Rheolwr Cyfathrebu - MEWNOL

Swydd-ddisgrifiad a phrif gyfrifoldebau manwl

Mae'r Rheolwr Cyfathrebu yn gyfrifol am gefnogi datblygiad a chyflawniad strategaethau, cynlluniau ac ymgyrchoedd cyfathrebu iechyd y cyhoedd yn Iechyd Cyhoeddus Cymru.

Bydd y Rheolwr Cyfathrebu yn gwneud y canlynol:

Cyfathrebu mewn Partneriaeth

·       Cryfhau’r bartneriaeth rhwng Iechyd Cyhoeddus Cymru a’i randdeiliaid drwy gefnogi a hyrwyddo cyfathrebu agored a rhagweithiol rhyngddynt.

Cyfathrebu Marchnata

·       Creu, ysgrifennu a golygu cynnwys ar gyfer deunyddiau Iechyd Cyhoeddus Cymru, a fydd yn cynnwys cyfryngau cymdeithasol, i'w weld gan randdeiliaid a'r cyhoedd

·       Cefnogi ymgysylltiad parhaus â llywodraeth leol, y trydydd sector, y cyhoedd a rhanddeiliaid eraill mewn perthynas ag iechyd y cyhoedd

·       Datblygu, cyflwyno a gwerthuso ymgyrchoedd cyfathrebu yn unol â dulliau Gwasanaeth Cyfathrebu'r Llywodraeth

Cysylltiadau â'r cyfryngau

·       Gweithredu rhaglenni cysylltiadau â'r cyfryngau drwy wneud y canlynol:

·       Datblygu cynlluniau mewn perthynas â materion proffil uchel, cymhleth, dadleuol a/neu heriol

·       Drafftio datganiadau i'r wasg, datganiadau a nodweddion

·       Dehongli gwybodaeth glinigol arbenigol yn negeseuon iechyd hawdd eu deall i'r cyhoedd; a'u hyrwyddo

·       Cydgysylltu â newyddiadurwyr i hyrwyddo syniadau ysgrifau nodwedd a newyddion

·       Cysylltu â newyddiadurwyr i drefnu lluniau

·       Cysylltu â newyddiadurwyr i drefnu cyfweliadau

·       Cynghori a chefnogi staff wrth ddrafftio datganiadau i’r wasg ac ymatebion i’r cyfryngau ar bob math o faterion gan gynnwys y rhai sy’n gymhleth, yn ddadleuol a/neu’n heriol

·       Cynghori a chefnogi staff ar ddarparu cyngor iechyd drwy'r cyfryngau

·       Gweithio mewn partneriaeth â swyddogion cyfathrebu sefydliadau partner sydd â safbwyntiau gwahanol, ac weithiau anghyson

·       Cysylltu â newyddiadurwyr, carfanau pwyso a’r cyhoedd ar faterion a all fod yn drallodus, emosiynol, digroeso a/neu beri straen yn ogystal â materion cymhleth, dadleuol a/neu heriol

o   Derbyn ymholiadau gan y cyfryngau ar ran Iechyd Cyhoeddus Cymru a datblygu a rheoli ymatebion ar ran y sefydliadau, a chynghori arnynt, gan gynnwys sut i ymateb i faterion cymhleth, dadleuol a/neu heriol

·       Datblygu a rheoli system monitro’r cyfryngau sy'n adrodd ar broffil cyfryngau Iechyd Cyhoeddus Cymru a'r negeseuon a adroddwyd

Gwefannau

·       Cydgysylltu â staff yn Iechyd Cyhoeddus Cymru a’i dîm gwe i greu, ysgrifennu a golygu cynnwys ei wefannau.

Y cyfryngau cymdeithasol

·       Hyrwyddo a defnyddio cyfryngau cymdeithasol i hyrwyddo ymgysylltiad â materion iechyd y cyhoedd

Safonau ar gyfer Gwasanaethau Iechyd

·       Gweithredu prosesau a systemau yn unol â chynlluniau gweithredu i gyflawni’r Safonau ar gyfer Gwasanaethau Iechyd sy'n ymwneud â chyfathrebu ac ymgysylltu â dinasyddion

·       Casglu tystiolaeth i ddangos bod Iechyd Cyhoeddus Cymru yn bodloni’r Safonau ar gyfer Gwasanaethau Iechyd sy’n ymwneud â chyfathrebu ac ymgysylltu â dinasyddion

Arall

·       Dadansoddi goblygiadau cyfathrebu cynigion polisi a rhoi cyngor ar reoli'r goblygiadau.

·       Darparu mewnbwn a chyngor i ddatblygu polisi

·       Mynd i, adrodd a chyfrannu at drafodaethau yng nghyfarfodydd Tîm Cyfathrebu Iechyd Cyhoeddus Cymru

·       Dirprwyo ar ran yr Uwch Reolwr (Ymgyrchoedd a Chynllunio) mewn cyfarfodydd ac mewn gwaith cyfathrebu arall yn ei absenoldeb

·       Darparu gwasanaeth ymateb i'r cyfryngau ar alwad, y tu allan i oriau, ar sail rota gydag aelodau eraill o'r Tîm Cyfathrebu

Gwybodaeth, Hyfforddiant a Phrofiad

·       Gwybodaeth am gyfathrebu, cynllunio a chyflwyno ymgyrchoedd, cysylltiadau cyhoeddus, newyddiaduraeth, marchnata cymdeithasol a thechnegau, dulliau a gweithdrefnau marchnata/cyfathrebu mewn amgylchedd iechyd y cyhoedd.

·       Gwybodaeth am sefydliadau'r sector cyhoeddus a'r amgylchedd gwleidyddol allanol

·       Gallu darparu hyfforddiant a rhannu gwybodaeth i feithrin gallu cyfathrebu ac iechyd y cyhoedd yng ngweithlu a chymuned y sector cyhoeddus

Sgiliau Dadansoddi a Gwneud Penderfyniadau

·       Dadansoddi a dehongli materion, amgylchiadau a safbwyntiau cyfathrebu mewnol cymhleth, a chynghori ar ddatrysiadau a’u cynllunio

·       Dadansoddi a dehongli materion, amgylchiadau a safbwyntiau cyfathrebu cymhleth rhanddeiliaid, a chynghori ar atebion a’u cynllunio

·       Gwerthuso goblygiadau’r Safonau ar gyfer Gwasanaethau Iechyd sy’n ymwneud â chyfathrebu ac ymgysylltu â dinasyddion ar gyfer Iechyd Cyhoeddus Cymru a chynghori ar ymateb

·       Dadansoddi goblygiadau cynigion polisi o safbwynt cyfathrebu (yn Iechyd Cyhoeddus Cymru ac o safbwynt rhanddeiliaid) a rhoi cyngor ar reoli'r goblygiadau

Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon.

Byddwch yn gallu dod o hyd i ddisgrifiad Swydd llawn a Manyleb Person sydd ynghlwm o fewn y dogfennau ategol neu cliciwch "Gwnewch gais nawr" i'w weld yn Trac.