Meddyg Teulu gyda Rôl Estynedig mewn Dermatoleg

Swydd-ddisgrifiad a phrif gyfrifoldebau manwl

Bydd y GPwER yn chwarae rhan weithredol mewn datblygu gwasanaethau, gwella ansawdd ac ailddylunio llwybrau, gan gefnogi’r gwaith o ddarparu gwasanaethau dermatoleg cynaliadwy ar draws y system gofal iechyd. Mae hyn yn cynnwys cyfrannu at weithgareddau archwilio, llywodraethu clinigol, addysg a hyfforddiant, a chydweithio â chyd-weithwyr gofal sylfaenol i ddatblygu llwybrau gofal integredig sy’n gwella canlyniadau a phrofiad cleifion.

Bydd disgwyl i ddeiliad y swydd gynnal safonau uchel o ymarfer clinigol, dangos datblygiad proffesiynol parhaus, a gweithio’n agos gyda meddygon ymgynghorol, nyrsys arbenigol, gweithwyr proffesiynol perthynol i iechyd a thimau gweinyddol i ddarparu gofal dermatoleg diogel, effeithiol ac effeithlon.

Cyfrifoldebau Clinigol

• Ymgymryd â chlinigau cleifion allanol dermatoleg arbenigol i gleifion sy’n cael eu cyfeirio at wasanaethau gofal eilaidd, gan asesu, diagnosio a rheoli ystod eang o friwiau a chyflyrau’r croen lle’r amheuir canser.
• Rheoli cleifion yn annibynnol a llunio cynlluniau triniaeth a threfnu ôl-driniaeth briodol.
• Darparu barn a chyngor clinigol arbenigol i atgyfeirwyr ac aelodau o’r tîm amlddisgyblaethol.
• Sicrhau bod cleifion yn cael gofal yn y lleoliad mwyaf priodol, gan gefnogi llwybrau sy’n osgoi apwyntiadau ymgynghorol diangen wrth gynnal safonau uchel o lywodraethu clinigol.

Rheoli Briwiau a Chanser y Croen

• Ymgymryd â Chlinigau Canser y Croen pwrpasol, gan asesu cleifion a atgyfeiriwyd trwy lwybrau brys lle’r amheuir canser, a diagnosio, rheoli ac atgyfeirio ymlaen mewn modd amserol, yn ôl y gofyn.
• Cynnal Clinigau Asesu Briwiau, gan gynnwys gwerthuso briwiau croen pigmentog a di-bigment gan ddefnyddio dermosgopeg a thechnegau diagnostig cydnabyddedig eraill.
• Cymryd rhan yn y gwaith o asesu a rheoli cleifion lle’r amheuir melanoma, canser y croen nad yw’n felanoma, a mathau eraill o falaenedd croenol, gan uwchgyfeirio achosion yn briodol yn unol â chanllawiau lleol a chenedlaethol.
• Cefnogi’r broses o ddarparu llwybrau canser y croen mynediad cyflym i sicrhau y cyflawnir y targedau canser cenedlaethol a bod cleifion yn cael eu trin mewn modd amserol.

Brysbennu Adgyfeiriadau, a Chyngor ac Arweiniad

• Cymryd rhan mewn prosesau brysbennu atgyfeiriadau yn annibynnol a gyda chymorth meddyg ymgynghorol.
• Adolygu a blaenoriaethu atgyfeiriadau i sicrhau bod cleifion yn cael eu cyfeirio’n briodol at lwybrau brys, arferol, llawfeddygol neu gymunedol.
• Rhoi Cyngor ac Arweiniad i glinigwyr gofal sylfaenol i gefnogi’r gwaith o reoli cleifion yn effeithiol a lleihau atgyfeiriadau diangen.
• Cyfrannu at effeithlonrwydd y gwasanaeth trwy ddefnyddio llwybrau digidol a modelau asesu rhithwir.

Teledermatoleg a Teledermosgopi

• Cymryd rhan mewn Sesiynau Teledermatoleg a Theledermosgopi, gan adolygu delweddau clinigol a delweddau dermosgopig a gyflwynir trwy lwyfannau digidol cymeradwy.
• Darparu argymhellion asesu, brysbennu a rheoli o bell yn unol â phrotocolau gwasanaeth y cytunir arnynt.
• Cefnogi’r gwaith o ddatblygu a darparu gwasanaethau dermatoleg digidol gyda’r nod o wella mynediad a lleihau amseroedd aros.
• Cydweithio â chyd-weithwyr gofal sylfaenol i wella ansawdd ac effeithiolrwydd atgyfeiriadau teledermatoleg.

Mân Lawdriniaeth a Gweithgarwch Gweithdrefnol

• Ymgymryd â Chlinigau Mân Weithdrefnau Llawfeddygol o fewn cymwyseddau ac achrediad y cytunwyd arnynt.
• Cyflawni gweithdrefnau croen diagnostig a therapiwtig, gan gynnwys biopsïau tyllu, biopsïau eillio, ciwretio a thoriadau briwiau priodol.
• Sicrhau bod yr holl weithdrefnau yn cael eu cynnal yn unol â pholisïau lleol, safonau rheoli heintiau a gweithdrefnau cydsynio.
• Cadw cofnodion gweithdrefnol, data archwilio a threfniadau monitro canlyniadau cywir i gefnogi gofynion llywodraethu clinigol.

Gwaith Tîm Amlddisgyblaethol

• Cymryd rhan weithredol yng Nghyfarfodydd y Tîm Amlddisgyblaethol Dermatoleg, gan gyfrannu at wneud penderfyniadau clinigol a chynllunio triniaeth.
• Cyflwyno a thrafod achosion cymhleth â chyd-weithwyr ymgynghorol a thimau arbenigol ehangach.
• Cydweithio â gweithwyr proffesiynol i hwyluso gofal diogel ac effeithiol i gleifion.
• Cyfrannu at weithio integredig ar draws gwasanaethau gofal sylfaenol, cymunedol ac eilaidd.

Datblygu a Llywodraethu’r Gwasanaeth

• Cefnogi’r gwaith o gyflwyno mentrau rhestrau aros, ailddylunio llwybrau, a rhaglenni gwella gwasanaethau.
• Cymryd rhan mewn archwiliadau clinigol, prosiectau gwella ansawdd, a gweithgareddau gwerthuso’r gwasanaeth.
• Cyfrannu at ddatblygu canllawiau clinigol, gweithdrefnau gweithredu safonol a llwybrau arfer gorau.
• Cynnal safonau uchel o ran cadw cofnodion, llywodraethu clinigol a diogelwch cleifion.

Addysg a Hyfforddiant

• Cefnogi addysg a datblygiad gweithwyr gofal iechyd proffesiynol ar draws gofal sylfaenol ac eilaidd.
• Cymryd rhan mewn gweithgareddau addysgu, mentora a goruchwylio clinigol lle bo hynny’n briodol.
• Hyrwyddo arfer gorau o ran asesu, diagnosio a rheoli dermatoleg.
• Cynnal datblygiad proffesiynol parhaus a gofynion achredu GPwER.

Gellir dod o hyd i ddisgrifiad swydd llawn a manyleb y person ynghlwm yn y dogfennau ategol ar y tudalen hon.