Dirprwy Arbenigwr Nyrsio Arweiniol

Swydd-ddisgrifiad a phrif gyfrifoldebau manwl

1. Sgiliau Cyfathrebu a Pherthnasoedd

• Bydd deiliad y swydd yn cyfathrebu'n uniongyrchol â chyfranogwyr sgrinio, gan gynnwys menywod sy'n cael colposgopi a all fod yn sefyllfaoedd emosiynol, yn gymhleth ac yn sensitif iawn.
• Bydd deiliad y swydd yn defnyddio sgiliau cyfathrebu uwch i weithio gyda staff ar bob lefel ar draws y sefydliad, ar lefel Cymru gyfan ac yn rhanbarthol, a chydag asiantaethau allanol. Darparu cyngor perthnasol i'r rhai sy'n cymryd profion ceg y groth, labordai, gwasanaethau colposgopi a defnyddwyr gwasanaeth. Mae hyn yn gofyn am sgiliau negodi, perswadio, ysgogi a thawelu meddwl

·         Cydweithio â Byrddau Iechyd a Gofal Sylfaenol ar elfennau perthnasol o'r rhaglen i sicrhau bod safonau uchel yn cael eu cynnal

• Gweithio'n effeithiol mewn amgylcheddau anghyfeillgar, cymhleth a gelyniaethus ar faterion Sicrhau Ansawdd a safonau gyda Byrddau Iechyd a Gweithwyr Iechyd Proffesiynol

·         Darparu gwybodaeth a chyngor i Arweinydd Clinigol SSC a thimau rhanbarthol a chenedlaethol ar weithrediad y Rhaglen o fewn y maes diffiniedig

• Defnyddio sgiliau cyfathrebu a thrafod uwch i roi gwybod i ddefnyddwyr am sgrinio serfigol/ colposgopi, gan gynnwys y rheini sy’n bryderus a/neu sydd ag anableddau gwybyddol, cyfathrebu neu gorfforol.

·         Gweithio gyda gweithwyr proffesiynol gwasanaethau a gweithwyr proffesiynol iechyd i gychwyn ac arwain strategaethau i hybu iechyd a llesiant. Gweithio gyda’r Tîm Ymgysylltu â Sgrinio i alluogi hybu iechyd a gwaith arall i gael ei wneud gyda grwpiau cymunedol perthnasol y sector gwirfoddol, gofalwyr a’r cyhoedd

• Cyfrannu ac annog rhannu gwybodaeth rhwng holl elfennau’r rhaglen trwy wefannau, Cyswllt Sgrinio ac ati
• Hyrwyddo cyfathrebu da a rhoi gwybodaeth i ddefnyddwyr gwasanaethau, perthnasau a chydweithwyr trwy ddefnyddio sgiliau rhyngbersonol.

·         Unwaith y bydd anghenion hyfforddi’r rhai sy’n cymryd profion ceg y groth a’r staff gweinyddol wedi’u nodi, gweithio gyda’r hwylusydd hyfforddiant i gyflwyno’r cwrs prawf ceg y groth ffurfiol ac arwain yr hyfforddiant lleol diweddaraf ar gyfer y rhai sy’n cymryd profion ceg y groth, staff gweinyddol a chlinigwyr perthnasol eraill yn ardal y CSAD.

·         Gan weithio gyda thîm clinigol SSC, cymryd cyfrifoldeb am gynnal cynnwys addysgol y cwrs hyfforddi cymerwyr samplau, a chynnal y modiwl e-ddysgu a chronfeydd data presenoldeb

·         Mynychu cyfarfodydd y Grŵp Gweithredol Rhanbarthol pan fo angen

·         Cefnogi rhanbarthau SSC eraill yn ystod absenoldebau staff

2. Gwybodaeth, Hyfforddiant a Phrofiad

·         Cynnal cymhwysedd clinigol a defnyddio gwybodaeth hynod arbenigol, wedi'i hategu gan theori a phrofiad i sicrhau rhaglenni priodol o ofal a thriniaeth

·         Cynnal lefel uchel o wybodaeth, arbenigedd manwl a chymhwysedd proffesiynol ym maes sgrinio serfigol, gan sicrhau y darperir gofal priodol sy’n seiliedig ar dystiolaeth ac ymarfer uwch

·         Darparu arbenigedd clinigol, cyngor a chymorth arbenigol ar draws sbectrwm cyfan y rhaglen a chymryd rhan yn y gwaith o ddarparu’r hyfforddiant i amrywiaeth o weithwyr proffesiynol.

