Gweithiwr Cymorth Nyrsio (Gofal Critigol/Dibyniaeth Uchel)

Swydd-ddisgrifiad a phrif gyfrifoldebau manwl

Cynllunio a Dylunio

Cynllunio a blaenoriaethu eich llwyth gwaith dirprwyedig eich hun gan sicrhau bod tasgau'n cael eu cwblhau'n effeithlon, yn ddiogel ac yn

effeithiol, gan ddefnyddio eich menter i flaenoriaethu'r gwaith ar sail anghenion cleifion ac addasu i sicrhau bod argyfyngau a thasgau blaenoriaeth yn cael eu cwblhau i derfynau amser.

Gweithio o fewn gweithdrefnau sefydledig wrth ddarparu gofal ac o dan oruchwyliaeth gweithiwr gofal iechyd proffesiynol cofrestredig.

Clinigol Wrth ymgymryd â phob tasg glinigol o fewn y lleoliad gofal critigol neu ddibyniaeth uchel, bydd y gweithiwr cymorth nyrsio yn gweithio ochr yn ochr â'r gweithiwr gofal iechyd proffesiynol cofrestredig, ac o fewn cwrs ei ddyletswyddau bydd deiliad y swydd yn: Cefnogi darparu gofal personol i gleifion/cleientiaid. Gan ddibynnu ar gyflwr y claf, gall hyn gynnwys defnyddio'r gawod neu'r bath, cyfleusterau golchi, gwisgo, cefnogi cleifion i ddiwallu eu hanghenion hylendid geneuol, cael mynediad at doiledau a'u defnyddio, casglu a gwaredu gwastraff corfforol, a sicrhau bod preifatrwydd, urddas a diogelwch yn cael eu cynnal. Gall hyn olygu defnyddio teclynnau codi, cadeiriau olwyn neu gymhorthion symudedd eraill. Lle y bo'n briodol, cefnogi cleifion i fwyta ac yfed drwy ddewis bwyd a diodydd priodol, a'u galluogi i baratoi ar gyfer bwyta ac yfed, a’u cynorthwyo pan fo angen. Cynorthwyo i ofalu am ardaloedd briwiau pwyso a chefnogi'r gweithiwr gofal iechyd proffesiynol cofrestredig i wirio cyflwr y croen yn rheolaidd. Gall hyn gynnwys cynorthwyo fel aelod o'r tîm amlddisgyblaethol i newid osgo claf anymwybodol/annog claf ymwybodol i newid ei osgo neu fod ei osgo yn cael ei newid drosto, a rhoi gwybod am bryderon i'r gweithiwr gofal iechyd proffesiynol cofrestredig heb oedi. Trin cleifion â llaw a'u trosglwyddo rhwng trolïau a gwelyau, sy’n cynnwys gosod a newid osgo claf. Bydd hyn yn cynnwys defnyddio offer trin â llaw priodol, er enghraifft Patslide. Helpu i gyfarwyddo cleifion â'r amser, ble maen nhw a'u lleoliadau ffisegol, a galluogi creu perthynas therapiwtig â chleifion trwy eu hymgysylltu â gweithgareddau a gânt eu hystyried yn briodol iddynt. Cefnogi gweithiwyr gofal iechyd proffesiynol cofrestredig i sicrhau bod diogelwch cleifion/cleientiaid y mae angen lefel uwch o oruchwyliaeth arnynt mewn lleoliad gofal critigol yn cael ei ddarparu, er enghraifft cleifion sydd mewn perygl o gwympo, cleifion ag amhariad ar y cof, anghenion ymddygiad, anghenion gofal iechyd meddwl/anableddau dysgu, ac adrodd am newidiadau i'r gweithiwr gofal iechyd proffesiynol cofrestredig heb oedi. Cael samplau diagnostig, er enghraifft casglu samplau wrin / samplau ysgarthol / samplau sbwtwm, swabiau clwyfau, cael samplau gwaed gwythiennol gan sicrhau bod sbesimenau'n cael eu trin a'u trafod a’u hanfon yn gywir wrth gadw at bolisïau rheoli heintiau a chanllawiau lleol. Cynnal profion yn y man lle y rhoddir gofal, er enghraifft profi dŵr ac uwchgyfeirio unrhyw annormaleddau, cofnodi glwcos yn y gwaed gan gynnwys cydymffurfedd ag asesiadau ansawdd mewnol ac allanol o ran offer.Ymgymryd â dyletswyddau dirprwyedig a'u cofnodi, er enghraifft cofnodi tymheredd y corff, pwysedd gwaed, curiad y galon, lefel dirlawnder ocsigen, curiad y galon a chyfradd anadlu, dan oruchwyliaeth gweithiwr gofal iechyd cofrestredig. Ymgymryd â dyletswyddau gofal dirprwyedig dan gyfarwyddyd gweithiwr gofal iechyd proffesiynol cofrestredig; gall enghreifftiau o’r dyletswyddau gynnwys, ond heb fod yn gyfyngedig i, gofnodi Electrocardiogram (ECG), gofalu am gathetrau wrinol a'u tynnu, gofalu am stomas, gorchuddio clwyfau syml ac arsylwi clwyfau, tynnu caniwla ymylol. Cael cydsyniad ar sail gwybodaeth cyn darparu gofal, deall y camau gweithredu sydd eu hangen os gwrthodir gofal. Adnabod ac adrodd ar newidiadau