Gweithiwr Cymorth Nyrsio

Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac

Cynllunio a Dylunio

Cynllunio a blaenoriaethu eich llwyth gwaith dirprwyedig eich hun gan sicrhau bod tasgau'n cael eu cwblhau'n effeithlon, yn ddiogel ac yn effeithiol, gan ddefnyddio eich menter i flaenoriaethu'r gwaith ar sail anghenion cleifion ac addasu i sicrhau bod argyfyngau a thasgau blaenoriaeth yn cael eu cwblhau i derfynau amser.

Gweithio o fewn gweithdrefnau sefydledig wrth ddarparu gofal ac o dan oruchwyliaeth gweithiwr gofal iechyd proffesiynol cofrestredig.

Clinigol

Ymgymryd â gofal yn unol â chyfarwyddyd y gweithiwr gofal iechyd proffesiynol cofrestredig. Dilyn cynlluniau gofal y cytunwyd arnynt a darparu gwybodaeth i'r gweithiwr gofal iechyd proffesiynol cofrestredig a fydd yn galluogi'r cynlluniau gofal i gael eu monitro a'u diwygio.

Sicrhau cydsyniad ar sail gwybodaeth cyn darparu gofal a deall y camau gweithredu sy’n angenrheidiol os yw gofal yn cael ei wrthod. 

Ymgymryd â safonau uchel o reoli atal heintiau yn y lleoliad gofal iechyd drwy arferion hylendid dwylo effeithiol, cynnal amgylchedd glân a glanhau offer.

Darparu gofal personol i gleifion/cleientiaid gan gynnwys defnyddio'r gawod neu'r bath, cyfleusterau ymolchi, gwisgo, cefnogi cleifion i ddiwallu eu hanghenion hylendid y geg, cael mynediad i doiledau a'u defnyddio, casglu a chael gwared ar wastraff corfforol, gan sicrhau bod preifatrwydd, urddas a diogelwch yr unigolion dan sylw yn cael eu cynnal. Gall hyn olygu defnyddio teclynnau codi, cadeiriau olwyn neu gymhorthion symudedd eraill.

Cynorthwyo pobl i fwyta ac yfed drwy ddewis bwyd a diodydd priodol, eu galluogi i baratoi ar gyfer bwyta ac yfed a’u cynorthwyo lle bo'n briodol.

Darparu ffyrdd o leddfu pwysau yn unol â chyfarwyddyd a gafwyd gan gofnodi ac adrodd am annormaleddau a chyflwr y croen i'r gweithiwr gofal iechyd proffesiynol cofrestredig.

Dangos gofal a thosturi tuag at gleifion, gofalwyr a pherthnasau i helpu i sicrhau bod gofal claf o ansawdd uchel sy’n canolbwyntio ar yr unigolyn yn cael ei ddarparu bob amser, ac eiriol drostynt os oes angen.

Mynd ati i hyrwyddo cyfleoedd i gefnogi’r claf i fod yn annibynnol lle bo hynny’n briodol a galluogi perthynas therapiwtig â chleifion/defnyddwyr gwasanaeth drwy ymgysylltu a gweithgareddau fel y’u hystyrir yn briodol i’r claf neu grŵp cleient.

Cofnodi gwybodaeth gywir ac amserol yn y dogfennau priodol gan gynnwys dogfennu pwysau, taldra, mynegai màs y corff (BMI) er enghraifft, a chofnodi maeth a hydradu.

Cynnal a chofnodi mesuriadau ffisiolegol megis tymheredd, profi pwysedd gwaed â llaw, pwls, dirlawnder ocsigen, gan gynnwys cofnodi gwybodaeth ar siartiau Sgorio Rhybudd Cynnar lle bo'n berthnasol, ac adrodd ar yr holl ganfyddiadau i'r gweithiwr gofal iechyd proffesiynol cofrestredig.

Cynnal profion yn y man lle y rhoddir gofal, er enghraifft profi dŵr ac uwchgyfeirio unrhyw annormaleddau, cofnodi glwcos yn y gwaed gan gynnwys cydymffurfedd ag asesiadau ansawdd mewnol ac allanol o ran offer.

Cael samplau diagnostig, er enghraifft casglu samplau wrin / samplau ysgarthol / samplau sbwtwm, swabiau clwyfau, cael samplau gwaed gwythiennol gan sicrhau bod sbesimenau'n cael eu trin a'u trafod a’u hanfon yn gywir wrth gadw at bolisïau rheoli heintiau a chanllawiau lleol. D.S. gall hyn amrywio yn dibynnu ar y maes gwaith.

Ymgymryd â dyletswyddau gofal dirprwyedig dan gyfarwyddyd gweithiwr gofal iechyd proffesiynol cofrestredig; gall enghreifftiau o’r dyletswyddau gynnwys, ond heb fod yn gyfyngedig i, gofnodi Electrocardiogram (ECG), gofalu am gathetrau wrinol a'u tynnu, gofalu am stomas, gorchuddio clwyfau syml ac arsylwi clwyfau, tynnu caniwla ymylol. D.S. nid yw'r rhestr hon yn hollgynhwysfawr a gall fod yn benodol i rôl/maes gwaith.

Hebrwng cleifion i adrannau eraill yn y lleoliad gofal iechyd dan ddirprwyaeth gweithiwr gofal iechyd proffesiynol cofrestredig.

