Uwch-ddadansoddwr Cudd-wybodaeth Iechyd y Cyhoedd

Swydd-ddisgrifiad a phrif gyfrifoldebau manwl

Dadansoddi a Dehongli Data

• Dehongli a dadansoddi setiau data cymhleth, o sawl ffynhonnell yn annibynnol, gan nodi tueddiadau, anomaleddau a goblygiadau ar gyfer polisi iechyd y cyhoedd a chyflenwi gwasanaethau.
• Ymarfer barn broffesiynol i ddewis a chymhwyso dulliau dadansoddi priodol, gan gydbwyso trylwyredd ystadegol â chyfyngiadau ymarferol ac anghenion rhanddeiliaid.
• Addasu modelau cenedlaethol neu safonol i setiau data lleol a chyd-destunau gwasanaeth, gan wella perthnasedd ac effaith dadansoddol.
• Deall a rheoli data coll neu anghyflawn, gan gymhwyso technegau priodol i sicrhau uniondeb dadansoddol.
• Cynllunio ar gyfer gwaith dadansoddi iterus, gan ymgorffori adborth a blaenoriaethau sy'n dod i'r amlwg i fireinio allbynnau a sicrhau'r gwerth mwyaf posibl.
• Cymhwyso’r chwe dimensiwn ansawdd data i asesu a chyfleu cyfyngiadau o ran dehongli, gan sicrhau tryloywder a dibynadwyedd.

Offer Technegol a Meddalwedd

• Defnyddio offer dadansoddi uwch fel R, Python, SQL, a Google Cloud Platform i ddatblygu llifau gwaith effeithlon y gellir eu hatgynhyrchu.
• Arwain datblygiad piblinellau dadansoddi, gan gymhwyso arferion da mewn datblygu meddalwedd, profi, rheoli fersiynau a dogfennu.
• Dewis yr offer mwyaf priodol ar gyfer pob tasg, gan ddangos hyblygrwydd ac arweinyddiaeth dechnegol ar draws prosiectau.
• Sicrhau cydymffurfedd â phrotocolau diogelwch penodol i'r platfform a chyfrannu at ddatblygu amgylcheddau dadansoddi diogel y gellir eu hehangu.
• Ymgysylltu â'r gymuned ddadansoddi ehangach i aros yn gyfredol o ran offer, technegau a safonau sy'n dod i'r amlwg.

Ansawdd Data a Llywodraethu

• Goruchwylio prosesau llywodraethu data, gan sicrhau bod setiau data a ddefnyddir mewn dadansoddiadau iechyd y cyhoedd yn ddiogel, yn hygyrch, ac yn addas at y diben.
• Trin data sensitif yn unol â safonau llywodraethu gwybodaeth y GIG, gan ddefnyddio platfformau diogel at ddibenion mynediad a rhannu.
• Cynnal metadata a dogfennaeth i gefnogi y gallu i atgynhyrchu ac archwilio gwaith dadansoddi.
• Nodi a datrys problemau ansawdd data, gan gynnwys cofnodion coll, cofnodion anghyson, neu rhai sydd wedi’u dyblygu, gan ddefnyddio technegau glanhau a dilysu systematig.
• Cymhwyso dulliau rheoli datgelu ystadegol a dad-adnabod i ddiogelu cyfrinachedd mewn allbynnau.
• Codi pryderon ynghylch ansawdd data neu lywodraethu yn brydlon ac yn briodol, gan gyfrannu at welliant parhaus mewn arferion rheoli data.

Cyfrifoldebau Gweithredol a Sefydliadol

• Arwain y gwaith o gynllunio a chyflawni prosiectau dadansoddi gan ddefnyddio methodoleg Agile. Rheoli amserlenni, adnoddau a mewnbynnau rhanddeiliaid i sicrhau bod allbynnau'n bodloni’r amcanion strategol.
• Cysylltu gwaith dadansoddi â blaenoriaethau sefydliadol, gan addasu cynlluniau mewn ymateb i faterion iechyd y cyhoedd sy'n dod i'r amlwg ac anghenion rhanddeiliaid sy'n esblygu.
• Cynhyrchu allbynnau sy'n llywio gwneud penderfyniadau mewn perthynas â pholisi, dyrannu adnoddau a chyflenwi gwasanaethau
• Darparu dadansoddiad o ddata cofrestru i ddeall patrymau clefydau a chyflyrau yn y boblogaeth, ac effeithiolrwydd ymyriadau sydd â dehongliad iechyd y cyhoedd
• Cynnal a diweddaru setiau data, metadata a dogfennaeth yn unol â safonau llywodraethu ac archwilio.
• Sicrhau bod allbynnau dadansoddi yn cael eu storio a'u rhannu'n ddiogel, gan barchu cyfrinachedd a gofynion diogelu data.
• Cymryd cyfrifoldeb am ddefnyddio a chynnal a chadw offer TG ac offer meddalwedd dadansoddi yn ddiogel.

Cyfathrebu ac Ymgysylltu â Rhanddeiliaid:

• Cyflwyno gwybodaeth gymhleth am iechyd y cyhoedd i uwch randdeiliaid, gan deilwra’r cyfathrebu i gynulleidfaoedd technegol ac annhechnegol er mwyn eglurder ac effaith.
• Hwyluso gweithdai i randdeiliaid er mwyn cyd-ddylunio datrysiadau dadansoddi, datrys blaenoriaethau sy'n gwrthdaro, a sicrhau bod allbynnau'n canolbwyntio ar y defnyddiwr.
• Cyfathrebu’n agored ac yn onest, gan gynnwys wrth gyfleu negeseuon sensitif neu heriol, gan ddangos gwydnwch emosiynol a phroffesiynoldeb.
• Cyfieithu cysyniadau technegol i iaith hygyrch, rhoi cyflwyniadau ffurfiol, a chydymffurfio â safonau hygyrchedd ar gyfer delweddu data ac adrodd.
• Defnyddio iaith sy'n niwtral yn wleidyddol ac addasu eich arddull cyfathrebu i gyd-fynd â chynulleidfaoedd a chyd-destunau amrywiol.
• Cydweithio'n greadigol ac yn rhagweithiol â rhanddeiliaid i ddatrys heriau dadansoddi a chyflwyno mewnwelediadau y gellir gweithredu arnynt.

Arweinyddiaeth, Mentora a Datblygiad Proffesiynol

• Darparu arweinyddiaeth dechnegol ar draws prosiectau dadansoddi, gan osod safonau ar gyfer eu hatgynhyrchu, safonau sicrhau ansawdd a llywodraethu.
• Mentora a hyfforddi dadansoddwyr iau, gan gefnogi eu datblygiad trwy weithdrefnau hyfforddi, ymsefydlu, a throsglwyddo sgiliau.
• Cyfrannu at waith cynllunio tîm, recriwtio a gweithgareddau rheoli perfformiad, gan gynnwys arfarniadau a chynlluniau datblygu personol.
• Hyrwyddo gwerthoedd proffesiynol a dangos tosturi a chefnogaeth i gydweithwyr.
• Nodi anghenion datblygu personol a chwilio am gyfleoedd dysgu, gan rannu gwybodaeth ac arferion gorau ar draws y tîm a rhwydweithiau ehangach.
• Ymgysylltu â chymunedau ymarfer sefydliadol a phroffesiynol, gan gyfrannu at ddatblygu safonau dadansoddi a hyrwyddo dadansoddiadau moesegol o ansawdd uchel.

Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac.