Nyrs Gofrestredig: Gwasanaeth Rheoli Poen

Swydd-ddisgrifiad a phrif gyfrifoldebau manwl

Pwrpas y Swydd:

Mae deilydd y swydd yn gyfrifol am asesu, cynllunio, gweithredu a gwerthuso gofal nyrsio wedi'i seilio ar dystiolaeth, gan gydweithio ac yn cydweithredu ag eraill er mwyn bodloni anghenion cleifion â'u teuluoedd o fewn y Gwasanaeth Rheoli Poen.

Cynorthwyo wrth reoli a threfnu Clinigau Cleifion Allanol neu Ymyriadol a chymryd rhan mewn addysgu, datblygu a goruchwylio aelodau eraill o staff.

Rheoli/Arwain.

Ø  Bydd gofyn i ddeilydd y swydd (yn ddibynnol ar brofiad) gymryd cyfrifoldeb dros grŵp o gleifion/cleientiaid gydag arweiniad a goruchwyliaeth yr unigolyn sydd â chyfrifoldeb parhaus/nyrs mewn gofal.

Ø  Cydlynu gwaith y gweithwyr cefnogi gofal iechyd, ymarferwyr cynorthwyol, myfyrwyr, nyrs preceptoriaeth (yn ddibynnol ar brofiad) wrth ddarparu gofal nyrsio.

Ø  Goruchwylio gweithwyr cefnogi gofal iechyd, ymarferwyr cynorthwyol, myfyrwyr, nyrs preceptoriaeth (yn ddibynnol ar brofiad) y tîm nyrsio, a chymryd rhan mewn addysg a datblygiad.  

Ø  Cadw cyfrinachedd gyda gwybodaeth sensitif, h.y. materion staffio, ariannol a chleifion.

Ø  Cofnodi eiddo cleifion gan sicrhau bod gweithdrefnau yn cydymffurfio â pholisïau a phrotocolau'r Bwrdd Iechyd.

Ø  Cymryd rhan mewn datblygu'r gwasanaeth drwy gyfrannu at ddatblygiad y tîm drwy gyfarfodydd uned/adran, archwiliad ac ymchwil.

Ø  Cymryd rhan mewn defnyddio adnoddau corfforol ac ariannol yn effeithlon ac effeithiol. Sicrhau bod offer/storfeydd priodol ar gael yn eich maes cyfrifoldeb dynodedig a'u bod yn gweithio'n ddiogel.

Ø  Bod yn ymwybodol o'ch cyfyngiadau eich hun ac uwch gyfeirio unrhyw amgylchiadau/sefyllfaoedd a allai fod yn niweidiol i les cleifion neu gydweithwyr i staff uwch.

Ø  Sicrhau eich bod yn gwybod am bolisïau staffio ac arweiniad statudol yn ymwneud â'r maes gwaith ac atebolrwydd proffesiynol yn ymwneud â staffio.

Ø  Cefnogi rheolwr yr adran drwy gyfrannu at werthusiad ac asesiad risg lefelau staffio ar sail sifft fesul sifft, gan ymgymryd ag unrhyw weithrediadau o fewn lefel eich gallu i ddatrys problemau gyda staffio.

Ø  Sicrhau bod pryderon yn ymwneud â staffio'n cael eu codi gyda'r Nyrs mewn Gofal/Metron ac yn cael eu cofnodi ar Datix.

Ø  Bod ag ymwybyddiaeth o'r dangosfwrdd niwed a chefnogi'r rheolwr i sicrhau bod camau gweithredu'n cael eu rhoi ar waith i fynd i'r afael â'r taflwybr y tu allan i'r paramedrau y cytunwyd arnynt, neu uwch gyfeirio ble maent y tu allan i reolaeth leol.

Ø  Cymryd rhan mewn achrediad Ward am faes eich hun gan gefnogi rheolwr y ward i sicrhau bod gweithrediadau'n cael eu rhoi ar waith a'u monitro o ganlyniad.  

Clinigol.

Ø  Asesu anghenion nyrsio'r claf gan gynllunio, gweithredu a dadansoddi gofal nyrsio er mwyn sicrhau darpariaeth gofal effeithiol i gleifion.

Ø  Sicrhau bod yr egwyddorion a amlinellir yn yr Hanfodion Gofal yn cael eu hymgorffori mewn arferion dyddiol i sicrhau gwasanaeth o ansawdd uchel ar gyfer y cleifion a'r cleientiaid.

Ø  Cynnal cofnodion nyrsio cleifion i sicrhau bod gwybodaeth yn gywir a chyfredol.

Ø  Sicrhau bod cleifion a gofalwyr/perthnasau’n cael eu cynnwys wrth gynllunio gofal a'i ddarparu.

Ø  Sicrhau bod anghenion cleifion yn cael eu bodloni drwy weithio ar y cyd â gweithwyr proffesiynol ac asiantaethau eraill, yn enwedig o ran anghenion gofal parhaus e.e. paratoi offer perthnasol  ar gyfer gweithdrefnau archwilio a thriniaethau fel archwiliadau corfforol neu bigiadau / blociau nerfol.

Ø  Sicrhau bod cyfathrebu effeithiol yn cael ei sefydlu a'i gynnal â chleifion a gofalwyr/perthnasau, gan gymryd negeseuon cywir dros y ffôn neu gan uwch staff, ac adrodd yr holl wybodaeth amgylcheddol a chleifion i'r nyrs mewn gofal, a bod yn gwrtais bob amser.

