Mae Trac yn falch o bweru recriwtio ar gyfer

Ymddiriedolaeth GIG Iechyd Cyhoeddus Cymru

Gwybodaeth

Croeso i Iechyd Cyhoeddus Cymru - asiantaeth iechyd cyhoeddus genedlaethol Cymru. Rydym yn bodoli i ddiogelu a gwella iechyd a llesiant a lleihau anghydraddoldebau iechyd i bobl yng Nghymru.

I gael gwybod mwy ewch i Iechyd Cyhoeddus Cymru a gwyliwch y fideo hwn am ein Cynllun Strategol

Dilynwch ni ar Twitter, Facebook, Linkedin a Instagram

Gweithio gyda'n gilydd, gydag ymddiriedaeth a pharch, i wneud gwahaniaeth

Ein diben yw ‘gweithio gyda'n gilydd ar gyfer Cymru iachach'. Rydym yn bodoli i helpu pawb yng Nghymru i fyw bywydau hirach, iachach. Gyda'n partneriaid, ein nod yw cynyddu disgwyliad oes iach, gwella iechyd a llesiant, a lleihau anghydraddoldebau i bawb yng Nghymru, nawr ac ar gyfer cenedlaethau'r dyfodol.

Gyda'i gilydd, mae ein timau'n gweithio i atal clefyd, diogelu iechyd, a darparu arweinyddiaeth, gwasanaethau arbenigol ac arbenigedd iechyd cyhoeddus. Ni yw'r brif ffynhonnell o wybodaeth, ymchwil ac arloesedd iechyd cyhoeddus yng Nghymru.

Crynodeb Gweithredol - Iechyd Cyhoeddus Cymru (gig.cymru)

Cysylltu

Address: No.2 Capital Quarter; Tyndall Street; Cardiff; CF10 4BZ
Contact Number: 02921 500200

Darganfod rhagor

Swyddi Gwefan

Open

Cyf: 028-AC216-0825 ID y swydd wag: 7423687

Rheolwr Gwybodaeth Dechnegol (Canser)

Accepting applications until: 31-Aug-2025 23:59

Statws y swydd wag: Open

Accepting applications until: 31-Aug-2025 23:59

Lleoliad

Gwefan: Iechyd Cyhoeddus Cymru, 2 Capital Quarter
Cyfeiriad: Stryd Tyndal
Tref: Caerdydd
Cod post: CF10 4BZ
Major / Minor Region: Caerdydd

Math o gontract a phatrwm gwaith

Contract

Parhaol

Oriau

Llawnamser
Gweithio hyblyg

37.5 awr yr wythnos

Cyflog

Cyflog: £56,514 - £63,623 y flwyddyn
Cyfnod cyflog: Yn flynyddol
Gradd: (Gradd 8a)

Arbenigedd

Prif leoliad: Information

Dyddiad y cyfweliad: 15/09/2025

Croeso i Iechyd Cyhoeddus Cymru, asiantaeth iechyd cyhoeddus genedlaethol Cymru

Ein gweledigaeth yw Gweithio i wireddu dyfodol iachach i Gymru

Am ragor o wybodaeth amdanom, ewch i’n tudalen hafan, darllenwch am ein cynllun strategol

Rydym yn croesawu ceisiadau gan bobl sy’n rhannu ein gwerthoedd o Gydweithio, gydag ymddiriedaeth a pharch, i wneud gwahaniaeth

Dilynwch ni ar Twitter, Facebook, LinkedIn and Instagram

Gwahoddir ymgeiswyr i wneud cais yn Gymraeg, ni fydd unrhyw gais a gyflwynir yn y Gymraeg yn cael ei drin yn llai ffafriol na cheisiadau Saesneg. I gefnogi ein gwasanaeth i Gymru gyfan, croesawn yn fawr ceisiadau gan siaradwyr Cymraeg.

Sylwer bod ychwanegiad dros dro ar gyfer Bandiau 2 a 3 i adlewyrchu ymgorffori'r ychwanegiad hyd at y cyflog byw o £12.60 yr awr - £24,638 y flwyddyn.

Bydd yr ychwanegiad dros dro hwn yn weithredol hyd nes y bydd y codiad cyflog blynyddol ar gyfer 2025/26 wedi’i gadarnhau.

