Band 5 RMN

Swydd-ddisgrifiad a phrif gyfrifoldebau manwl

Ar hyn o bryd mae'r Bwrdd Iechyd yn gweithredu nifer o systemau sifftiau gwahanol. Y rhai mwyaf cyffredin yw sifftiau 12.5 awr, gan gynnwys naill ai un egwyl 30 munud neu ddau egwyl di-dâl 30 munud. Mae'r patrymau sifftiau hyn yn destun adolygiad ac mae'r Bwrdd Iechyd yn cadw'r hawl i newid trefniadau gwaith. Mae CTM yn Fwrdd Iechyd sydd wedi ymrwymo i ymgynghori'n ystyrlon â staff ac i wneud penderfyniadau cytbwys sy'n ystyried pob agwedd ar ein gwasanaeth a'n gweithlu.

Bydd deiliad y swydd yn:

·      Gan ddefnyddio fframwaith Mesur Iechyd Meddwl 2012, bydd yn gweithio gyda’r unigolyn i asesu, cynllunio, gweithredu a gwerthuso ei anghenion. Defnyddio’r proses wella, a chytuno ar ganlyniadau realistig a chyraeddadwy.

·      Cymryd rhan yn yr adolygiadau unigol o ofal a thriniaeth (y tîm amlddisgyblaethol). 

·      Sicrhau bod adolygiadau’n cael eu cynnal yn rheolaidd a bod yr adolygiad yn cael ei ddogfennu’n gywir yng nghofnod y claf mewnol.

·      Gweinyddu, monitro a goruchwylio meddyginiaeth ar bresgripsiwn. 

·      Arsylwi ac adrodd, yn briodol, ar effeithiau therapiwtig, unrhyw sgil effeithiau posib gan ddefnyddio graddfeydd seiliedig ar dystiolaeth.

·      Cynnig cymorth, cyngor a gwybodaeth i ofalwyr/perthnasau. 

·      Annog gofalwyr i gyfrannu at y gwaith o gynllunio gofal a gwaith mewn modd a fydd yn ennyn ymddiriedaeth a chydweithrediad, ac felly yn gwella gofal i gleifion, gan gynnal cyfrinachedd bob amser.

·      Cyfrannu, fel aelod o’r tîm amlddisgyblaethol, at adolygiadau clinigol/ffurfio achosion, ac adrodd ynglŷn â chyflwr cleifion i weithwyr proffesiynol eraill a, phan fydd angen, darparu adroddiadau ysgrifenedig yn ôl y gofyn, gan gynnwys tribiwnlysoedd iechyd meddwl.

·      Dilyn Polisïau a Gweithdrefnau Bwrdd Iechyd Prifysgol Cwm Taf Morgannwg (BIPCTM) ym mhob maes o ymarfer clinigol.

·      Sicrhau gofal nyrsio o’r safon uchaf.

·      Gweithredu fel model rôl cadarnhaol a mentora aelodau staff newydd/llai profiadol.

·      Sicrhau bod preifatrwydd ac urddas cleifion yn cael eu diogelu bob amser a bod polisi Diogelu Oedolion BIPCTM yn cael ei ddilyn.

·      Sicrhau bod asesiadau risg a chynlluniau gofal yn cael eu diweddaru'n barhaus a bod Arsylwadau Diogel a Chefnogol yn cael eu cynnal yn unol â Pholisi BIPCTM.

·      Sicrhau bod hawliau unigolion yn cael eu parchu a’u bod yn cael eu trin yn y modd lleiaf rhwystrol posib, gan ystyried y risg i’r unigolyn ac i bobl eraill.

·      Adrodd, mewn modd cywir ac amserol, unrhyw ddigwyddiadau neu unrhyw gwynion sy’n dod i law i reolwr yr uned. 

·      Cymryd rhan yn y broses ymchwilio, yn ôl yr angen.

·      Arwain y nyrsys a datblygu cydberthnasoedd cydweithredol ag asiantaethau statudol ac anstatudol mewn perthynas â’r gwasanaeth adsefydlu a gwella.