Ø  Cyfathrebu gwybodaeth sensitif a chymhleth i gleifion/teuluoedd, yn cynnwys cleifion ag anghenion arbennig/anableddau dysgu neu rwystrau eraill i gyfathrebu e.e. cynorthwyo personél y tîm amlddisgyblaethol o ran cynnal triniaethau gan sicrhau bo'r claf yn deall, cytuno ac yn cael ôl-ofal perthnasol ar lafar ac fel gwybodaeth ysgrifenedig fel taflenni gwybodaeth i gleifion.

Ø  Asesu a yw claf yn addas i'w rhyddhau yn dilyn adolygiad meddygol a dechrau trefniadau cynllunio rhyddhau. Cysylltu â thimau amlddisgyblaethol fel bo'n briodol i helpu a chynllunio rhyddhad cymhleth.

Ø  Rhoi meddyginiaethau e.e. meddyginiaethau mewnwythiennol, i'r cyhyr/dan y croen, gan sicrhau bod triniaethau'n cyd-fynd â pholisi Bwrdd Iechyd Prifysgol Betsi Cadwaladr.

Ø  Cynnal triniaethau sy'n ymwneud â gofal claf e.e. gosod cathetr, tynnu pwythau, techneg aseptig yn unol â gofynion ANTT. 

Ø  Sicrhau bod y claf wedi ei baratoi yn ddiogel ar gyfer mynd i’r theatr ac archwiliadau neu driniaethau eraill sy'n berthnasol i'r maes gwaith a’i hebrwng oddi yno e.e. epidwral, blociau nerfol neu bloc Radioamledd.

Ø  Adnabod sefyllfaoedd brys ac argyfyngau ac ymateb yn briodol iddynt.

Ø  Cymryd rhan yn y gyfrifoldeb o gynnal amgylchedd glân a sicrhau bod yr holl staff yn dilyn cyfrifoldebau glanhau.

Llywodraethu Clinigol

Ø  Cymryd rôl ragweithiol o ran rheoli risg h.y. asesu risg, rhoi gwybod am ddigwyddiadau a phethau y bu ond y dim iddynt ddigwydd.

Ø  Cymryd pob rhagofal rhesymol ar gyfer amgylchedd diogel o'ch rhan eich hun ac eraill yn unol â deddfwriaeth Iechyd a Diogelwch, gan roi gwybod i'r Nyrs mewn Gofal am unrhyw bryderon.

Ø  Defnyddio arfer yn seiliedig ar dystiolaeth mewn ymyriadau nyrsio trwy gadw eich gwybodaeth eich hun yn gyfredol yn unol â gofynion Ail-ddilysu NMC.

Ø  Sicrhau eich bod chi ac eraill yn cydymffurfio â pholisïau, gweithdrefnau a chanllawiau clinigol.

Ø  Hyrwyddo rhagoriaeth a gwella safonau gofal nyrsio drwy gymryd rhan mewn archwilio yn y maes clinigol e.e. archwiliadau rheoli haint.

Ø  Cymryd rhan i fonitro safonau ac ansawdd gofal nyrsio, trwy feincnodi, archwilio ac ymchwil. 

Ø  Cymryd rhan mewn gweithgareddau cynnwys y cyhoedd a chleifion.

Ø  Hyrwyddo cydraddoldeb, amrywiaeth a hawliau pobl. 

Addysg a Datblygiad

Ø  Gyda'r profiad perthnasol gweithredu fel goruchwyliwr, mentor neu aseswr ar gyfer myfyrwyr neu weithiwr cefnogi gofal iechyd. 

Ø  Datblygu eich sgiliau a gwybodaeth eich hun a chyfrannu at ddatblygiad eraill.

Ø  Datblygu eich sgiliau a'ch gwybodaeth eich hun fel y'i hamlinellir yn y fframwaith gwybodaeth a sgiliau a chynllun datblygu personol fel y cytunir arno mewn adolygiadau datblygu proffesiynol blynyddol.

Ø  Cymryd rhan mewn cynefino a hyfforddi aelodau newydd o staff nyrsio a myfyrwyr cyn cofrestru, a gweithredu fel mentor/goruchwyliwr/aseswr i fyfyrwyr fel bo angen.

Atebolrwydd Proffesiynol

Ø  Cyfyngu ar eich gweithredoedd i'r rheiny rydych yn teimlo eich bod yn gallu ymgymryd â nhw.

Ø  Cynnal statws cyfredol ar Gofrestr NMC.

Ø  Gweithredu yn unol â Chod NMC a dogfennau arweiniol.

Ø  Cadw at Bolisïau a Gweithdrefnau'r Bwrdd Iechyd.

Ø  Sicrhau bod y sgiliau a’r wybodaeth ddiweddaraf gennych a bod yn ymwybodol o faterion proffesiynol.

Ø  Cynnal portffolio proffesiynol.

Ø  Sicrhau cydymffurfiaeth o ran bodloni gofynion Hyfforddiant Gorfodol y Bwrdd Iechyd ac unrhyw hyfforddiant arall sy'n hanfodol i'r rôl e.e. Cynnal Bywyd ar Unwaith.