdd Iechyd ar gyfer Rheoli Heintiau mewn Ysbytai.

Cyfrannu at swyddogaeth addysgu a hyfforddi'r Adran, gan gynnwys:

• • Goruchwyliaeth broffesiynol o staff meddygol iau yn yr Adran. (Mae Microbioleg Abertawe yn labordy achrededig ar gyfer hyfforddi cofrestryddion arbenigol Microbioleg.)
  • Addysgu, asesiadau, ac arholiadau israddedigion yn Ysgol Feddygaeth Prifysgol Abertawe
  • Cyfrannu at addysgu a hyfforddi gweithwyr a myfyrwyr gofal iechyd eraill fel sy'n briodol

Gweithio gydag ymgynghorwyr a chydweithwyr eraill, (a, phan fydd angen, gydag unedau arbenigol yng Nghymru ac Iechyd Cyhoeddus Lloegr), i ddarparu cymorth microbiolegol ac epidemiolegol ar gyfer Ymgynghorwyr sy'n Rheoli Clefydau Trosglwyddadwy, Swyddogion Iechyd yr Amgylchedd, Llywodraeth Cymru, a staff clinigol mewn lleoliadau gofal sylfaenol ac eilaidd.

Cyfrannu at weithgareddau a datblygiad Iechyd Cyhoeddus Cymru.

Cydweithio â swyddogion clinigol ac anghlinigol eraill o Iechyd Cyhoeddus Cymru, gan ddefnyddio cyfleusterau cyfeirio ac epidemiolegol canolog, er mwyn adrodd ar heintiau ac ymchwilio iddynt, rheoli achosion, asesu brechlynnau, datblygu dulliau labordy, cymryd rhan mewn arolygon, ac ati.

Darpariaeth cyflenwi ar gyfer cyfnodau absenoldeb cydweithwyr ymgynghorol, a chymryd rhan yn y rota ar alwad microbioleg (gan dderbyn tâl yn unol â Chontract Ymgynghorwyr Cymru)

Gweithgareddau ymchwil yn unol â blaenoriaethau Iechyd Cyhoeddus Cymru ac yn amodol ar argaeledd cyllid ac adnoddau.

Cymryd rhan mewn cynllun Datblygiad Proffesiynol Parhaus cydnabyddedig. (Bydd absenoldeb astudio yn unol â Chontract Ymgynghorwyr Cymru gyda chymorth ariannol priodol ar gael at ddibenion y cytunwyd arnynt yng nghyd-destun polisi Iechyd Cyhoeddus Cymru)

Cymryd rhan yn y cynllun arfarnu rheolaidd fel y cytunwyd arno gan Iechyd Cyhoeddus Cymru a Bwrdd Iechyd Prifysgol Bae Abertawe.

Os oes cytundeb rhwng y partïon, gweithio ar ran Iechyd Cyhoeddus Cymru neu'r Bwrdd Iechyd/Awdurdod Iechyd i gynnal ymgynghoriadau cartref, neu wasanaethau sy'n cael eu darparu ar gyfer asiantaethau eraill e.e. y gwasanaeth carchardai

Unrhyw ddyletswyddau ychwanegol sy'n briodol i'r swydd ac i brofiad y sawl a benodir fel sy'n ofynnol o bryd i'w gilydd, naill ai gan Gyfarwyddwr y Labordy neu gan y Cyfarwyddwr, Diogelu Iechyd yn dilyn ymgynghoriad priodol.

Ar hyn o bryd, mae yna ddiddordeb mewn datblygu'r gwasanaeth therapi gwrthficrobaidd parenterol i gleifion allanol yn Abertawe. Anogir ceisiadau gan unigolion sydd â'r profiad a'r sgiliau angenrheidiol i weithio ar yr agwedd hon o'r gwasanaeth.

Cysylltiadau proffesiynol allweddol

Bydd yr ymgeisydd llwyddiannus yn rheolaethol atebol i'r canlynol:

Arweinydd Clinigol Iechyd Cyhoeddus Cymru ar gyfer Microbioleg Abertawe.

Hefyd, bydd disgwyl iddo weithio mewn cydweithrediad â'r canlynol:

Aelodau staff uwch eraill o Ymddiriedolaeth Iechyd Cyhoeddus Cymru ledled Cymru gan gynnwys Microbiolegwyr Ymgynghorol a Firolegwyr, Gwyddonwyr Clinigol, staff BMS, Ymgynghorwyr Rheoli Clefydau Trosglwyddadwy a Chanolfan Arolygu Clefydau Trosglwyddadwy Cymru.

Aelodau o'r Gyfarwyddiaeth Patholeg ym Mwrdd Iechyd Prifysgol Bae Abertawe

Clinigwyr ymgynghorol a'u staff iau ym Mwrdd Iechyd Prifysgol Bae Abertawe, ac ymarferwyr cyffredinol a chlinigwyr ysbytai ledled Cymru sy'n defnyddio'r gwasanaethau diagnostig a chyngor clinigol sy'n cael eu darparu gan Microbioleg Abertawe

Y Prif Weithredwr ac aelodau staff uwch eraill o Fwrdd Iechyd Prifysgol Bae Abertawe a Byrddau ac Ymddiriedolaethau Iechyd eraill sy'n cael eu gwasanaethu gan Iechyd Cyhoeddus Cymru

Tîm Diogelu Iechyd Iechyd Cyhoeddus Cymru (Ymgynghorwyr Rheoli Clefydau Trosglwyddadwy a Nyrsys Iechyd y Cyhoedd).

Timau Rheoli Heintiau Ymddiriedolaethau ledled Cymru yn unol â chais y Meddygon Rheoli Heintiau perthnasol

Microbiolegwyr ymgynghorol ledled Cymru mewn labordai nad ydynt yn cael eu rheoli gan Iechyd Cyhoeddus Cymru

Aelodau o staff Prifysgol Abertawe, yn yr adran microbioleg feddygol yn benodol

Cyfarwyddwyr Iechyd y Cyhoedd ledled Cymru

Uwch aelodau staff Iechyd Cyhoeddus Lloegr

Mae Swydd-ddisgrifiad llawn a Manyleb y Person wedi'u hatodi yn y dogfennau ategol, neu cliciwch ar "Ymgeisio nawr" i'w gweld yn Trac.