a welwyd yn anghenion corfforol a seicolegol y claf i weithiwr gofal iechyd proffesiynol cofrestredig. Ymgymryd â safonau uchel o reoli atal heintiau yn y lleoliad gofal iechyd, trwy arferion hylendid dwylo effeithiol, cynnal amgylchedd glân a glanhau offer. Dangos gofal a thosturi tuag at gleifion, gofalwyr a pherthnasau i helpu i sicrhau bod gofal claf o ansawdd uchel sy’n canolbwyntio ar yr unigolyn yn cael ei ddarparu bob amser, ac eirioli drostynt os oes angen. Cofnodi gwybodaeth gywir ac amserol yn y dogfennau priodol gan gynnwys dogfennu pwysau, taldra, mynegai màs y corff (BMI) er enghraifft, a chofnodi maeth a hydradu. Cynorthwyo'r gweithiwr gofal iechyd proffesiynol cofrestredig i baratoi a throsglwyddo'r rhai sy'n ddifrifol wael. Cefnogi'r gweithiwr gofal iechyd proffesiynol cofrestredig pan fo angen hebrwng cleifion yn ystod ymyriadau neu weithdrefnau meddygol. Dilyn a chadw at egwyddorion diogelu plant ac oedolion, gan hysbysu'r gweithiwr gofal iechyd proffesiynol cofrestredig am unrhyw bryderon ar unwaith. Cymryd rhan mewn argyfyngau clinigol, galw am gymorth a dilyn canllawiau lleol neu genedlaethol, gweithio fel aelod o'r tîm amlddisgyblaethol o fewn cwmpas yr ymarfer. Gweithredu ar eich menter eich hun o fewn cwmpas yr ymarfer gan gydnabod a rhoi gwybod i weithiwr gofal iechyd proffesiynol cofrestredig am newidiadau a welwyd yn anghenion corfforol a seicolegol y claf. Gofalu'n sensitif am gleifion sy'n marw a'u teuluoedd fel rhan o'r tîm amlddisgyblaethol. Gall hyn gynnwys sefyllfaoedd anodd ac emosiynol, er enghraifft, cleifion sy'n rhan o'r broses o roi organau.Stoc ac Offer Paratoi ardaloedd gwelyau ar gyfer derbyn cleifion sy'n ddifrifol wael gan sicrhau bod yr holl offer ar gael, wedi'i osod yn gywir ac yn gweithio'n iawn. Rhoi cymorth technegol wrth osod, cynnal a chadw a phrofi amrywiaeth o offer gofal critigol, gwirio ymarferoldeb offer a ddefnyddir gan gleifion a chleientiaid ac adrodd am broblemau i aelod priodol o'r tîm Cefnogi'r gweithiwr gofal iechyd proffesiynol cofrestredig i baratoi trolïau ar gyfer triniaethau. Fel rhan o'r tîm gofal critigol, cyfrannu at lanhau, stocio, gosod, datgymalu, cynnal a chadw a pharatoi offer clinigol a mannau clinigol er mwyn cynnal safon uchel o lendid. Cynnal lefelau digonol o stoc, offer a deunyddiau a hwyluso defnydd effeithlon ac effeithiol o adnoddau gan nodi pan fydd argaeledd yn disgyn islaw safon neu lefel dderbyniol. Gall hyn gynnwys archebu eitemau stoc unigol lle bo angen, er enghraifft, pwythau, draeniau, tiwbiau bwydo ac ati. Cynnal glendid offer ym mhob man clinigol ac anghlinigol, gan gynnwys glanhau pob math o offer, ac ystafelloedd/mannau yn y lleoliad gofal. Cadw, dychwelyd neu waredu eiddo unigolyn yn ddiogel. Sicrhau bod lliain a gwastraff clinigol a ddefnyddiwyd yn cael eu gwaredu'n gywir, a glanhau'r amgylchedd gofal clinigol. Cyfathrebu Darparu cefnogaeth briodol i gleifion a pherthnasau yn ystod cyfnodau ymweld a chyfnodau gorffwys gwarchodedig a chynorthwyo'r gweithiwr gofal iechyd proffesiynol cofrestredig gyda feysydd i'w gwella a fyddai'n gwella profiad ymweld y perthnasau/ymwelwyr. Darparu gwybodaeth arferol briodol i gleifion, gofalwyr a staff eraill mewn modd effeithiol gan ddefnyddio technegau cyfathrebu priodol i oresgyn unrhyw rwystrau i ddeall a darparu cymorth gan ddefnyddio empathi a thact yn ystod digwyddiadau trallodus neu emosiynol. Gall hyn gynnwys rhyngweithio â chleifion/teuluoedd sydd ag anghenion ychwanegol, er enghraifft anableddau dysgu neu rwystrau iaith/cyfathrebu. Cyfathrebu'n glir ac effeithiol â'r tîm amlddisgyblaethol, gan dderbyn cyfarwyddiadau a rhoi adborth ar ofal cleifion a gweithgareddau i weithwyr gofal iechyd proffesiynol cofrestredig perthnasol lle bo angen. Ymateb yn briodol i ymholiadau arferol, cymryd negeseuon dros y ffôn a throsglwyddo gwybodaeth ysgrifenedig a llafar i gleifion a staff mewn modd amserol.