·      Cyfrannu’n weithredol at archwilio gwasanaethau er mwyn sicrhau adolygu rheolaidd, effeithlonrwydd y gwasanaethau a chynlluniau gweithredu ar gyfer gwella.

·      Cynorthwyo rheolwr yr uned wrth gwblhau’r broses o archwilio dangosyddion gofal a hanfodion gofal.

·     Cynnal hyfforddiant statudol a gorfodol yn unol â pholisi BIPCTM.

·         Ymateb i ymholiadau gan berthnasau/gofalwyr cleifion a sicrhau bod yr holl ofal yn cael ei ddarparu i'r safon uchaf ac yn unol â Pholisïau a Gweithdrefnau'r BIP ac Iechyd Meddwl.

·         Sicrhau bod aelodau o’r tîm amlddisgyblaethol ac asiantaethau eraill yn cyfathrebu’n effeithiol.

·         Cadw cofnodion a chyfnewid gwybodaeth mewn modd diogel, gan gadw at y Ddeddf Diogelu Data (1998).

·         Cynorthwyo, cydlynu a chymryd rhan yn addysg dysgwyr; bydd hyn yn cynnwys staff a myfyrwyr o bob disgyblaeth.

·         Sicrhau bod yr holl staff y mae tasgau wedi eu dirprwyo iddynt yn gymwys i ymgymryd â’r tasgau hynny’n effeithiol.

·         Cynnal lefel uchel o wybodaeth broffesiynol a sicrhau datblygiad proffesiynol parhaus trwy gymryd rhan mewn rhaglenni hyfforddiant ôl-sylfaenol priodol.

·         Gweithio o fewn canllawiau Cod Proffesiynol yr NMC.

·         Ymgymryd â’r broses PADR yn rheolaidd.

·         Dilyn holl Bolisïau a Gweithdrefnau’r BIP, gan gynnwys Polisïau a Gweithdrefnau Ariannol.

·         Goruchwylio a chyfrannu at hyfforddiant y staff, gan gynnwys myfyrwyr nyrsio, gan ddarparu cymorth i’r staff priodol.

·         Meddu ar yr wybodaeth ddiweddaraf ynglŷn â thueddiadau clinigol ac ymarfer seiliedig ar dystiolaeth mewn gofal i gleifion ac ymarfer clinigol.

·         Goruchwylio gwaith clinigol a chynnal grwpiau ymarfer myfyriol yn rheolaidd.

·         Magu gwybodaeth a dealltwriaeth o’r ddeddfwriaeth y byddwch yn debygol o ymdrin â hi yn rôl y nyrs staff, gan gyfeirio’n benodol at Ddeddf Iechyd Meddwl 1983 a 2007, Mesur Iechyd Meddwl (Cymru) 2012, Ddeddf Camddefnyddio Cyffuriau 1971 a Deddf Galluedd Meddyliol 2005.

·         Sicrhau cadw at y Ddeddf Iechyd a Diogelwch yn y Gwaith a Rheoliadau Rheoli Sylweddau Peryglus i Iechyd.

·         Cadw at Strategaeth Rheoli Risg y Bwrdd Iechyd.

·         Magu gwybodaeth a dealltwriaeth o’r asiantaethau statudol a’r grwpiau perthnasol yn y sector gwirfoddol.

·         Gweithio yn rhan o dîm amlddisgyblaethol, ennyn cyfathrebu da â chydweithwyr o bob disgyblaeth.

·         Rheoli gwybodaeth gymhleth a dadleuol iawn yn effeithiol, gan arddangos sgiliau cyfathrebu ardderchog, ar lafar ac yn ysgrifenedig.

·         Cydlynu ag asiantaethau statudol ac asiantaethau yn y sector gwirfoddol, yn enwedig cydlynwyr gofal ac eiriolwyr iechyd meddwl annibynnol, er mwyn diwallu anghenion cleifion.

·         Darparu adroddiadau clinigol arbenigol yn ôl yr angen, e.e. Tribiwnlys Adolygu Iechyd Meddwl, ceisiadau am ofal iechyd parhaus.

