Arweinydd Gweithredu Fframwaith Galluoedd Iechyd Cynhwysiant

Swydd-ddisgrifiad a phrif gyfrifoldebau manwl

Llunio a chydlynu cynlluniau gweithredu cymhleth, aml-haen ar gyfer cyflwyno'r Fframwaith Galluoedd Iechyd Cynhwysiant yn genedlaethol gyda lefel uchel o drylwyredd deallusol. Mae hyn yn cynnwys cynllunio strategol, rheoli rhyngddibyniaethau ar draws rhaglenni amlasiantaeth, ac ail-flaenoriaethu adnoddau i sicrhau darpariaeth amserol ac effeithiol, gan ystyried anghenion lleol a sefydliadol, polisïau cenedlaethol a chyfeiriadau strategaeth.

Ymarfer barn broffesiynol ac ymreolaeth wrth arwain rhaglenni cenedlaethol pwrpasol, amser-gyfyngedig, gan weithio o fewn polisïau sefydliadol eang ac adrodd i'r Ymgynghorydd Iechyd y Cyhoedd

Defnyddio sgiliau cynllunio a threfnu uwch i reoli blaenoriaethau cystadleuol, lliniaru risgiau, a sicrhau'r defnydd gorau posibl o wybodaeth ac adnoddau eraill, gan ymateb yn hyblyg i heriau sy'n dod i'r amlwg, ac addasu cynlluniau ac amserlenni i gynnal momentwm cyflawni.

Cyfathrebu, dylanwadu, negodi a chydweithio'n effeithiol ag amrywiaeth eang o randdeiliaid ac uwch arweinwyr, yn cynnwys staff sy'n gweithio o fewn Byrddau Iechyd/Ymddiriedolaethau; grwpiau a chyrff proffesiynol clinigol; a sefydliadau rhanddeiliaid allweddol eraill.

Rhwydweithio'n helaeth o fewn eu maes i gasglu gwybodaeth a safbwyntiau, a fydd yn llunio ac yn dylanwadu ar weithredu’r fframwaith

Arwain datblygu a gweithredu polisi cenedlaethol a mentrau gwella gwasanaethau sy'n gysylltiedig ag iechyd cynhwysiant.

Cadeirio, arwain a hwyluso amrywiaeth o gyfarfodydd, rhwydweithiau a sgyrsiau ar lefel uwch, rheoli gwrthwynebiad, a negodi ar draws systemau i gefnogi'r broses o gyflwyno’r fframwaith galluoedd yn genedlaethol

Dehongli polisi cenedlaethol a'i drosi'n strategaethau lleol y gellir eu gweithredu, gan sicrhau eu bod yn cyd-fynd ag amcanion GIG Cymru ac yn cyfrannu at drawsnewid gwasanaethau.

Trosi canllawiau strategol yn gynlluniau datblygu gwasanaethau, cyfrannu arbenigedd pwnc i lunio cyfeiriad a gweithrediad mentrau iechyd cynhwysol.

Cyd-ddylunio a chyflwyno rhaglenni addysgol proffesiynol, llwybrau gyrfa neu raglenni fframweithiau arbenigol sy'n cyd-fynd â blaenoriaethau cenedlaethol.

Cymryd rhan mewn cyfarfodydd lle bydd angen cyfathrebu gydag amrywiaeth o gynulleidfaoedd a chymysgedd o fynychwyr. Gall y rhain gynnwys gweithio ar draws yr Is-adran, ar draws Iechyd Cyhoeddus Cymru a chyda phartneriaid strategol yn cynnwys Addysg a Gwella Iechyd Cymru, Llywodraeth Cymru, y Rhaglen Strategol ar gyfer Gofal Sylfaenol, Byrddau Iechyd a chydweithwyr gofal Sylfaenol a Chymunedol, staff clinigol uwch a rheng flaen ar draws grwpiau gweithwyr gofal iechyd proffesiynol, gweithwyr iechyd proffesiynol mewn lleoliadau iechyd cynhwysol fel carchardai, cyflogwyr iechyd eraill a rhanddeiliaid allweddol eraill.

Gweithio'n agos gyda'r Grŵp Llywio Cenedlaethol ar gyfer y Fframwaith Galluoedd, i werthuso gweithrediad y fframwaith. Bydd hyn yn cynnwys dehongli data cymhleth a mewnwelediadau rhanddeiliaid, ac adolygu llenyddiaeth.

Defnyddio gwybodaeth glinigol a damcaniaethol i nodi arferion gorau a chyfrannu at welliant parhaus trwy argymhellion sy'n seiliedig ar dystiolaeth ac ymchwil gymhwysol, ac adrodd ar gynnydd ac addasu allbynnau i'r angen

Sicrhau bod y gwaith yn seiliedig ar egwyddorion iechyd y cyhoedd cadarn sy'n cael eu llywio gan ddehongli data a thystiolaeth gymhleth, gan ganolbwyntio ar atal, ymyrraeth gynnar a lleihau anghydraddoldebau iechyd.

Ymgorffori ystyriaethau ar gyfer achredu'r fframwaith

Lledaenu darganfyddiadau i lywio dysgu cenedlaethol a hyrwyddo arferion sy'n seiliedig ar dystiolaeth

Cynrychioli gwaith mewn amrywiaeth o lwyfannau a darparu'r wybodaeth ddiweddaraf i'r uwch dîm

Er na fydd gan ddeiliad y swydd gyfrifoldebau rheoli llinell uniongyrchol, bydd disgwyl iddo ddarparu arweinyddiaeth a chyfarwyddyd i staff cymorth y prosiect, a sicrhau y cedwir at gerrig milltir y cytunwyd arnynt a chyfleu cynnydd.

Rheoli adnoddau gwybodaeth a ddefnyddir ac a gynhyrchir gan y rhaglen.

Byddwch yn gallu dod o hyd i ddisgrifiad Swydd llawn a Manyleb Person sydd ynghlwm o fewn y dogfennau ategol neu cliciwch "Gwnewch gais nawr" i'w weld yn Trac.

Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.