Swydd-ddisgrifiad a phrif gyfrifoldebau manwl

Mae'r Rheolwr Gwybodaeth Dechnegol (Canser) yn cefnogi Uned Gwybodaeth ac Arolygaeth Canser Cymru (WCISU) i wella sut mae data canser yn cael eu casglu, eu rheoli a'u defnyddio ledled Cymru. Mae'r rôl hon yn canolbwyntio ar gyflwyno rhaglenni gwybodaeth am ganser, rheoli ffrydiau gwaith data cymhleth, a sicrhau bod data canser yn gywir, yn brydlon, ac yn hygyrch i wasanaethau cymorth, ymchwil, a pholisi.

Rhan allweddol o'r rôl yw gweithio'n agos gydag ystod eang o randdeiliaid, gan gynnwys GIG Cymru, Iechyd a Gofal Digidol Cymru (IGDC), Llywodraeth Cymru, clinigwyr, ymchwilwyr, a phartneriaid ledled y DU. Byddwch yn meithrin ac yn cynnal perthnasoedd gwaith cryf, ac yn sicrhau bod data canser yn diwallu anghenion defnyddwyr ac yn cefnogi gwelliannau mewn gofal. Byddwch hefyd yn cynrychioli WCISU mewn fforymau a gweithgorau cenedlaethol, gan helpu i alinio arferion data canser ledled y DU.

Bydd deiliad y swydd yn arwain y gwaith o gyflwyno arferion arloesol, gan ddefnyddio technolegau sy'n dod i'r amlwg fel deallusrwydd artiffisial ac awtomeiddio i wella prosesau data a lleihau ymdrechion â llaw. Bydd hyn yn cynnwys cefnogi’r gwaith o ddatblygu offer a systemau newydd a fydd yn gwella sut mae data canser yn cael eu casglu, eu dadansoddi a'u rhannu.

Mae’r cyfrifoldebau allweddol yn cynnwys:

Rheoli ffrydiau gwaith data canser a chefnogi gwelliannau o ran ansawdd, cyflawnrwydd a hygyrchedd data.

Gweithredu fel arbenigwr pwnc ar setiau data canser, dosbarthiadau codio (e.e. ICD-10, OPCS-4), a systemau camau’r canser.

Cynghori ar ddatblygu setiau data, protocolau rhannu data, a llywodraethu gwybodaeth.

Cymhwyso deallusrwydd artiffisial ac awtomeiddio i symleiddio llif gwaith data a gwella effeithlonrwydd.

Dadansoddi setiau data cymhleth i gefnogi cyflenwi gwasanaethau, monitro perfformiad ac ymchwil.

Meithrin a chynnal perthnasoedd effeithiol â rhanddeiliaid ar draws GIG Cymru, y llywodraeth, a sefydliadau allanol.

Cynrychioli WCISU mewn trafodaethau cenedlaethol a chyfrannu at brosiectau meincnodi a chydweithredol.

Cefnogi gweithgareddau ymchwil a datblygu, gan gynnwys cytundebau datgelu data a chyhoeddiadau.

Rheoli perfformiad, hyfforddiant a datblygiad staff, gan sicrhau cydymffurfedd â hyfforddiant a pholisïau gorfodol.

Goruchwylio adnoddau ariannol, cyfrannu at achosion busnes, a sicrhau defnydd effeithiol o gyllidebau.

Sicrhau cydymffurfedd â deddfwriaeth diogelu data a safonau llywodraethu gwybodaeth.

Adolygu a gwella prosesau mewnol i gefnogi gwelliant ac arloesi parhaus.

Mae'r rôl hon yn gofyn am sgiliau cyfathrebu a rhyngbersonol rhagorol, y gallu i reoli nifer o brosiectau, a dealltwriaeth gref o ddata canser ac amgylcheddau gofal iechyd. Byddwch yn hyderus wrth ddefnyddio technoleg i ddatrys problemau a byddwch wedi ymrwymo i wella gwasanaethau drwy gydweithio ac arloesi.

I gael rhagor o wybodaeth, cysylltwch â:

Enw: Dawn Allan

Teitl swydd: Pennaeth Cofrestru Canser

Cyfeiriad e-bost: [email protected]

Byddwch yn gallu dod o hyd i ddisgrifiad Swydd llawn a Manyleb Person sydd ynghlwm o fewn y dogfennau ategol neu cliciwch "Gwnewch gais nawr" i'w weld yn Trac.

Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon.

Ceidw Iechyd Cyhoeddus Cymru yr hawl i gau’r swydd wag hon yn gynnar. Felly rydym yn annog ceisiadau cynnar.

Rhoddir blaenoriaeth i staff sy’n aros i gael eu hadleoli. Rydym yn cadw’r hawl felly i dynnu’r hysbyseb hon yn ôl ar unrhyw adeg.