Gwella a Monitro Bydd dilyn yr holl ddeddfwriaeth a pholisïau a gweithdrefnau sefydliadol yn ofynnol a gofynnir i ddeiliad y swydd roi sylwadau ar weithdrefnau ar gyfer eu maes gweithgarwch eu hunain, ac awgrymu gwelliannau a fydd yn cyfrannu at redeg y gwasanaeth yn effeithlon gan gefnogi profiadau gwell i gleifion. Cadw at weithdrefnau gweithredu safonol, canllawiau a pholisïau wrth ddarparu gofal, er enghraifft os yw’n gweithio mewn lleoliadau cymunedol, dylai gadw at bolisi/gweithdrefn gweithiwr unigol er mwyn cynnal ei ddiogelwch personol ei hun yn ogystal â diogelwch eraill. Cyfrannu at ymchwil, archwiliadau, mentrau gwella ansawdd a rhaglenni treialon clinigol a gyflawnir yn y maes gwaith yn ôl yr angen. Rheoli, Arwain a/neu Hyfforddi Goruchwylio gwaith gweithwyr a phrentisiaid Cymorth Gofal Iechyd Nyrsio Band 2. Gweithio ochr yn ochr â myfyrwyr nyrsio, rhai ar leoliad profiad gwaith a chadetiaid nyrsio sy’n darparu cefnogaeth. Dirprwyo gwaith i staff priodol i sicrhau bod gwasanaethau'n cael eu bodloni. Digidol a Gwybodaeth Cynnal cofnodion cywir mewn fformatau ysgrifenedig ac electronig a chadw at bolisïau llywodraethu data, cyfrinachedd a seiberddiogelwch. Lle bo'n briodol yn dangos hyfedredd wrth ddewis a defnyddio offer digidol ar gyfer tasgau dyddiol, hyfforddiant, cyfathrebu, a chefnogi unigolion i ddefnyddio dulliau gofal iechyd digidol yn ddiogel.