·         Sicrhau bod y gwaith o gadw cofnodion yn cyrraedd safon angenrheidiol y Cyngor Nyrsio a Bydwreigiaeth, gan ddefnyddio system papur neu TG yn ôl cyfarwyddiadau’r uwch-nyrs, a sicrhau bod protocolau rhannu gwybodaeth yn cael eu deall a’u hesbonio’n briodol i gleifion.

·         Darparu asesiadau medrus a chynhwysfawr o gleientiaid yn y gwasanaeth iechyd meddwl i gleifion mewnol, gan sicrhau bod asesiadau risg yn rhan annatod o’r holl waith clinigol.

·         Dangos y gallu i gyflwyno achosion i’r tîm amlddisgyblaethol, gan ystyried yr amrywiaeth o opsiynau sydd ar gael o ran gofal a thriniaeth, yn unol â’r sylfaen dystiolaeth gyfredol, a chynnig argymhellion ynghylch y camau gweithredu priodol.

·         Asesu a rheoli sefyllfaoedd critigol/anrhagweladwy a ddaw yn y dyfodol.

·         Deheurwydd a'r gallu i ymgymryd â hyfforddiant Ymyrraeth Gorfforol Gyfyngedig/hyfforddiant ac ymyriadau Trais ac Ymosodedd pan fo angen.

·         Yn gallu hebrwng cleifion y tu mewn a'r tu allan i'r lleoliad cleifion mewnol.

·         Deheurwydd, sgiliau a chywirdeb i roi meddyginiaeth trwy'r geg/trwy’r cyhyrau ac i fonitro iechyd corfforol gan ddefnyddio offer priodol e.e. thermomedr, mesurwydd pwysau gwaed.

·         Meddu ar sgiliau bysellfwrdd a sgiliau technoleg gwybodaeth, gan gynnwys prosesu geiriau, e-bost, y fewnrwyd a’r we, gohebiaeth, adroddiadau clinigol, paratoadau dysgu a chwiliadau llenyddiaeth glinigol.

·         Creu amgylchedd therapiwtig i gleifion sy’n hybu gallu defnyddwyr/gofalwyr i gyfrannu at bob agwedd ar y gwasanaeth.

·         Sicrhau bod safonau uchel o ofal yn cael eu darparu’n gyson ac yn barhaus.

·         Gwerthuso’r gofal a roddir mewn modd systematig, gan ddefnyddio ymarfer seiliedig ar dystiolaeth, ac adolygu cynlluniau gofal i adlewyrchu anghenion newidiol yr unigolyn.

·         Darparu gwybodaeth arbenigol wrth roi gofal a thriniaeth i gleifion sydd ag amrywiaeth o broblemau iechyd meddwl sy’n berthnasol i’r maes ymarfer.

·         Bod yn gymwys wrth ddarparu ymyriadau therapiwtig sy’n berthnasol i’r maes ymarfer, e.e. ymyriad gan y teulu, rheoli meddyginiaethau ac ymyriadau seico-gymdeithasol. 

·         Cynorthwyo’r Cydlynydd Gofal i gynnal asesiadau nyrsio sy’n hanfodol i’r broses gyffredinol o asesu gofal iechyd parhaus, gan wneud argymhellion ynghylch lleoliadau arbenigol posibl.

·         Bod yn gyfrifol am archebu cyflenwadau hanfodol o offer clinigol, gan ddangos ymwybyddiaeth o reoli adnoddau’n effeithlon.

·         Arddangos dealltwriaeth o oblygiadau gwneud penderfyniadau clinigol ar adnoddau.

·         Defnyddio’r adnoddau sydd ar gael yn effeithiol, gan gadw at weithdrefnau rheoli ariannol.

·         Meddu ar ddyletswydd gofal gyffredinol parthed arian, eiddo ac eiddo gwerthfawr y cleifion yn y ward, a sicrhau bod gweithdrefnau rheoli ariannol perthnasol ar waith.