Os oes gennych anabledd a bod gennych unrhyw anghenion penodol i'ch galluogi i gymryd rhan yn y broses ymgeisio, cysylltwch â [email protected]

NODYN PWYSIG I YMGEISWYR: Mae ceisiadau am ein rolau yn cael eu hadolygu'n ofalus a'u rhoi ar restr fer yn seiliedig ar feini prawf penodol, sy'n amrywio o swydd i swydd.

Ni fydd defnyddio cymhwysiad generig neu gymhwysiad AI awtomatig, fel Lazy Apply neu AI Apply, fel arfer yn darparu digon o dystiolaeth bersonol o'ch sgiliau a'ch profiad sy’n berthnasol i'r rôl. Gall hyn ei gwneud hi'n anodd i ni asesu eich addasrwydd a bydd yn lleihau eich siawns o gael eich rhoi ar y rhestr fer.

Er mwyn sicrhau bod eich cais yn cael ystyriaeth lawn, rydym yn argymell eich bod yn cyflwyno cais wedi'i deilwra sy'n mynd i'r afael yn uniongyrchol â'r meini prawf a restrir yn adran Manyleb y Person yr hysbyseb, gan ddarparu tystiolaeth glir ac enghreifftiau i ddangos sut rydych chi'n bodloni pob gofyniad.

Cymhwysedd ar gyfer Nawdd Fisa

Os oes angen nawdd arnoch drwy lwybrau Fisa Gweithiwr Medrus neu Fisa Gweithiwr Iechyd a Gofal, gwnewch yn siŵr eich bod yn hunanasesu eich cymhwysedd i gael nawdd ar gyfer y rôl hon cyn gwneud cais.
Gwiriwch y canllawiau fisa Gweithiwr Medrus neu'r canllawiau fisa Gweithiwr Iechyd a Gofal am fanylion ynghylch cymhwysedd swydd, cyflog, yr iaith Saesneg, a gofynion nawdd.

Os byddwch yn llwyddiannus ac os cewch eich dewis ar gyfer y rhestr fer am gyfweliad, cysylltir â chi ar e-bost gan ddefnyddio’r cyfeiriad a ddefnyddiwyd gennych i gofrestru. Sicrhewch eich bod yn edrych ar eich cyfrif e-bost yn rheolaidd.

Rydym wedi ymrwymo i recriwtio teg a thryloyw ac rydym yn credu mewn cyfle cyfartal yn ein gweithle. Ni fyddwn yn goddef gwahaniaethu ar sail oedran, anabledd, hunaniaeth rywiol, crefydd neu gred, hil neu genedligrwydd, priodas neu bartneriaeth sifil, rhyw, cyfeiriadedd rhywiol, patrwm gwaith, cyfrifoldebau gofalu, gweithgarwch gydag undebau llafur neu gredoau gwleidyddol – nac ar unrhyw sail arall. Croesawn geisiadau gan unigolion a ddymunent weithio’n rhan-amser neu wneud cais i rannu swydd.

Mae'r raddfa gyflog a ddangosir ar gyfer aelod o staff llawn amser, a chaiff y swm ei addasu pro rata ar gyfer y rhai sy'n gweithio llai na 37.5 awr yr wythnos.

Cytunwyd ar y raddfa gyflog uchod fel rhan o ddyfarniad cyflog Agenda ar gyfer Newid y GIG ar gyfer 2025/2026 a chaiff ei weithredu ym mis Awst 2025 gydag ôl-ddyddio i 1af Ebrill 2025 lle bo'n berthnasol.

Yn gyffredinol, bydd unrhyw un sy'n ymuno â'n Hymddiriedolaeth nad yw wedi gweithio yn y GIG o'r blaen, yn cychwyn ar bwynt cyntaf y band tâl a hysbysebir yn awtomatig. Yna bydd datblygiad cyflog yn cael ei bennu gan Adolygiadau Perfformiad a Datblygu blynyddol yn unol â Pholisi Datblygiad Cyflog GIG Cymru. Gellir ystyried cais am Gredyd Cynyddol, ond dim ond ar sail gwasanaeth cyfrifadwy â thystiolaeth a/neu brofiad cyfatebol, perthnasol y gellir ei ddyfarnu.

Gofynion yr ymgeisydd

Mae sgiliau iaith Gymraeg yn ddymunol

Manyleb y person

CYMWYSTERAU

Meini prawf hanfodol

Gradd Meistr neu brofiad arbenigol cyfatebol mewn dadansoddi gwybodaeth am ganser
Cymhwyster rheoli prosiect neu brofiad cyfatebol
Tystiolaeth o ddatblygiad proffesiynol parhaus .