·         Monitro'r rhai sy'n cymryd profion ceg y groth sydd wedi mynychu hyfforddiant a thargedu'r rhai nad ydynt wedi mynychu hyfforddiant

·         Monitro a sicrhau bod hyfforddeion yn cael eu goruchwylio/asesu yn ystod eu hyfforddiant ymarferol a'u cyfnod prawf

·         Bydd deiliad y swydd yn darparu hyfforddiant i ystod o weithwyr proffesiynol meddygol a gofal iechyd mewn gofal sylfaenol ac eilaidd.

3. Sgiliau Dadansoddi a Gwneud Penderfyniadau

• Monitro perfformiad y rhai sy'n cymryd profion ceg y groth a'r gwasanaethau colposgopi yn erbyn safonau diffiniedig a chanlyniadau gweithredu fel y bo'n briodol
• Sicrhau bod trefniadau methu diogel yn cael eu gweithredu a monitro pob agwedd ar berfformiad;
• Bydd deiliad y swydd yn cymryd camau mewn achosion lle nad yw perfformiad y rhai sy’n cymryd profion ceg y groth a gwasanaethau colposgopi yn bodloni safonau diffiniedig.
• Sicrhau yr adroddir ar ddigwyddiadau yn yr ardal ac y cânt eu datrys. 

·         Gweithio ar y cyd â chydlynydd Cymru Gyfan ar benderfyniadau hynod gymhleth ynghylch menywod yn y rhaglen.

• Cyfrannu at adroddiadau a gyhoeddir gan Sgrinio Serfigol Cymru

4. Sgiliau Cynllunio a Threfnu

·         Cyfrannu’n weithredol at ddatblygiadau strategol a gweithredol yn ymwneud â’r gwasanaeth colposgopi gan sicrhau gwasanaethau o ansawdd uchel sy’n canolbwyntio ar fenywod yn cael eu hyrwyddo a’u datblygu.

·         Gweithio gyda staff colposgopi i gydymffurfio â SOPPS Colposgopi a sicrhau eu bod yn mewnbynnu gwybodaeth yn gywir i’r System Gwybodaeth Colposgopi gan wella ansawdd y gwasanaeth

·         Bydd deiliad y swydd yn gweithio gyda Byrddau Iechyd i gynllunio a threfnu datblygiadau gwasanaeth yn unol â pholisi i sicrhau bod targedau gwasanaeth yn cael eu cyflawni mewn modd amserol.

·         Cydgysylltu â sefydliadau allanol, i gynllunio a datblygu eu gwasanaethau i fodloni gofynion SSC

·         Gweithio gyda thîm clinigol SSC i sicrhau bod deunyddiau hyfforddi y rhai sy’n cymryd samplau yn cael eu diweddaru'n amserol

.

5. Sgiliau Corfforol

·         Bod yn gwbl gymwys wrth gyflawni rôl glinigol.

·         Sicrhau bod safonau iechyd a diogelwch yn cael eu cynnal wrth gludo deunydd hyrwyddo.

·         Fel gwasanaeth Cymru gyfan mae'n ofynnol i ddeiliad y swydd deithio'n bell, gan sicrhau bod polisïau'r Ymddiriedolaeth yn cael eu dilyn

6. Cyfrifoldeb am Ofal Cleifion/Cleientiaid

·         Bydd deiliad y swydd yn rhoi cyngor tra arbenigol i fenywod am eu triniaeth a'u gofal.

·         Gan ddilyn polisïau a phrotocolau Sgrinio Serfigol Cymru, bydd yn darparu trefniadau ymchwilio a thriniaeth effeithiol. Delio â sefyllfaoedd cymhleth sy'n codi a chyfathrebu canlyniadau mewn modd effeithiol gyda'r fenyw.

• Meddu ar sgiliau cwnsela rhagorol a'u defnyddio ym mhob cam o ddarparu gofal, gan sicrhau bod y cyngor a'r gofal a roddir i fenyw yn seiliedig ar dystiolaeth ac yn cydymffurfio ag arferion gorau

·         Gweithredu fel eiriolwr cleifion/staff trwy gymhwyso gwybodaeth a sgiliau moesegol, cyfreithiol a phroffesiynol.

