Ddadansoddwr Gwybodeg a Data

Swydd-ddisgrifiad a phrif gyfrifoldebau manwl

Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac

Sgiliau Cyfathrebu a Pherthynas

• Mae’r swydd hon yn gofyn i’r deiliad ddatblygu, cyflwyno a rhannu gwybodaeth gymhleth. Mae'n ddigon posibl y bydd y wybodaeth honno'n sensitif ei natur a gall fod yn ddadleuol iawn, yn enwedig pan fo’n ymwneud ag ymchwil ac archwilio clinigol.
• Bydd deiliad y swydd yn datblygu prosesau newydd ar gyfer trin gwybodaeth.
• Bydd gofyn i ddeiliad y swydd hyfforddi a chefnogi staff i ddefnyddio amrywiaeth o systemau TG, a hynny er mwyn gwella ansawdd data.

Gwybodaeth, Hyfforddiant a Phrofiad

• Bydd deiliad y swydd â chymhwyster lefel gradd (neu brofiad cyfatebol), yn ddelfrydol mewn pwnc rhifyddol fel ystadegau.
• Byddai cymhwyster hyfforddi yn fuddiol, yn ogystal â phrofiad o hyfforddi a chefnogi eraill.
• Bydd angen i ddeiliad y swydd arddangos tystiolaeth o’u profiad o gasglu gwybodaeth a chynhyrchu adroddiadau trwy ddadansoddi data crai ac o’u gallu i gyflwyno gwybodaeth gymhleth i staff o bob lefel.
• Cynnal safonau proffesiynol uchel trwy ddatblygiad proffesiynol parhaus, gan fod yn ymwybodol o’r datblygiadau diweddaraf ym myd technoleg gwybodaeth a datblygiadau TG cenedlaethol.

Sgiliau Dadansoddi a Beirniadu

• Bydd deiliad y swydd yn gallu dadansoddi, dehongli a chyflwyno data cymhleth mewn amrywiaeth o fformatau, ar wahanol lefelau ac ar gyfer amrywiaeth o gynulleidfaoedd.
• Bydd angen i ddeiliad y swydd gynnal archwiliadau o ddata clinigol lle bo angen, gan nodi materion ansawdd data a chywiro gwallau ar adroddiadau gwybodaeth.
• Darparu hyfforddiant a chymorth i staff sydd â gwahanol lefelau o lythrennedd cyfrifiadurol.
• Cynorthwyo gyda’r gwaith o nodi datblygiadau meddalwedd newydd, creu manylebau ar eu cyfer a chynnal profion sicrwydd defnyddwyr, gan nodi unrhyw effeithau ar ofynion data.

Sgiliau Cynllunio a Threfnu

• Bydd gofyn i ddeiliad y swydd gynllunio a threfnu eu llwyth gwaith eu hunain er mwyn bodloni terfynau amser, gan addasu blaenoriaethau ar fyr rybudd gyda llwyth gwaith amrywiol.
• Bydd deiliad y swydd hefyd, ar y cyd â'r Tîm Gwasanaethau Data a Gwybodeg (IDS), yn cynllunio ac yn trefnu cynllun gwaith y tîm, gan sicrhau bod yr holl adroddiadau monitro arferol a’r dyddiadau cau yn cael eu rhestru a'u diweddaru a bod adroddiadau'n cael eu cyhoeddi fel y trefnwyd.

Sgiliau Corfforol

• Sgiliau bysellfwrdd uwch er mwyn cofnodi data yn gywir.
• Gallu dysgu sgiliau cyfrifiadurol newydd yn ôl yr angen.
• Efallai y bydd angen teithio i leoliadau ledled Cymru ac aros dros nos.

Cyfrifoldeb am Ofal Cleifion / Cleientiaid

• Bydd cyswllt â chleifion/cleientiaid yn ddamweiniol ond efallai y bydd angen i ddeiliad y swydd egluro materion gwybodeg sy'n ymwneud â chleifion/cleientiaid/aelodau'r cyhoedd.

Cyfrifoldeb am Weithredu Polisi / Datblygu Gwasanaethau

• Disgwylir i ddeiliad y swydd asesu effeithiolrwydd y polisïau presennol sy’n ymwneud â chynhyrchu a lledaenu gwybodaeth, gan argymell gwasanaethau amgen o blith technolegau Technoleg a Rheoli Gwybodaeth blaengar. Hefyd, bydd deiliad y swydd yn gyfrifol am ddatblygu gwasanaethau amgen ac am sicrhau bod newidiadau priodol yn cael eu gwneud i bolisïau, gan gynnwys darparu unrhyw hyfforddiant angenrheidiol.
• Cynorthwyo’r gwaith o ddatblygu a monitro polisïau, strategaethau a gweithdrefnau gwybodeg o fewn y Tîm Gwybodeg.
• Cydgasglu ac adrodd gwybodaeth, gan awgrymu adroddiadau newydd ar gyfer sicrhau ansawdd cronfeydd data ac i werthuso rhaglenni.
• Cynorthwyo a chefnogi’r gwaith o weithredu polisïau newydd a datblygu gwasanaethau drwy hyfforddi staff i ddefnyddio'r systemau TG diwygiedig.