Meini prawf dymunol

Tystiolaeth o Hyfforddiant rheoli / arweinyddiaeth
PRINCE a/neu AGILE

Profiad

Meini prawf hanfodol

• Profiad sylweddol mewn rheoli llinell, datblygu staff a hyfforddi
• Profiad helaeth o gyfleu gwybodaeth i staff clinigol ac anghlinigol, partneriaid allanol a'r cyhoedd.
• Dangos profiad perthnasol a phrofedig o lefel uchel o weithio mewn amgylchedd gwybodaeth.
• Dealltwriaeth amlwg o safonau data a phwysigrwydd sicrhau ansawdd ac arbenigedd ac arweinyddiaeth yn eu datblygiad
• Profiad helaeth o weithio yn y GIG neu amgylcheddau gofal iechyd yn enwedig gweithio gyda data canser.
• Profiad o reoli prosiectau
• Profiad o ysgrifennu mewn amrywiaeth o arddulliau, o grynodebau byr i asesiadau opsiynau manwl ac achosion busnes.
• Profiad arbenigol lefel uchel a helaeth o gasglu, dosbarthu a dadansoddi gwybodaeth am ganser
• Profiad o ddadansoddi prosesau/problemau, herio meddwl presennol a chynhyrchu
• Profiad o arwain a gweithredu rheoli newid sy’n cael eu llywio gan brosiectau yn llwyddiannus

Meini prawf dymunol

Profiad o gasglu gwybodaeth am ganser ac amgylcheddau tîm amlddisgyblaethol canser.

SGILIAU

Meini prawf hanfodol

• Yn gallu cyfleu cysyniadau a dadansoddiadau technegol cymhleth iawn yn effeithiol i wahanol sefydliadau a rhanddeiliaid
• Yn gallu datblygu a chyflwyno cyflwyniadau cymhleth i gynulleidfaoedd mawr
• Sgiliau rhyngbersonol a chyfathrebu rhagorol gyda'r gallu i ddylanwadu a negodi ar lefel leol, ranbarthol a chenedlaethol gyda rhanddeiliaid uwch a defnyddwyr
• Tystiolaeth o sgiliau rheoli pobl
• Sgiliau ysgrifennu adroddiadau
• Yn gallu dangos cymhelliant, creadigrwydd, agwedd hyblyg at waith ac ethos personol o wella parhaus.
• Yn gallu canolbwyntio a chwblhau tasgau'n gywir o fewn amserlenni penodol wrth ddelio ag ymyriadau annisgwyl
• Gwybodaeth a phrofiad manwl o feddalwedd gyfrifiadurol safonol (Microsoft Office).

Meini prawf dymunol

Gwybodaeth am Transact SQL ar gyfer holi cronfeydd data perthynol mawr a chymhleth.

GWYBODAETH

Meini prawf hanfodol

• Gwybodaeth a dealltwriaeth arbenigol o'r ddamcaniaeth y tu ôl i strwythurau cronfeydd data a setiau data, a gafwyd trwy brofiad o weithio gyda setiau data mawr.
• Gwybodaeth am fethodolegau cysylltu data
• Gwybodaeth arbenigol a manwl am godio clinigol a dosbarthiadau camau canser a sganio'r gorwel ar eu datblygiad parhaus .
• Deall gofynion Llywodraethu Gwybodaeth mewn perthynas â GIG Cymru a pherthnasau perthnasol deddfwriaeth ac ymarfer

Meini prawf dymunol

• Dealltwriaeth o ddatblygu setiau data
• Dealltwriaeth o setiau data'r GIG

NODWEDDION PERSONOL

Meini prawf hanfodol

• Yn gallu rheoli a/neu weithio ar nifer o brosiectau ar yr un pryd ar lefel uwch.
• Mae'r gallu i ymateb i ofynion sy'n newid o ran blaenoriaethu gwaith yn hanfodol.
• Yn gallu gweithredu'n annibynnol, gyda rhywfaint o arweiniad gan reolwr llinell, yn seiliedig ar ddealltwriaeth gadarn o bolisïau ac egwyddorion cyffredinol.
• Yn gallu dangos menter.
• Cyfathrebwr gwych.
• Sylw ardderchog i fanylion. Hyderus
• Bod yn drefnus
• Yn gallu gweithio o fewn terfynau amser caeth
• Hyblygrwydd i fodloni anghenion y gwasanaeth.
• Ymrwymiad i egwyddorion rheoli newid.