·         Atgyfeirio cleifion at weithwyr proffesiynol iechyd/cymdeithasol eraill i gael mewnbwn arbenigol perthnasol, gan sicrhau gofal cydgysylltiedig effeithiol

7. Cyfrifoldeb am Weithredu Datblygiadau Polisi/Gwasanaethau

• Cymryd rhan yn y broses o bennu polisïau a gweithdrefnau gweithredol, strategol ar gyfer y rhaglen sgrinio serfigol.
• Cefnogi gweithrediad lleol polisïau a gweithdrefnau y cytunwyd arnynt, cadw at brotocolau y cytunwyd arnynt, a datrys materion gweithredol yn lleol;
• Cymryd rhan mewn, a lle bo angen, arwain archwiliadau lleol a Chymru Gyfan o bob agwedd ar Sgrinio Serfigol Cymru
• Darparu cefnogaeth glinigol i'r Adran Weinyddol Sgrinio Serfigol (CSAD) leol a rhoi cyngor nyrsio lle bo'n briodol
• Deall holl bolisïau a gweithdrefnau perthnasol yr Ymddiriedolaeth, Sgrinio Serfigol Cymru, canllawiau cenedlaethol (e.e. NHSCSP, BSCCP), deddfwriaeth (e.e. COSSH, meddyginiaethau) ac ati er mwyn sefydlu gwasanaeth diogel, teg o ansawdd uchel

8. Cyfrifoldeb am Adnoddau Ariannol a Ffisegol

·         Cynnal amgylchedd gwaith diogel a defnydd diogel o offer ar gyfer staff, defnyddwyr ac ymwelwyr wrth ymgymryd â rôl glinigol.

·         Sicrhau diogelwch offer e.e. gliniadur, taflunydd bob amser

9. Cyfrifoldeb am Adnoddau Dynol

• Dilyn rhaglen Datblygiad Proffesiynol Parhaus briodol a chymryd rhan mewn ymarfer myfyriol fel rhan o’i ddatblygiad proffesiynol personol.

·         Cydymffurfio â'r holl ofynion hyfforddi gorfodol a statudol, IPR, a Goruchwyliaeth Glinigol a ddiffinnir gan yr Ymddiriedolaeth.

• Cyfrannu at raglenni hyfforddi ar gyfer arbenigwyr iechyd y cyhoedd, proffesiynau eraill a staff fel y bo'n briodol
• Cymryd rhan weithredol yn y broses Fy Nghyfraniad.

10. Cyfrifoldeb am Adnoddau Gwybodaeth

·         Cadw cofnodion a dogfennaeth gywir a chryno, yn unol â chanllawiau’r Ymddiriedolaeth a’r NMC.

·         Meddu ar sgiliau rhagorol mewn prosesu geiriau a dadansoddi data.

·         Meddu ar wybodaeth ymarferol o systemau technoleg gwasanaethau sgrinio i gefnogi ac adnabod gweithwyr iechyd proffesiynol sy'n ymgymryd â gwaith sgrinio.

·         Cydgysylltu ag Adran Wybodaeth Sgrinio Serfigol Cymru i sicrhau bod ystadegau'n amserol ac yn gywir.

·         Cynnal a chadw deunydd hyfforddi y rhai sy’n cymryd samplau cyfredol a sicrhau swyddogaeth a hygyrchedd cronfeydd data hyfforddi ar y cyd â'r tîm Gwybodeg perthnasol

11.  Cyfrifoldeb am Ymchwil a Datblygu

·         Dadansoddi’n feirniadol ymchwil neu lenyddiaeth gyfredol er mwyn cynnal lefelau arbenigol o wybodaeth ac arferion gorau.

• Meddu ar yr arbenigedd clinigol a'r cyfrifoldeb i rymuso eraill trwy gychwyn, rhannu a gwerthuso arferion gorau.
• Ymgymryd â phrosiectau ymchwil, cymryd rhan mewn treialon clinigol/treialon offer fel y bo'n briodol

Bydd disgwyl i ddeiliad y swydd adrodd ar ganlyniadau ymchwil yng nghynhadledd flynyddol Iechyd Cyhoeddus Cymru a chyfarfodydd a chynadleddau cenedlaethol eraill

Gellir dod o hyd i ddisgrifiad swydd llawn a manyleb y person ynghlwm yn y dogfennau ategol ar y tudalen hon.

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.