Cyfrifoldeb am Adnoddau Ariannol a Ffisegol

• Cynorthwyo gyda’r gwaith o gynhyrchu gwybodaeth i'w chynnwys ar achosion busnes yn ôl yr angen.

Cyfrifoldeb am Adnoddau Dynol

• Cynorthwyo â’r gwaith o hyfforddi a datblygu staff newydd o fewn y Tîm Gwasanaethau Data a Gwybodeg, sy'n cynnwys nifer o dimau/swyddogaethau o fewn isadran wybodeg yr Ymddiriedolaeth.
• Darparu dogfennau, hyfforddi a datblygu staff presennol.
• Bydd deiliad y swydd yn cael eu hannog i fod yn aelod gweithgar o raglen hyfforddi rheolaeth ac arweinyddiaeth yr Ymddiriedolaeth.

Cyfrifoldeb am Adnoddau Gwybodeg

• Trin a llwytho data ar gyfer warws data sgrinio / microbioleg yr Ymddiriedolaeth.
• Dadansoddi a monitro cyflawnrwydd data a chyfrannu at wella ansawdd data.
• Cymryd rhan yn y gwaith o ddylunio systemau TG newydd neu ddiwygio systemau presennol.
• Cymryd rhan yn y gwaith o brofi a hyfforddi defnyddwyr pan fo galluoedd newydd yn cael eu datblygu, gan gynnwys cynhyrchu deunyddiau hyfforddi.
• Cynorthwyo'r Ddesg Wasanaeth trwy roi cefnogaeth system TG ail linell.
• Datblygu a darparu adroddiadau ystadegol rheolaidd a rhai ad hoc a darparu data yn ôl y gofyn am ymholiadau, archwiliadau a phrosiectau ymchwil.
• Paratoi cyflwyniadau a gwirio’r data a gyhoeddir.

Cyfrifoldeb am Ymchwil a Datblygu

• Cynorthwyo â’r gwaith o ddatblygu’r systemau TG sydd eu hangen er mwyn casglu gwybodaeth glinigol at ddibenion ymchwil a datblygu.
• Ymgymryd â gwaith archwilio systemau a gwasanaethau er mwyn gwella ansawdd data ac i gynhyrchu gwybodaeth am reolaeth.
• Cynorthwyo gydag ymchwil fel sy'n ofynnol gan adran ymchwil a Datblygu’r Ymddiriedolaeth

Rhyddid i Weithredu

• Ymgymryd â thasgau fel y pennwyd gan uwch aelodau'r Tîm Gwasanaethau Data a Gwybodeg.
• Gallu gwerthuso a chysylltu â staff priodol lle bo angen er mwyn sicrhau mai dim ond gwybodaeth awdurdodedig, briodol sy'n cael ei rhyddhau, gan gyfeirio at eu rheolwr pan fo angen.
• Yn gyfrifol am drin data lle gellir adnabod cleifion yn unol â deddfwriaeth diogelu data.
• Hyrwyddo ansawdd data clinigol ymhlith timau trwy hyfforddi ac adrodd data.
• Mynychu cyfarfodydd a chytuno i ymgymryd â gwaith sy'n briodol i'r rôl.

Ymdrech Gorfforol

• Gweithio wrth ddesg ond angen mynychu cyfarfodydd oddi ar y safle yn achlysurol.

Ymdrech Feddyliol

• Bydd cyfnodau hir o ganolbwyntio o bryd i’w gilydd, wrth ysgrifennu adroddiadau a dadansoddi gwybodaeth.
• Bydd angen canolbwyntio’n achlysurol wrth brofi datblygiadau meddalwedd newydd a chynhyrchu deunyddiau hyfforddi.
• Angen hyblygrwydd wrth ymdrin â llwyth mawr ac amrywiol o waith i'w gwblhau o dan bwysau ac o fewn terfynau amser tyn.
• Dehongli adroddiadau / holiaduron boddhad sy'n ymwneud â staff neu ddata clinigol.

Ymdrech Emosiynol

• Yn aml, bydd angen gweithio mewn meysydd sensitif a allai fod yn heriol yn emosiynol, megis adolygiadau marwolaeth plant a gwaith canser.

Amodau Gwaith

• Defnyddio offer arddangos fideo VDU fwy neu lai yn barhaus ar y rhan fwyaf o ddyddiau.
• O bryd i'w gilydd, bydd dyletswyddau’n golygu teithio i ardaloedd eraill yng Nghymru ac aros dros nos.

Efallai y bydd dyletswyddau eraill dros amser a byddant yn cael eu trafod gyda deiliad y swydd a chynrychiolwyr staff fel y bo'n briodol.