Gweithredu fel hebryngwr pan fo'n briodol a chefnogi a pharatoi cleifion ar gyfer / yn ystod ymyriadau neu weithdrefnau meddygol.

Sicrhau diogelwch cleifion/cleientiaid sydd angen lefel uwch o oruchwyliaeth, er enghraifft cleifion sydd mewn perygl o gwympo, cleifion â nam ar y cof, anghenion ymddygiad, anghenion gofal iechyd meddwl/anableddau dysgu, adrodd am unrhyw newidiadau i’r gweithiwr gofal iechyd proffesiynol cofrestredig yn ddi-oed.

Dilyn a chadw at egwyddorion diogelu plant ac oedolion, gan hysbysu'r gweithiwr gofal iechyd proffesiynol cofrestredig am unrhyw bryderon ar unwaith. 

Cymryd rhan mewn argyfyngau clinigol, galw am gymorth a dilyn canllawiau lleol neu genedlaethol, gweithio fel aelod o'r tîm amlddisgyblaethol o fewn cwmpas yr ymarfer.

Gweithredu ar eich menter eich hun o fewn cwmpas yr ymarfer gan gydnabod a rhoi gwybod i weithiwr gofal iechyd proffesiynol cofrestredig am newidiadau a welwyd yn anghenion corfforol a seicolegol y claf.

Stoc ac Offer

Cynnal lefelau digonol o stoc, offer a deunyddiau a hwyluso defnydd effeithlon ac effeithiol o adnoddau gan nodi pan fydd argaeledd yn disgyn islaw safon neu lefel dderbyniol.

Cynnal glendid offer ym mhob man clinigol ac anghlinigol, gan gynnwys glanhau pob math o offer, ac ystafelloedd/mannau yn y lleoliad gofal.

Cadw, dychwelyd neu waredu eiddo unigolyn yn ddiogel.

Gwaredu’n briodol lieiniau a gwastraff clinigol a ddefnyddiwyd, a glanhau'r amgylchedd gofal clinigol.

Gwirio ymarferoldeb offer a ddefnyddir gan gleifion a chleientiaid a rhoi gwybod am unrhyw broblemau i aelod priodol o'r tîm.

Cyfathrebu

Darparu gwybodaeth arferol briodol i gleifion, gofalwyr a staff eraill mewn modd effeithiol gan ddefnyddio technegau cyfathrebu priodol i oresgyn unrhyw rwystrau i ddeall a darparu cymorth gan ddefnyddio empathi a thact yn ystod digwyddiadau trallodus neu emosiynol. Gall hyn gynnwys rhyngweithio â chleifion/teuluoedd sydd ag anghenion ychwanegol, er enghraifft anableddau dysgu neu rwystrau iaith/cyfathrebu.

Cyfathrebu'n glir ac effeithiol â'r tîm amlddisgyblaethol, gan dderbyn cyfarwyddiadau a rhoi adborth ar ofal cleifion a gweithgareddau i weithwyr gofal iechyd proffesiynol cofrestredig perthnasol lle bo angen.

Ymateb yn briodol i ymholiadau arferol, cymryd negeseuon dros y ffôn a throsglwyddo gwybodaeth ysgrifenedig a llafar i gleifion a staff mewn modd amserol.

Hyrwyddo addysg iechyd sy'n benodol i'r maes clinigol ac yn unol â pholisïau cenedlaethol a lleol.

Gwella a Monitro

Bydd dilyn yr holl ddeddfwriaeth a pholisïau a gweithdrefnau sefydliadol yn ofynnol a gofynnir i ddeiliad y swydd roi sylwadau ar weithdrefnau ar gyfer ei faes gweithgarwch eu hunan, ac awgrymu gwelliannau a fydd yn cyfrannu at redeg y gwasanaeth yn effeithlon gan gefnogi profiadau gwell i gleifion.

Cadw at weithdrefnau gweithredu safonol, canllawiau a pholisïau wrth ddarparu gofal, er enghraifft os yw’n gweithio mewn lleoliadau cymunedol, dylai gadw at bolisi/gweithdrefn gweithiwr unigol er mwyn cynnal ei ddiogelwch personol ei hun yn ogystal â diogelwch eraill.

Cyfrannu at ymchwil, archwiliadau, mentrau gwella ansawdd a rhaglenni treialon clinigol  a gyflawnir yn y maes gwaith yn ôl yr angen.

Rheoli, Arwain a/neu Hyfforddi

Goruchwylio gwaith gweithwyr a phrentisiaid Cymorth Gofal Iechyd Nyrsio Band 2.

Gweithio ochr yn ochr â myfyrwyr nyrsio, rhai ar leoliad profiad gwaith a chadetiaid nyrsio sy’n darparu cefnogaeth.

Dirprwyo gwaith i staff priodol i sicrhau bod gwasanaethau'n cael eu bodloni.

Digidol a Gwybodaeth     

Cynnal cofnodion cywir mewn fformatau ysgrifenedig ac electronig, gan gadw at bolisïau llywodraethu data, cyfrinachedd a seiberddiogelwch.

Dangos hyfedredd, lle bo'n briodol, wrth ddewis a defnyddio offer digidol ar gyfer tasgau dyddiol, hyfforddiant, cyfathrebu, a chefnogi unigolion i ddefnyddio dulliau gofal iechyd digidol yn ddiogel.